(නිමල කොඩිතුවක්කු)
ඔක්තෝම්බර් 26 වැනිදා ජනාධිපතිවරයා ගත් තීන්දුව සම්බන්ධයෙන් පාර්ලිමේන්තුව සහ අධිකරණය තීන්දුවක් ලබා දී ඇති බැවින් නීත්යානුකූල කැබිනට් මණ්ඩලයක් සහ අග්රාමාත්යවරයෙකු පත්කළ යුතුව ඇතැයි පාර්ලිමේන්තු මන්ත්රී ආචාර්ය ජයම්පති වික්රමරත්න මහතා කොළඹදී අද (03) පැවැසීය.
මෙයට පෙරත් ජනාධිපතිවරු කැමති නොවන අයට අග්රාමාත්යධුර ලබා දීමට සිදුවූ බැවින් ආණ්ඩුක්රම ව්යවස්ථාවට අනුව රනිල් වික්රමසිංහ මහතා අගමැති ලෙස පත් කිරීම හැර වෙන විකල්පයක් ජනාධිපතිවරයාට නොමැති බවද මන්ත්රීවරයා සඳහන් කළේය.
කොළඹ අරලියගහ මන්දිරයේ පැවති මාධ්ය හමුවකට එක්වෙමින් ඔහු මේ බව පැවැසීය.
එහිදී වැඩිදුරටත් අදහස් දැක්වූ පාර්ලිමේන්තු මන්ත්රී ආචාර්ය ජයම්පති වික්රමරත්න මහතා මෙසේද කීවේය.
‘‘පෙත්සම් විභාග අවසන් වනතෙක් අගමැතිට සහ ඇමතිවරුන්ට සිය ධුර දැරීම වළක්වමින් අභියාචනාධිකරණය අතුරු තහනම් නියෝගයක් ලබා දිලා තියෙනවා. මෙය ඓතිහාසික අවස්ථාවක්.
19 වන ආණ්ඩුක්රම ව්යවස්ථා සංශෝධනය මගින් අපි මේ රටේ ඇති කරපු ප්රජාතන්ත්රවාදී කවුලූව නිසා තමයි අපිට මේ ජයග්රහණය හිමි වුණේ. අධිකරණයේ ස්වාධීනත්වය නැවත ඇති කරලා මේ තිබුණු වාතාවරණය නිසා තමයි අපිට මේ වගේ තත්වයක් ඇති කරගන්න පුළුවන් වුණේ.
මේක අපි ලබපු විශාල ජයග්රහණයක්. අවසාන තීන්දුවත් මේ ආකාරයෙන්ම ලැබෙයි කියලා අපි විශ්වාස කරනවා.
දැන් අගමැතිවරයෙක් නැහැ. අමතිවරු, නියෝජ්ය ඇමතිවරු නැහැ. එම නිසා ඊනියා ඇමතිවරුන්ගේ නියෝග පිළිගන්න කිසිම රාජ්ය සේවකයෙකුට පුලූවන් කමක් නැහැ.
පාර්ලිමේන්තුව මේ පිලිබඳ තීන්දුවක් දීලා තියෙනවා. අධිකරණයත් මේ පිලිබඳ නියෝගයක් ලබාදීලා තියෙනවා. දැන් මේ වෙලාවේ කරන්න ඕන නීතියට අනුව කැබිනට් මණ්ඩලයක් පත්කිරීමයි. ඒ නිසා පළමුව අගමැතිවරයා පත් කළ යුතුයි.
ආණ්ඩුක්රම ව්යවස්ථාවේ අගමැතිවරයෙකු පත්කිරීම පිලිබඳව එක විධි විධානයයි තියෙන්නේ. 42 හතරවන උපවගන්තිය අනුව පාර්ලිමේන්තුවේ උපරීම විශ්වාසය ඇති පුද්ගලයා කවුද කියන මතයට ජනාධිපතිවරයා එන්න ඕන. ඒ මතයට එන්න ඕන තමන්ගේ කල්පනාව මත නෙමෙයි සාක්ෂි මත ඒ තීරණය ගත යුතුයි.
එක්සත් ජාතික පෙරමුණ කියා සිටිනවා රනිල් වික්රමසිංහ මහතා තමයි අපි අගමැති විදියට නම් කරලා තියෙන්නේ කියලා. දෙමළ ජාතික සන්ධානයත් කියා සිටිනවා ඔක්තෝම්බර් 26ට පෙර තත්ත්වයට යන්න ඕන කියලා.
ආණ්ඩුක්රම ව්යවස්ථාවට අනුව රනිල් වික්රමසිංහ මහතා අගමැති ලෙස පත් කිරීම හැර වෙන විකල්පයක් නැහැ. ජනාධිපතිට ඔහුත් එක්ක වැඩ කරන්න පුළුවන්ද නැද්ද කියන ඒවා දෙවැනි කාරණයයි.
මෙයට පෙරත් ජනාධිපතිවරු කැමති නොවන අයට අග්රාමාත්යධුර දෙන්න වුනා. ඞී. බී විජේතුංග මහතා 94 දි චන්ද්රිකා කුමාරතුංග මැතිණිය පත්කළා. චන්ද්රිකා කුමාරතුංග මැතිණිය 2001 දී රනිල් වික්රමසිංහ මහතා පත්කළා. චන්ද්රිකා කුමාරතුංග මැතිණිය 2004දී ලක්ෂ්මන් කදිරගාමර් මහතා පත් කිරීමට කැමති වුනත් පාර්ලිමේන්තු කන්ඩායමේ විශ්වාසය දිනා සිටියේ මහින්ද රාජපක්ෂ මහතා නිසා එතුමාව පත් කළා.
ඒ නිසා මේ සම්බන්ධව පූර්වාදර්ශ තියෙනවා. මෙතනදි බලපාන්නේ බහුතරයේ කැමැත්ත මිසක් පුද්ගලික සම්බන්ධයන් නෙමෙයි‘‘ යැයිද ඔහු එහිදී පැවැසීය.
ඡායාරුප : ගයාන් අමරසේකර
සමගි ජන බලවේගය සහ ජාතික ජන බලවේගය අතර යෝජිත විවාදය සඳහා මැදිහත් පාර්ශවයක් ලෙස කටයුතු කරන්නැයි සමගි ජන බලවේගයේ මෙහෙයුම් ප්රධානී නලින් බණ්ඩාර මහතා ශ්
පුද්ගලයන් 200 කට ආසන්න සංඛ්යාවක් විදේශ රැකියාවලට පිටත්කර යවන බවට පොරොන්දු වෙමින් රුපියල් කෝටි 30 කට ආසන්න මුදලක් වංචා කළේ යැයි කියන මහරගම ප්රදේශයේ විද
ගාසා හි ගැටුම්වලින් විපතට පත්වූවන් වෙනුවෙන් සහන සැලසීම සඳහා ජනාධිපති රනිල් වික්රමසිංහ මහතා විසින් ආරම්භ කරනු ලැබූ ගාසා හි ළමා අරමුදල (Children of Gaza Fund) සඳහා ස
අපොස සාමාන්ය පෙළ නැවත සමීක්ෂණ ප්රතිඵල මෙවර සාමාන්ය පෙළ විභාගයට පෙර නිකුත් කරන බව අධ්යාපන අමාත්ය ආචාර්ය සුසිල් ප්රේමජයන්ත මහතා පාර්ලිමේන්තුවේ
අපරාධ මර්දනය කර නීතිය සහ සාමය ස්ථාපනය කළ හැකි පොලිසියක් සහ බුද්ධි අංශ රටට අවශ්ය බව කොළඹ දිස්ත්රික් මන්ත්රී මන්ත්රී පාඨලී චම්පික රණවක මහතා පාර්ලිම
කෘෂිකර්ම හා වැවීලි කර්මාන්ත අමාත්ය මහින්ද අමරවීර මහතා අද දින (26) ඉරානය බලා පිටත්ව ගියේය.
ස්වභාවික ශාකසාර අඩංගු ආයුර්වේදයේ විශිෂ්ඨත්වය රැඳි personal care සහ රූපලාවණ්ය නිෂ්පාදන පෙළක් සමග ලොව පුරා ජනතා විශ්වාසයට පාත්ර වූ දැවැන්ත සමාගමක් වන Himalaya Wellness
ආදරය යනු සියලු සීමාවන් ඉක්මවා යන විශ්වීය සංකල්පයකී. එයට හදවත් එකතු කිරීමේ අසීමිත බලයක් ඇත.සැබෑ ප්රේමයක් නිරන්තරයෙන් සියුම් ලෙස අප ආත්මයන් ස්පර්ෂ කරම
ශ්රී ලංකා ප්රමිති ආයතනය (SLSI) විසින් සංවිධානය කරන ලද, ශ්රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්
නීත්යනුකූල කැබිනට් මණ්ඩලයක් පත්කළ යුතුයි - ජයම්පති වික්රමරත්න
sirimal Monday, 03 December 2018 05:46 PM
මේක දැන් රටේ අනාගතය සම්බන්ධ නැති පෞද්ගලික ආරෝවක් බවට පත්වී ඇති බවයි පෙනෙන්නේ.
Nandalal DE SILVA - France Monday, 03 December 2018 09:49 PM
රටේ "අගමැති" කියාගන්න මහින්ද රාජපක්ෂ ඊයේ පෙරේදා රාජ්ය ගුවන් විදුලිය මගින් දිග පාපොච්චාරණයක් කල බව කාටත් මෙතරම් ඉක්මනට අමතක වෙන්න බැහැ ! ජනාධිපති සිරිසේන මහත්තයා තමා අගමැති හැටියට පත්කිරීම සාධාරණය කරමින් ඔහු කල දේශනයට උදාහරණ වශයෙන් විදේශීය නායකයන් රැසක් එවැනි තීන්දු තීරණ ගෙන අගමැති ඔළු මාරු කරබව ඔහු කීවා. අනිත් ඒවා ගැන කෙසේ වෙතත් මා පදිංචි ප්රංශයේත් මෙවැනි සිදුවීම් අනුව ජනාධිපති විසින් අගමැතිවරුන් වෙනස්කිරීමක් ගැන මහින්ද දිග කතාවක් කරා. එහෙත් මහින්ද මහත්තයා නුදුටු නැසූ දෙයක් මෙරටේ සිදුවෙමින් තිබෙනවා. දැනට සති 3ක් තිස්සේ ජනපති මැක්රෝන්ටත්, ඔහු විසින් නම්කළ එඩුආ ෆිලිප් අගමැතිගේ රජයටත් එරෙහිව මහජනතාව දක්වන උද්ඝෝෂණ මගින් රටේ ආර්ථිකයට ඇතිවී තිබෙන බලවත් හානි සමග ඔවුන් කරන කඩාකප්පල්කාරී වැඩ සමග ගිනිතැබීම් ආදිය මගින් රජය දුර්වලවී තිබුණත් ජනාධිපති විසින් තවමත් අගමැති එලවා නැති බවයි ! හිටපු ජනාධිපතිනි චන්ද්රිකා මෙවැනි කතාවක් කලානම් එය සාධාරණ එකක් බව කියන්න තිබුනේ ඇය ලෝක ප්රකට සොබෝර්න් සරසවියේ උපාධිධාරිනියක් හෙයිනි ! එහෙත් මහින්ද ?
supun udara Tuesday, 04 December 2018 12:05 AM
19 වන ව්යවස්ථාවෙ ගැටලු තියෙන එක සාධාරණයි. මේයාට තේරෙන්නෙ නෑනෙ උසාවියෙන් දීල තියෙන්නෙ තහනම් නියෝගයක් විතරයි කියල. මෙයා කියනව අලුත් කැබිනට් මණ්ඩලයක් පත් කරන්න ඕනි කියල. බැරිවෙලාවත් උසාවියෙන් තීන්දු කලොත් මහින්දගේ ඇමති මණ්ඩලේ නීත්යානුකුලයි කියල මොකද වෙන්නෙ එතකොට කැබිනට් මණ්ඩල දෙකයි. මෙයාල හදන්නෙ මෙයාලගෙ දේශපාලන උවමනා වෙනුවෙන් මේ රට අරාජික කරන්න. මෙයාල හොදටම දන්නව උසාවියෙන් දීල තියෙන්නෙ තීන්දුවක් නෙමෙයි තාවකාලික තහනමක් විතරයි කියල.
සමන්ත Tuesday, 04 December 2018 12:24 AM
අතුරු තහනම් නියෝගයක් තියෙද්දි කොහොමද අගමැතිව ඉවත් කරලා නව අගමැති පත් කරන්නේ. කොහොමත් හැමෝටම අවශ්ය රනිල් අගමැති කරන්න.. නමුත් මහජනතාවට ඒක අවශ්ය නෑ.. ඡන්දයකට ගිහිල්ලා බලමු...
කල්පනා Tuesday, 04 December 2018 01:02 AM
අධිකරණයෙන් මහින්ද නිත්යානුකූල නැතැයි වාරණයක් දුන්නානම් හිටපු පිරිස නීත්යානුකූල නේද ඇදුරුතුමා
අනුර Tuesday, 04 December 2018 02:01 AM
මෙහි ඉදිරිපත්කර ඇති කරුණු තාර්කිකව නිවැරදියි
ගල්කටස් Tuesday, 04 December 2018 02:27 AM
මම නමි අහල නැහැ නඩුවක් අහන්න තීරණය කලාම දිනුමි කියලා දගලනවා .... එක්කෝ මේ අයට පිස්සු නැත්නමි අපිට පිස්සු... බැදුමිකරයේ සල්ලි වැඩකරනවා වගේ දැන් නියෙමටම ...රට කන මන්ත්රීවරු විනාශ වෙිවා කියල සාදු කියන්න පිංවත....
Cisco Tuesday, 04 December 2018 04:37 AM
නොර්වේ රජයෙන් මුදල් අරන් රට අල කරන තවත් පුද්ගලයෙක් තමයි
daya Tuesday, 04 December 2018 07:59 AM
අනේ හැබෑවට ඉවසිල්ලක් නැතිව කෑගහන හැටි. එහොම ටිකක් ඉන්නකො තීන්දුව ලැබෙනකං.