IMG-LOGO

2024 ජුලි මස 22 වන සඳුදා


අධ්‍යාපන අනධ්‍යයන වෘත්තිකයන්ගෙන් අනතුරු ‍ඇඟවීමක්

(අජිත්ලාල් ශාන්තඋදය)
 
විද්‍යාපීඨ, ගුරු විදුහල් සහ ජාතික පාසල්වල ශිෂ්‍ය නිවාසාධිකාරී සහ සහාය නිවාසාධිකාරීන්ගේ වැටුප් විෂමතා ඉවත් කිරීමට අමාත්‍යාංශ මට්ටමින් දී ඇති නිර්දේශ ක‍්‍රියාත්මක කර දැනට ඇති පුරප්පාඩු වහා පිරවූයේ නැතිනම් නේවාසිකාගාර වැසී යාමේ අවදානමක් පවතින බව ශ‍්‍රී ලංකා අධ්‍යාපන අනධ්‍යයන වෘත්තිකයන්ගේ ඒකාබද්ධ සංගමය පවසයි.
 
පුරප්පාඩු පිරවීමට රජය වහා කටයුතු නොකළේ නම් 8,000ක් පමණ වූ නේවාසික ශිෂ්‍ය ශිෂ්‍යාවන්ට නේවාසිකාගාර අහිමිවිය හැකි බවද එම සංගමය අවධාරණය කරයි.
 
ජාතික වැටුප් හා සේවකසංඛ්‍යා කොමිෂන් සභාව සහ ආයතන අධ්‍යක්‍ෂ ජනරාල්වරයා මේ සඳහා අනුමැතිය දියයුතු බව ශ‍්‍රී ලංකා අධ්‍යාපන අනධ්‍යයන වෘත්තිකයන්ගේ ඒකාබද්ධ සංගමයේ ලේකම් සහ කැඳවුම්කරුවු ඒ.කේ.ඩබ්. විජේසේකර මහතා පවසයි.
 
රටපුරා පිහිටි විද්‍යාපීඨ 20ක, ගුරුවිද්‍යාල 4ක සහ ශිෂ්‍ය නේවාසිකාකාර ක‍්‍රියාත්මක ජාතික පාසල්වල ශිෂ්‍ය නිවාසාධිකාරී සහ සහාය නිවාසාධිකාරීන් සේවය කරන බව ද විජේසේකර මහතා පැවසුවේය. නිලධාරීන් 406ක අවශ්‍යතාව ජාතික වැටුප් හා සේවක සංඛ්‍යා කොමිෂන් සභාව ද අනුමත කර ඇතත් දැනට සේවය කරනු ලබන්නේ 170කටත් අඩු ප‍්‍රමාණයක් බවද ඔහු අවධාරණය කරයි.
 
නිලධාරීන්ගේ හිඟය හේතුවෙන් දැනට සේවයේ නියුතු ශිෂ්‍ය නිවාසාධිකාරී සහ සහාය නිවාසාධිකාරීන් පැය 24ම දින හයක් එක දිගට ම සේවය කළ යුතුව ඇති බව ද ඔහු පෙන්වා දෙයි. මෙය රාජ්‍ය සේවා කොමිසමේ බඳවා ගැනීමේ පටිපාටියට සම්පූර්ණයෙන් විරුද්ධ බවද ශ‍්‍රී ලංකා අධ්‍යාපන අනධ්‍යයන වෘත්තිකයන්ගේ ඒකාබද්ධ සංගමය අවධාරණය කරයි.

පසුගිය දිනවල විද්‍යාපීඨ සඳහා 2015 සහ 2016 වසරවල උසස්පෙළ සමතුන් අතරින් ගුරු ශිෂ්‍යයින් එකවර බඳවා ගැනීම් නිසා විද්‍යාපීඨවල නේවාසිකාගාරවල ඉන්න නේවාසිකයින් ප‍්‍රමාණය දෙගුණ වූ බවද ලේකම්වරයා කියයි. එහෙත් ශිෂ්‍ය නිවාසාධිකාරී සහ සහාය නිවාසාධිකාරින් සංඛ්‍යාව එලෙසම පැවතීම නිසා සේවය කරන අය දැඩි පීඩනයකින් සහ විවේකයකින් තොරව රාජකාරී කිරීමට සිදුව ඇති බවද පෙන්වා දෙයි.
 
ශිෂ්‍ය නිවාසාධිකාරී සහ සහාය නිවාසාධිකාරින් පැය විසිහතර සේවයේ සිටිය යුතු වුවත් එය සේවා මුර අනුව පැය දොළහෙන් දොළහට මාරුවිය යුතු බවද ලේකම්වරයා කීවේය. එසේම මුල්පැය අට ඉකුත්වූ පසු ඉතිරි සේවා කාලය අතිකාල හිමිවිය යුතුබව සෙන්වාදෙන ශ‍්‍රී ලංකා අධ්‍යාපන අනධ්‍යයන වෘත්තිකයන්ගේ ඒකාබද්ධ සංගමයේ ලේකම්වරයා විශේෂ දීමනා හෝ රජයේ නිවාඩු දින වැඩකිරිම වෙනුවෙන් ගෙවන දීමනා හෝ තවම ඔවුන්ට නොගෙවන බව ද කීවේය.
 
පුරප්පාඩු තනතුරු පුරවන ලෙස කර ඇති නිර්දේශයන් ක‍්‍රියාත්මක නොකර පාසල් සෞඛ්‍ය සහාකාර සහ පාසල් සෞඛ්‍ය සහායක නමින් අනවශ්‍ය තනතුරු දෙකකට සේවකයින් බඳවා ගන්නා බවට වෘත්තිය සංගම් ලේකම්වරයා චෝදනා කරයි.
 
ශිෂ්‍ය නිවාසාධිකාරී සහ සහාය නිවාසාධිකාරින් බඳවාගනු ලැබුවේ තරග විභාගයකින් බව කී වෘත්තිය සංගම් ලේකම්වරයා අඩු පඩියකට පැය විසිහතරක් සේවය කරන්නට සිදුවීම නිසා බොහෝ දෙනෙකු මෙම තනතුරු දෙකේ සේවය නොකර සේවයෙන් ඉවත්ව යන බවද සඳහන් කළේය.
 
මේ තත්ත්වයන් හමුවේ  විද්‍යාපීඨ, ගුරු විදුහල් සහ ජාතික පාසල්වල ශිෂ්‍ය නේවාසිකාගාර පවත්වාගෙන යාමේ ගැටලු මතුවෙමින් පවතින නිසා අමාත්‍යාංශ මට්ටමින් දී ඇති නිර්දේශයන් කඩිනමින් ක‍්‍රියාත්මක කිරීමට  ජාතික වැටුප් හා සේවක සංඛ්‍යා කොමිෂන් සභාවෙන් සහ ආයතන අධ්‍යක්‍ෂ ජනරාල්වරයාගෙන් ඉල්ලා සිටින බවද ශ‍්‍රී ලංකා අධ්‍යාපන අනධ්‍යයන වෘත්තිකයන්ගේ ඒකාබද්ධ සංගමයේ ලේකම් සහ කැඳවුම්කරුවු ඒ.කේ.ඩබ්. විජේසේකර මහතා අවධාරණය කරයි.



අදහස් (0)

අධ්‍යාපන අනධ්‍යයන වෘත්තිකයන්ගෙන් අනතුරු ‍ඇඟවීමක්

ඔබේ අදහස් එවන්න

දියත

ලෝක නායකයෝ විලාසිතා දැක්මක....
2024 ජුලි මස 22 494 0

ඉන්දීය අග්‍රාමාත්‍ය නරේන්ද්‍ර මෝදි, ඇමෙරිකා ජනාධිපති ජෝ බයිඩන් සහ රුසියානු ජනාධිපති ව්ලැදිමීර් පුටින් ඇතුළු ප්‍රසිද්ධ ලෝක නායකයන් සහ තාක්ෂණික ලෝකය


ළමයින්ට එන්නත් දෙන්න ජපානයෙන් තෑග්ගක්
2024 ජුලි මස 22 145 0

ශ්‍රී ලංකාව පුරා සිටින ළමයින්ට එන්නත් ලබාදීමේ ක්‍රමවේදය වැඩි දියුණු කිරීම සඳහා ජපාන රජයේ ආධාර මත සෞඛ්‍ය අමාත්‍යාංශයට ශීතකරණ පහසුකම් සහිත ට්‍රක් රථ 9


ජනපතිවරණය ගැන ජනපතිගෙන් යළි සහතිකයක්
2024 ජුලි මස 22 506 0

අයවැයෙන් මුදල් වෙන්කළේ ජනාධිපතිවරණයට පමණක් බැවින් අනිවාර්යයෙන්ම ජනාධිපතිවරණය පවත්වන බව ජනාධිපති රනිල් වික්‍රමසිංහ මහතා අද (22) ආණ්ඩු පක්ෂයේ මන්ත්‍රී


විසි දෙක 26 මැතිසබයට?
2024 ජුලි මස 22 437 0

විසි දෙවැනි ආණ්ඩුක්‍රම ව්‍යවස්ථා සංශෝධන පනත් කෙටුම්පත පළමු වර කියවීම සඳහා පාර්ලිමේන්තුවට ලබන 26 වැනිදා ඉදිරිපත් කෙරෙනු ඇතැයි පාර්ලිමේන්තු ආරංචි මාර


අනුර කුමාර - ජපාන විදේශ අමාත්‍ය අතර හමුවක්
2024 ජුලි මස 22 414 0

මේ වන විට ජපානයේ සංචාරයක නිරත ජාතික ජන බලවේගයේ නායක අනුර කුමාර දිසානායක මහතා ජපානයේ විදේශ කටයුතු පිළිබඳ රාජ්‍ය අමාත්‍ය සුගේ යශැහීමී (TSUGE Yoshifumi )මහතා අතර හ


ටැටු දුලාන්ගෙන් අධිකරණයට රහස් ප්‍රකාශයක්
2024 ජුලි මස 22 527 0

අතුරුගිරිය ටැටූ මධ්‍යස්ථානයක් තුළදී ඝාතනයට ලක් වූ සුරේන්ද්‍ර වසන්ත පෙරේරා නොහොත් ක්ලබ් වසන්ත ඇතුලු දෙදෙනාගේ ඝාතනය සම්බන්ධයෙන් රක්ෂිත බන්ධනාගාර ගත


මේවාටත් කැමතිවනු ඇති

වැලිබල් ෆිනෑන්ස්, ශක්තිමත් මූල්‍ය ප‍්‍රතිඵලයක් වාර්තා කරයි 2024 ජුලි මස 13 170 0
වැලිබල් ෆිනෑන්ස්, ශක්තිමත් මූල්‍ය ප‍්‍රතිඵලයක් වාර්තා කරයි

වැලිබල් ෆිනෑන්ස් ගෙවුණු වසර 17ක කාලය පුරාවට ශ‍්‍රී ලංකාවේ මූල්‍ය ආයතනයන් අතර ප‍්‍රමුඛස්ථානයක් හිමි කර ගනිමින් 2023/24 මූල්‍ය වර්ෂයේදී සිය මූල්‍ය විශිෂ්ටත

ශ්‍රී පාද අඩවිය සුපිරිසිදු කරන්නට සියපත ෆිනෑන්ස් වෙතින් “නැමදුමෙන් පසු ඇමදුම” 2024 ජුනි මස 20 1070 1
ශ්‍රී පාද අඩවිය සුපිරිසිදු කරන්නට සියපත ෆිනෑන්ස් වෙතින් “නැමදුමෙන් පසු ඇමදුම”

බුදුරජාණන්වහන්සේගේ, ශිව දෙවියන්ගේ, ආදම්ගේ සහ ශාන්ත තෝමස් අපෝස්තුළුතුමාගේ පා සටහන යනාදී වශයෙන් විවිධ ආගමික සම්ප්‍රදායන් මුල් කරගනිමින් ශ්‍රී පාද ස්ථ

කුරුලෑ කරදරය සදහටම අවසන්! Himalaya Purifying Neem Face Wash අලුත් වෙනසක් සමග නැවතත් ශ්‍රී ලංකාවේ 2024 අප්‍රේල් මස 09 1929 1
කුරුලෑ කරදරය සදහටම අවසන්! Himalaya Purifying Neem Face Wash අලුත් වෙනසක් සමග නැවතත් ශ්‍රී ලංකාවේ

ස්වභාවික ශාකසාර අඩංගු ආයුර්වේදයේ විශිෂ්ඨත්වය රැඳි personal care සහ රූපලාවණ්‍ය නිෂ්පාදන පෙළක් සමග ලොව පුරා ජනතා විශ්වාසයට පාත්‍ර වූ දැවැන්ත සමාගමක් වන Himalaya Wellness

Our Group Site