IMG-LOGO

අගමැතිවරුන් දෙදෙනා වෙනුවෙන් අපේ ඡන්දය නෑ - අනුර

 

(මුදිතා දයානන්ද)

අගමැතිවරුන් දෙදෙනා වෙනුවෙන් ඡන්දය නොදෙන අතර දේශපාලන කුමන්ත‍්‍රණය පරාජය කිරීම වෙනුවෙන් පාර්ලිමෙන්තුව කැඳවූ පසුව ලැබෙන  ඕනෑම අවස්ථාවකදී ඡන්දය භාවිතා කරන බව ජනතා විමුක්ති පෙරමුණේ නායක පාර්ලිමේන්තු මන්ත‍්‍රී අනුර කුමාර දිසානායක මහතා අද  (05) පැවසීය.

දිසානායක මහතා මෙසේ පැවසූයේ පැලවත්තේ පිහිටි ජනතා විමුක්ති පෙරමුණේ ප‍්‍රධාන කාර්යාලයේදී පැවති මාධ්‍ය හමුවකදීය.

26 වැනි සිකුරාදා සිදුවූයේ දේශපාලන කුමන්ත‍්‍රණයක් වන අතර පාර්ලිමේන්තුව කල්දැමුවේ ඒ වෙනුවෙන් බවද එම කුමන්ත‍්‍රණය පරාජයට පත් කිරීමට පාර්ලිමේන්තුව කැඳවූ පසුව ලැබෙන ඕනෑම අවස්ථාවක් භාවිතා කරන බවද ඔහු පැවසීය.

ජනාධිපතිවරයා නව ආණ්ඩුවේ ප‍්‍රතිපත්ති ප‍්‍රකාශයටත්, ව්‍යවස්ථාවට එරෙහිව පත්කරන ලද තනතුරු වලටත් එරෙහිව ඡන්දය දීමට ජවිපෙ සූදානම් බවද, නව ආණ්ඩුව විසින් අයවැය ලේඛනයක් ඉදිරිපත් කළහොත් එයට එරෙහිවත් ඡන්දය භාවිතා කරන්න ජවිපෙ සූදානම් බවත් දිසානායක මහතා පැවසීය.

මෙම දේශපාලන කුමන්ත‍්‍රණයට  එරෙහිව කටයුතු කරන ලෙස ජනතාවගෙන් ඉල්ලා සිටින බවද ඔහු තවදුරටත් පැවසීය.



අදහස් (22)

අගමැතිවරුන් දෙදෙනා වෙනුවෙන් අපේ ඡන්දය නෑ - අනුර

ruchi Monday, 05 November 2018 01:58 PM

තියාගන්න. කිසිම වැදගත් වැඩකට සහයෝගයක් නැති කට්ටියක්. හැම දෙයටම " අපි විරුද්ධයි" නියායේ තමයි ඉන්නේ...

:       1132       1255

jerami Monday, 05 November 2018 02:00 PM

ඔබ හරි... අපේ ප්‍රණාමය!!!

:       861       748

ගල්කටස් Monday, 05 November 2018 02:24 PM

හිහී... ඊයේ ලක්ෂ්මන් කිරිඇල්ල මහත්මයා කිව්වේ ජනතා විමුක්ති පෙරමුණේ 4 ක සහාය එයාලගේ අගමැතිට කියලා ජයවේවා රතු අලින්ට...!!!

:       1577       1703

ධනුෂ්කTuesday, 06 November 2018 11:18 AM

මට මතකයි මහින්දගේ අයත් එහෙම කිව්වා. සහය එයාලට කියලා.

:       0       0

Dr sagara athralya Monday, 05 November 2018 02:25 PM

කටේ තියන්නෙම නැහැ බැහැ කියන වචන ටික විතරයි.. ඡන්දෙ තියන්න කලින් මෙයා බැහැ බැහැ කියලා ඉවරයි..

:       336       438

Rata Perata Monday, 05 November 2018 02:31 PM

මෙතන මහින්දද, රනිල්ද නෙමෙයි ප්‍රශ්නේ, ව්‍යවස්ථා විරෝධී සිරිසේන ගේ වැඩේටයි විරුද්ධ විය යුතු වන්නේ...

:       397       560

BamunuarachchiTuesday, 06 November 2018 12:04 AM

ව්‍යවස්ථාව ඔබ කියවුවාද ඔබට එය කියවා තේරුම් ගන්න පුලුවනිද? ව්‍යවස්ථාව ගැන ප්‍රවීණ නීති විශාරදයෝ විවිධ අදහස් කියනවා. සමහරු ජනාධිපති හරී කියනවා සමහරු වැරදී කියනවා. කව්රු හරිද කියා දැනගන්නට ශ්‍රේෂ්ටාධිකරණයෙන් තීන්දුවක් ලැබෙන්න ඕනේ.

:       44       22

Pablo Monday, 05 November 2018 02:43 PM

හුදෙකලා වෙලා ඉන්න නිසා තමයි තවම මේ අයට ගොඩ එන්න බැරි...

:       118       162

harsha Monday, 05 November 2018 02:45 PM

රටට අවශ්‍ය වෙලාවේ නිහඬව හිටියොත් මේ අය අතුගාලා දාන්න ඕනෑ. මේ අයගෙන් මේ රටට වැඩක් නැහැ මේ වෙලාවේ නැත්තන්...

:       273       507

ධනුෂ්කTuesday, 06 November 2018 11:34 AM

රටට මේ වෙලාවේ උවමනා මොකද්ද? වැදගත් මොකද්ද? දෙකොට්ඨාෂයෙන් හොඳම කෙනා තෝරා ගැනීමේ අවස්ථාවට මැදිහත් වීමද? මතක තියාගන්න ජ.වි.පෙ ට තිබෙන ඡන්ද පදනම තමා මේ දෙකටම ඡන්දය ලබා නොදීමේ පදනම. එහෙම කරනවනම් ඡන්ද දායකයන් ජ.වි.පෙට ඡන්දය ලබා දීමේ වුවමනාවක් නෑනේ. දෙකට බෙදිලා රනිල්ලටයි මහින්දලටයි දෙනවනේ ජ.වි.පෙ ට තිබෙන්නේ ප්‍රතිපත්තිමය ඡන්ද පදනමක්.

:       0       0

gunarathna Monday, 05 November 2018 02:46 PM

ව්‍යවස්තාවිරෝධී නම් කුමන්ත්‍රණයක් නම් මොන කෙහෙල්මලක්ද කරන්නේ..? අධිකරණයට නොගිහින්? කෝ එජාපෙ එකේ ඉන්න නීති ඔස්තාර්ලා දන්නවා අධිකරණයට ගියොත් හුළං තමා කියලා. ඒක නිසා තමා තානාපති පස්සෙන් යන්නේ...

:       91       1368

Mal mama Monday, 05 November 2018 03:00 PM

ජවිපය කියන්නේ හරිදේ කරන පක්ෂයක්. අනික් එක මේ අය කඩේ යන අය... ඒක තේරුම් ගන්න බැරි රට හරක් ඉන්න රටක් මේක... ඒකනේ මෙච්චර කෙළවෙලා තියෙන්නේ. මේකට මන්ත්‍රීලා 6ක් ඉන්නේ. ඒ කරලත් මේක ගැන කී දෙනෙක් කතාකරනවද?

:       0       0

සුදත් Monday, 05 November 2018 03:15 PM

අගමැතිවරු දෙදෙනාගෙන්ම වැඩක් නැත්නම් මොන බම්බුවකටද ඡන්දය දෙන්නේ?

:       14       219

bimal Monday, 05 November 2018 04:50 PM

රට වෙනුවෙන් ජවිපෙ ජයවේවා

:       79       11

Sunil Monday, 05 November 2018 05:09 PM

මේ සිදුවී තිබෙන ව්‍යවස්ථා අර්බුදයට ප්‍රතිකර්මය මේ දෙදෙනාගෙන් එක් අයෙකුට ඡන්දය ප්‍රකාශ කිරීම නම්, එය නොකර මේ අර්බුදය විසදා ගන්නේ කෙසේද සහෝදරයා? සක්කරයාගේ පුතා වයිමගෙන් උපදේශයක් පැතුවත් මේක තමා දෙන එකම පිළිතුර.

:       0       0

Sunil Monday, 05 November 2018 05:15 PM

26 වැනි සිකුරාදා සිදුවූයේ දේශපාලන කුමන්ත‍්‍රණයක් නම්, පාර්ලිමේන්තුව කල්දැමුවේ ඒ වෙනුවෙන් නම්, එම කුමන්ත‍්‍රණය පරාජයට පත් කිරීමට පාර්ලිමේන්තුව කැඳවූ පසුව ලැබෙන ඕනෑම අවස්ථාවක් භාවිතා කරන්නත් සුදානම් නම්, මෙම දේශපාලන කුමන්ත‍්‍රණයට එරෙහිව කටයුතු කරන ලෙස ජනතාවගෙන් ඉල්ලා සිටිනවා නම් මේ දෙන්නාගෙන් එක්කෙනෙකුට ඡන්දෙ නොදී වෙන මොනවා කරන්නද සහෝදරයා හදන්නේ?

:       0       40

sg Monday, 05 November 2018 06:09 PM

ප්‍රතිපත්තියක් නැති කණ්ඩායමක්...

:       2       59

සේනක Monday, 05 November 2018 07:42 PM

මේ ගොල්ලන් හිතන් ඉන්නේ මේ ගොල්ලන්ගේ සහායොගය නැතිව වැඩක් කරන්න බැහැ කියලා. මේ දේශපාලනය වෛරී දේශපාලනයක් . එදා ඉදන්ම කලේ පවතින රජයට අකුල් හෙලන එකයි. මේ රතු අයියලා කියන විදිහට වැඩ කලානම් අද බලයේ ඉන්න ඕනි මේ අයියලා තමයි. සමාජවාදී අයියලාට කියන්න තියෙන්නේ තමුන්නාන්සේලාගේ බණ අහාලා ජනතාවට එපා වෙලා තියෙන්නේ. ඒ නිසා තමුන්නාන්සේලාගේ පඩිවදන් හොඳයි කොන්ඩේ බැදපු චින්නුන්ට. එදා තමුන්නාන්සේලා ලංකාවට කරපු විනාශය අමතක කරන්න තරම් රටේ ජනතාවට මුල අමතක නැහැ. රටේ ජනතාව මොඩයො නෙමෙයි මහාත්තයෝ. තමුන්නාන්සේලා කවදාහරි දවසක බලයට ආවාහමත් ඔය ටිකමයි, නැත්නම් එයිටත් එහා ගිය එවා තමයි කරලා නවතින්නෙ.

:       0       0

chris Tuesday, 06 November 2018 04:31 AM

කරන විප්ලවයකුත් නැහැ, ගොඩනගන සමාජවාදයකුත් නැහැ, මාක්ස්වාදය කියව කියව ඉන්නේ මොකද මේ පක්ෂ දෙකට එයාලගේ දේශපාලනය කරන්න දීලා ඔයගොල්ලෝ ලංකාවේ ජනතාව වෙනුවෙන් යමක් කරන්න.

:       1       99

Denesh Tuesday, 06 November 2018 05:11 AM

කිසිම වැඩක් කරන්නෙත් නැහැ, වැඩක් කරන කෙනෙකුට කරන්න දෙන්නෙත් නැහැ .

:       5       100

සෙනෙවි Tuesday, 06 November 2018 11:45 AM

කරන්න දෙන්නෙ නැහැ කිව්වට ඔය කරන්නෙ ඉහටත් උඩින්ම ජවිපෙ න් බාධාවක් නැහැ

:       0       0

BamunuarachchI Wednesday, 07 November 2018 07:56 AM

ජවිපෙ වඳවේගනයන දේශපාලුවෝ ඉන්න පක්ෂයක්. බලාපොරොත්තු තියාගන්න එපා.

:       0       0

ඔබේ අදහස් එවන්න

 

 
 

මේවාටත් කැමතිවනු ඇති

නුතන ජීවිතයට පහසුකම් රැසක් සමඟ හේමාස් හෙලත් ප්ලස් නවීන බාහිර රෝගී සත්කාරක මාධ්‍යස්ථානය දැන් වත්තල දී 2025 ජුනි මස 23 108 0
නුතන ජීවිතයට පහසුකම් රැසක් සමඟ හේමාස් හෙලත් ප්ලස් නවීන බාහිර රෝගී සත්කාරක මාධ්‍යස්ථානය දැන් වත්තල දී

සීඝ‍‍්‍රයෙන් පරිවර්තනය වෙමින් පවතින ශ‍‍්‍රී ලංකාවේ සෞඛ්‍ය සේවා ක්ෂේත‍‍්‍රයට නායකත්වය දෙන හේමාස් රෝහලේ අලූත්ම හඳුන්වාදීම හේමාස් හෙල්ත් ප්ලස් ( Hemas Health P

ශ්‍රී ලංකාවේ පෞද්ගලික අංශයේ විශාලතම සුළං බලාගාර ව්‍යාපෘති ආයෝජනය සඳහා හේවින්ඩ් සමඟින් ලංකා විදුලිබල මණ්ඩලය ගිවිසුම් අත්සන් කරයි. 2025 ජුනි මස 05 2240 1
ශ්‍රී ලංකාවේ පෞද්ගලික අංශයේ විශාලතම සුළං බලාගාර ව්‍යාපෘති ආයෝජනය සඳහා හේවින්ඩ් සමඟින් ලංකා විදුලිබල මණ්ඩලය ගිවිසුම් අත්සන් කරයි.

රී ලංකාවේ සුළං බලශක්ති ක්ෂේත්‍රයේ විශාලතම පුද්ගලික ආයෝජනය වන මෙගාවොට් (MW) 50ක ධාරිතාවයකින් යුතුව මන්නාරම ප්‍රදේශයේදී ඉදිකිරීමට නියමිත සුළං බලාගාර ව්‍

ශ‍්‍රී ලංකා ඉන්ෂුවරන්ස් ලයිෆ් ‘පාසල් පිරියත සුරකිමු‘ 2025 2025 මැයි මස 28 694 0
ශ‍්‍රී ලංකා ඉන්ෂුවරන්ස් ලයිෆ් ‘පාසල් පිරියත සුරකිමු‘ 2025

මැයි 27, 2025 කොළඹදී. ශ‍්‍රී ලංකාවේ විශාලතම සහ දැවැන්තම ජීවිත රක්ෂකයා ලෙස ශ‍්‍රී ලංකා ඉන්ෂුවරන්ස් ලයිෆ්, සිය ආයතනික සමාජ වගකීමි වැඩසටහනක් ලෙස දියත් කරන ලද

Our Group Site