2024 අප්‍රේල් මස 26 වන සිකුරාදා
2024 අප්‍රේල් මස 26 වන සිකුරාදා
(මනෝප‍්‍රිය ගුණසේකර)
ඇමැතිවරයකු ලෙස කටයුතු කළ වසර හයක කාලය තුළදී සිය වත්කම් හා ආදායම් වලින් උපයාගත නොහැකි, අල්ලස් මඟින් උපයාගත් රුපියල් කෝටි 7 1/2කට ආසන්න මුදල් හා දේපළවල හිමිකරුවකුව සිටි බවට චෝදනා කරමින් නිවාස ඉදිකිරීම් හා ඉංජිනේරු සේවා හිටපු අමාත්‍ය විමල් වීරවංශ මහතාට එරෙහිව පවරා ඇති නඩුවේ බැංකු දෙකක හා රක්‍ෂණ සංස්ථාවේ පරිගණක දත්ත පරීක්‍ෂා කිරීමට අවසර දුන් කොළඹ මහාධිකරණ විනිසුරු ආදිත්‍ය පටබැඳි මහතා එම නඩුව අගොස්තු මස 8 වැනිදා කැඳවීමට නියම කළේය.
මෙම නඩුව කැඳවනු ලැබු අවස්ථාවේදී විත්ති පාර්ශවය වෙනුවෙන් පෙනී සිටි ජනාධිපති නීතීඥ ජයන්ත වීරසිංහ මහතා කළ ඉල්ලීමක් පිළිගත් විනිසුරුවරයා හැටන් නැෂනල් (ප‍්‍රධාන කාර්යාලය) හා මහජන බැංකුව (දෙල්ගොඩ) යන බැංකු වලටද රක්‍ෂණ සංස්ථාවේ (ප‍්‍රධාන කාර්යාලය) ටද එලෙස නියම කළේය.
මෙම නඩුව කැඳවනු ලැබු අවස්ථාවේදී හිටපු අමාත්‍ය විමල් වීරවංශ මහතා අධිකරණය හමුවේ පෙනී සිටියේය.
2009 වසරේ සිට 2014 වසර දක්වා වු වසර හයක කාලය තුළදී විත්තිකාර හිටපු අමාත්‍ය විමල් වීරවංශ මහතා රුපියල් කෝටි 7 1/2 කට ආසන්න මුදල් හා දේපළ උපයාගෙන ඇති බව අල්ලස් කොමිසමේ අධ්‍යක්‍ෂ ජනරාල් ජනාධිපති නීතීඥ සරත් ජයමාන්න මහතාගේ අත්සනින් යුතුව නිකුත් කළ චෝදනා පත‍්‍රයේ සඳහන් වේ.
2009 ජනවාරී මස පළමු වැනිදාත් 2014 දෙසැම්බර් මස 31 වැනිදාත් අතර කාලය තුළදී සිය නීත්‍යානුකූල වත්කම් හා ලැබීම් වලින් උපයාගත නොහැකි රුපියල් 744,80,017/- මුදල් හා දේපළ උපයාගෙන ඇති බවත් එම මුදල් හා දේපළ උපයාගෙන ඇත්තේ අල්ලස් වලින් බවත් අධිචෝදනා පත‍්‍රයේ වැඩිදුරටත් සඳහන් කර ඇත.
මුදල් උපයාගෙන ඇති ආකාරය හා දේපළ උපයාගෙන ඇති ආකාරය දැක්වෙන උපගොනු දෙකක්ද අධිචෝදනා පත‍්‍රය සමඟ අල්ලස් කොමිසම විසින් අධිකරණයට ඉදිරිපත් කර තිබිණි.
මෙම නඩුව කැඳවනු ලැබු අවස්ථාවේදී විත්තිකරු වෙනුවෙන් පෙනීසිටි ජනාධිපති නීතීඥ ජයන්ත වීරසිංහ මහතා කරුණු ඉදිරිපත් කරමින් තම සේවාදායකයාගේ බැංකු ගිණුම් සම්බන්ධයෙන් ආයතන කිහිපයකින් ඉදිරිපත් කර ඇති වාර්තාවල නිවරද්‍යභාවය පරීක්‍ෂා කළත් බැංකු දෙකක හා රක්‍ෂණ සංස්ථාවේ පරිගණක දත්ත පරීක්‍ෂා කිරීමට අවසර දීම එහි නිලධාරීන් විසින් ප්‍රතික්ෂේප කළ බවත් දැනුම් දුන්නේය.
එහෙයින් හැටන් නැෂනල් (ප‍්‍රධාන කාර්යාලය) හා මහජන බැංකුව (දෙල්ගොඩ) යන බැංකු වලටද රක්‍ෂණ සංස්ථාවේ (ප‍්‍රධාන කාර්යාලය) ටද මෙම නඩුවට අදාළව එම ආයතන වලින් නිකුත් කළ පරිගණක දත්ත පරීක්‍ෂා කිරීමට අවසර දෙන්නැයි ද එමෙන්ම එම දත්ත තිරයේ දැක්වෙන ඡායාරූප (ස්ක‍්‍රීන් ෂොට්) ගැනීමට තමන්ට අවසර දෙන්නැයි ජනාධිපති නීතීඥ ජයන්ත වීරසිංහ මහතා ඉල්ලා සිටියේය.
ඉදිරිපත් වු කරුණු සළකා බලමින් ඊට අවසර දුන් විනිසුරුවරයා මෙම නඩුව ලබන අගොස්තු මස 8 වැනිදා කැඳවීමට නියම කළේය.
පැමිණිල්ල වෙනුවෙන් සහකාර අධ්‍යක්‍ෂ ජනරාල් නීතීඥ සුනේත‍්‍රා ජයසිංහ මහත්මිය සමඟ අතිරේක සොලිසිටර් ජනරාල් අයේෂා ජිනසේන මෙනවිය පෙනී සිටියාය.
විත්තිකරු වෙනුවෙන් නීතීඥවරු කණ්ඩායමක් සමඟ ජනාධිපති නීතීඥ ජයන්ත වීරසිංහ මහතා පෙනී සිටියේය.
කෑගල්ල මහ රෝහලේ අරක්කැමි (කොකියා) රුපියල් හාර දහස් අසු දෙකක් වටිනා කරවල, අලුත් මාළු හා අර්තාපල් සොරාගෙන යමින් සිටියදී රෝහල් අධ්‍යක්ෂවරයාට හසුවූ බව කිය
මෙරට මුහුදු තීරයේදී ගිනි ගැනීමට ලක්වූ එම්. වී.එක්ප්‍රස් පර්ල් නෞකාව සම්බන්ධයෙන් සිදු කරන විමර්ශනය අවසන් කර කඩිනමින් අධිකරණයට කරුණු වාර්තා කරන්නැයි ක
ශ්‍රී ලංකා නිදහස් පක්ෂයේ විධායක සභාව කැඳවීම පිළිබඳ සිදුකළ ප්‍රකාශයකින් සිය කීර්ති නාමයට හානියක් සිදුවී යැයි ද ඊට වන්දි ලෙස රුපියල් කෝටි 100 ක මුදලක් ගෙව
ඉඩමක් විකිණීමේදී ඇතිවීයැයි කියන ආරවුලක් දුරදිග යාමෙන් මොරගහහේන වීදියගොඩ මොහොට්ටිගොඩ ප්‍රදේශයේ කෝටිපති ව්‍යාපාරික කතකගේ නිවෙසට ඊයේ හොර රහසේ ඇතුළු ව
සිංගප්පූරුවේ ජාතික විශ්ව විද්‍යාලයේ දකුණු ආසියානු අධ්‍යයන ආයතනය සමග පවතින සබඳතා අඛණ්ඩව පවත්වාගැනීම සදහා හිටපු හිටපු මහ කොමසාරිස් සහ පාත්ෆයින්ඩර් ප
ශ්‍රී ලංකා නිදහස් පක්ෂයේ මැයි රැලිය, නිදහස් සේවක සංගමය ඇතුළු වෘත්තීය සමිති සංවිධානත්වයෙන් මැයි 1 වැනිදා ගම්පහ නගර සභා පිටියේදී පැවැත්වීමට කටයුතු යොදා
2024 අප්‍රේල් මස 09
324
0
ස්වභාවික ශාකසාර අඩංගු ආයුර්වේදයේ විශිෂ්ඨත්වය රැඳි personal care සහ රූපලාවණ්‍ය නිෂ්පාදන පෙළක් සමග ලොව පුරා ජනතා විශ්වාසයට පාත්‍ර වූ දැවැන්ත සමාගමක් වන Himalaya Wellness
2024 මාර්තු මස 14
1709
0
ආදරය යනු සියලු සීමාවන් ඉක්මවා යන විශ්වීය සංකල්පයකී. එයට හදවත් එකතු කිරීමේ අසීමිත බලයක් ඇත.සැබෑ ප්‍රේමයක් නිරන්තරයෙන් සියුම් ලෙස අප ආත්මයන් ස්පර්ෂ කරම
2024 පෙබරවාරි මස 19
1551
3
ශ්‍රී ලංකා ප්‍රමිති ආයතනය (SLSI) විසින් සංවිධානය කරන ලද, ශ්‍රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්
විමල්ට එරෙහි නඩුව අගෝස්තු 8 දා කැඳවයි
sirimal Monday, 29 July 2019 11:06 AM
ජාත්‍යන්තර කුමන්ත්‍රණයක් වත්ද?
Chanak los angelesMonday, 29 July 2019 08:57 PM
ඇමරිකන් අධිරාජ්‍යවාදී කුමන්ත්‍රණයක්. මන්ද මොහුගේ බුද්ධිය පොහොසත්කම ඇමරිකාවට මරුපහරක්...
sharm warn Monday, 29 July 2019 11:23 AM
වැදගත් ප්‍රශ්නයක්...
thushara Monday, 29 July 2019 11:23 AM
අර මුස්ලිම් දොස්තරලා... මුස්ලිම් ඇමැතිවරු කෝටි ගණන් හොයලා තියෙන්නේ... ඉඩම් අක්කර 2000-3000ක් ගත්තේ කොහොමද? ප්ලාස්ටික් බෑග් 1 කොළඹට රෙදි ටික ගෙන අාපු අය... ඒ අයට මේ නීතිය අදාල නැද්ද..?
Chanak los angelesMonday, 29 July 2019 04:10 PM
වැරදි පීල්ලේ ගිහින් තිබෙන්නේ කියලා තිබෙන්නේ දොස්තර කෙනෙක් ගැන නොවෙයි. බමුණා වගේ මෝඩක් වෙන්න එපා.
d.upul Monday, 29 July 2019 11:51 AM
මෙයා අනුන්ගේ කුණු හොයන්නේ නම් තමන් හරියට සාන්තුවරයෙක් වගේ කියලා හිතාගෙන...
Prabha Monday, 29 July 2019 11:52 AM
93 වසරේ මා හට තිබුණු කමිස තුනෙන් එකක් ඇදගෙන ගිය කෙනාද මේ?
Hafeel Monday, 29 July 2019 11:54 AM
ඉතින් මෙයා දේශප්‍රේමියක්ද?
ravi Monday, 29 July 2019 12:38 PM
මේ.. පාර්ලිමේන්තුවට බෝම්බ ගහනවා කියලා මුළුරටම බියවද්දපු "තුම්මුල්ලේ අයිය" නේද? අපි බලාගෙනයි ඉන්නේ...!
dilan Monday, 29 July 2019 01:32 PM
අගමැතිතුමා බලයේ ඉන්න ගමන් පෞද්ගලික ව්‍යාපාර ගණුදෙනු ආණ්ඩුවත් එක්ක කරනවා. එතුමාගේම ප්‍රධානත්වයෙන් මහබැංකුව සූරා කාලා නට්ටන් කරලා දානවා. රජයේ ඉඩම් සහ දේපල මුස්ලිම් ඇමතිවරුන්ට අල්ලස් විදියට දෙනවා. සාෆිලා අවුරුදු 5ක් ඇතුළත කෝටි 50ක මුදල් උපයනවා, මේවට විරුද්ධව මහජනතාව දහස් ගාණක් පොලිසියට දිනපතා පැමිණිලි කරනවා TV වල පෙන්නනවා. ඒත් "නෝ ඇක්ෂන්",... ඔන්න ඒ අස්සේ කරපු පෙනෙන හොරකමකුත් නැතුව විමල්ට වත්කම් නඩුවක් දාලලු. මෙහෙමත් අපිට ආතල් දෙන රජයක්...
athuraTuesday, 30 July 2019 07:19 AM
කම්බා හොරෙක් කවද්ද මහත්මය පේන්න හොරකම් කරන්නෙ. ඔබතුමා නොදැනුවත් බව පෙන්නුවට මෙයාගේ තරම දන්නෝ දනිති.
chinthaka Monday, 29 July 2019 01:34 PM
ආ, ඔය කස පුපුරන්නේ.... වන්දිභට්ටයින් කමෙන්ට් දාන්නේ... ඇත්තටම ඡන්දෙ අතළඟ කියලා දැන්නම් ෂුවර්...
chinthaka Monday, 29 July 2019 01:40 PM
කස පුපුරන හඬ... විමල්ගේ කේස් එනවිට ගොඩ... තජුදීන් දානකොට ගොඩ... ඡන්දෙ ළඟ බව ඇඟවෙන හඬ...
Gamarala Monday, 29 July 2019 03:36 PM
අනේ කලේ වනේ වාසේ කියලා කියන්නේ මේවට තමයි !
Chanak los angeles Monday, 29 July 2019 10:34 PM
අසාධාරණ පොහොසත් වීම නීතියට විරුද්ධයි කියා සියල්ල දන්නවා කියමින් උගුරු දණ්ඩ පුප්පගෙන කෑ ගහන මේ උගතා නොදන්නවා වෙන්න බැහැ.
rohana Tuesday, 30 July 2019 01:17 AM
චින්තකත් අර බමුණා වගේ රාජපක්ෂලට කඩේ යන කෙනෙක් වගෙයි.
Rizwan Tuesday, 30 July 2019 03:48 AM
මේක අනිවාර්යෙන්ම අධිරාජ්‍යවාධී කුමන්ත්රණක්. විමල්ට ඔය වගේ වැඩ කරන්න දන්නේ නැහැ. එයා හරිම අහිංසකයි. ඕනෙනම් උප්පැන්න දෙක තුනක් හදාගෙන ඇති. නැත්තම් පාස්පොර්ට් දෙක තුනක් හදාගෙන ඇති.