ඇමෙරිකා එක්සත් ජනපද ජනාධිපති ඩොනල්ඞ් ට්රම්ප්ට එරෙහි දෝෂාභියෝගය අසත්ය කරුණු මත පදනම් වූ එකක් යැයි රුසියානු ජනාධිපති ව්ලැදිමීර් පුටින් අද (19) ප්රකාශ කළේය.
දෝෂාභියෝගය ඇමෙරිකානු ජනාධිපතිවරයාගේ අවසානය සටහන් කරනු ඇතැයි තමන් විශ්වාස නොකරන බව ද රුසියානු ජනාධිපතිවරයා කීවේය.
“දෝෂාභියෝගය සෙනට් මණ්ඩලයෙන් සම්මත විය යුතුයි. රිපබ්ලිකන් පක්ෂයට එහි බහුතරයක් තිබෙනවා” යැයි ද ජනාධිපති පුටින් කීය.
ඇමෙරිකා එක්සත් ජනපදයේ නියෝජිත මන්ත්රී මණ්ඩලය ජනාධිපති ට්රම්ප් එරෙහිව දෝෂාභියෝග යෝජනාව සම්මත කරගැනීමෙන් පසුව ජනාධිපති පුටින් ඒ බව පැවැසීය.
බලය අවභාවිත කිරීම සහ කොංග්රසයට බාධා කිරීම යන චෝදනා දෙක යටතේ ජනාධිපති ට්රම්ප්ට එරෙහිව දෝෂාභියෝග යෝජනාව සම්මත කරගත්තේය.
“රිපබ්ලිකන් පක්ෂය තමන්ගේ පක්ෂයේම කෙනෙක් බලයෙන් ඉවත් කරන එකක් නැහැ. එවැන්නක් වෙන්න තියෙන්නේ ඉතාම සුළු ඉඩක්. දෝෂාභියෝග යෝජනාව සකස් කර ඇත්තේ සම්පූර්ණයෙන්ම අසත්ය කරුණු පදනම් කරගෙන” යැයි රුසියානු ජනාධිපතිවරයා කීය.
වාර්ෂික මාධ්ය සාකච්ඡාවට එක්වෙමින් රුසියානු ජනාධිපති පුටින් එම කරුණු සඳහන් කළේය.
“මේ දෝෂාභියෝග ක්රියාවලිය අභ්යන්තර දේශපාලන අර්බුදයක්. එය දිගටම සිදුවෙනවා. මෙය ඩිමොක්රටික් පක්ෂය සහ රිපබ්ලිකන් පක්ෂය අතර තරගයක්” යැයි ද හෙතෙම කීය.
දෝෂාභියෝගයෙන් ජනාධිපති ට්රම්ප්ගේ කාලය අවසන් වනු ඇත්දැයි මාධ්යවේදියකු විමසූ ප්රශ්නයකට පිළිතුරු දෙමින් රුසියානු ජනාධිපතිවරයා තවදුරටත් මේ සම්බන්ධයෙන් අදහස් දැක්වීය.
ඩිමොක්රටික් පක්ෂයේ ජනාධිපතිවරණ අපේක්ෂකයකු වන ජෝ බයිඩන් සම්බන්ධයෙන් විමර්ශනය කරන්නැයි යුක්රේන ජනාධිපතිවරයාට බලපෑම් කරමින් දුරකතන ඇමතුමක් දුන්නේ යැයි කියන සිදුවීම සම්බන්ධයෙන් ට්රම්ප්ට එරෙහිව දෝෂාභියෝගය සම්මත කරගත්තේය. ඇමෙරිකා එක්සත් ජනපද කොංග්රසයේ නියෝජිත මන්ත්රී මණ්ඩලයේදී බදාදා (18) දෝෂාභියෝග යෝජනාව සම්මත කරගැනුණි.
ඩොනල්ඞ් ට්රම්ප් බලයට ගෙන ඒම සඳහා රුසියාව ඇමෙරිකානු ජනාධිපතිවරණයට මැදිහත් වූ බවට මීට පෙර චෝදනාවක් එල්ල වූ බව ද රුසියානු ජනාධිපතිවරයා මෙහිදි සිහිපත් කළේය. ජනාධිපති ට්රම්ප් එම චෝදනාවට කොටු කරගැනීමට ඩිමොක්රටික් පක්ෂය උත්සාහ කළ බවත් එය අසාර්ථක වූ තැන මෙලෙස දෝෂාභියෝගයක් ගෙනැවිත් ඇති බවත් රුසියානු ජනාධිපතිවරයා වාර්ෂික මාධ්ය හමුවේදී කීය.
“ට්රම්ප් රුසියාව සමඟ සැලැසුම් සකස් කළේ යැයි ඩිමොක්රටික් පක්ෂය චෝදනා කළා. එය අසාර්ථක වුණා. එම චෝදනාව දෝෂාභියෝගයකට පදනම් කරගන්න බැහැ” යැයි ද පුටින් කීවේය.
“එයින් පසුව ඩිමොක්රටික් පක්ෂය ජනාධිපති ට්රම්ප්ට එරෙහිව යුක්රේනය ඇඳෑ ගත්තා” යැයි රුසියානු ජනාධිපති පුටින් වැඩිදුරටත් කීය.
ඒ.එෆ්.පී
055
කෑගල්ල මහ රෝහලේ අරක්කැමි (කොකියා) රුපියල් හාර දහස් අසු දෙකක් වටිනා කරවල, අලුත් මාළු හා අර්තාපල් සොරාගෙන යමින් සිටියදී රෝහල් අධ්යක්ෂවරයාට හසුවූ බව කිය
මෙරට මුහුදු තීරයේදී ගිනි ගැනීමට ලක්වූ එම්. වී.එක්ප්රස් පර්ල් නෞකාව සම්බන්ධයෙන් සිදු කරන විමර්ශනය අවසන් කර කඩිනමින් අධිකරණයට කරුණු වාර්තා කරන්නැයි ක
ශ්රී ලංකා නිදහස් පක්ෂයේ විධායක සභාව කැඳවීම පිළිබඳ සිදුකළ ප්රකාශයකින් සිය කීර්ති නාමයට හානියක් සිදුවී යැයි ද ඊට වන්දි ලෙස රුපියල් කෝටි 100 ක මුදලක් ගෙව
ඉඩමක් විකිණීමේදී ඇතිවීයැයි කියන ආරවුලක් දුරදිග යාමෙන් මොරගහහේන වීදියගොඩ මොහොට්ටිගොඩ ප්රදේශයේ කෝටිපති ව්යාපාරික කතකගේ නිවෙසට ඊයේ හොර රහසේ ඇතුළු ව
සිංගප්පූරුවේ ජාතික විශ්ව විද්යාලයේ දකුණු ආසියානු අධ්යයන ආයතනය සමග පවතින සබඳතා අඛණ්ඩව පවත්වාගැනීම සදහා හිටපු හිටපු මහ කොමසාරිස් සහ පාත්ෆයින්ඩර් ප
ශ්රී ලංකා නිදහස් පක්ෂයේ මැයි රැලිය, නිදහස් සේවක සංගමය ඇතුළු වෘත්තීය සමිති සංවිධානත්වයෙන් මැයි 1 වැනිදා ගම්පහ නගර සභා පිටියේදී පැවැත්වීමට කටයුතු යොදා
ස්වභාවික ශාකසාර අඩංගු ආයුර්වේදයේ විශිෂ්ඨත්වය රැඳි personal care සහ රූපලාවණ්ය නිෂ්පාදන පෙළක් සමග ලොව පුරා ජනතා විශ්වාසයට පාත්ර වූ දැවැන්ත සමාගමක් වන Himalaya Wellness
ආදරය යනු සියලු සීමාවන් ඉක්මවා යන විශ්වීය සංකල්පයකී. එයට හදවත් එකතු කිරීමේ අසීමිත බලයක් ඇත.සැබෑ ප්රේමයක් නිරන්තරයෙන් සියුම් ලෙස අප ආත්මයන් ස්පර්ෂ කරම
ශ්රී ලංකා ප්රමිති ආයතනය (SLSI) විසින් සංවිධානය කරන ලද, ශ්රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්
‘ට්රම්ප්ට එරෙහි දෝෂාභියෝගය අසත්ය කරුණු මත පදනම් වූ එකක්‘