කොරෝනා වසංගතයේ ව්‍යාප්තිය පාලනය කිරීම සඳහා පනවා තිබෙන "ලොක්ඩවුන්" සීමා ඉවත් කිරීමට ඉක්මන් නොවිය යුතු යැයි ලෝක සෞඛ්‍ය සංවිධානයේ ප්‍රධානී වෛද්‍ය ටෙඩ්‍රෝස් අදනොම් පවසයි.

වසංගතයේ අවදානම පහව යෑමටත් පෙර "ලොක්ඩවුන්" සීමා ඉවත් කළහොත්  වයිරසය ආසාදනය වීමේ "දරුණු හා මාරාන්තික වැඩිවීමක්" සිදුවිය හැකි යැයි හෙතෙම අනතුරු අඟවයි.

"කොවිඩ්-19" හෙවත් නව කොරෝනා වයිරසය හේතුවෙන් ලොවපුරා මියගිය ගණන ලක්ෂය ඉක්මවා ගොස් ඇත . ලොවපුරා කොරෝනා ආසාදිතයන්ගේ සංඛ්‍යාව දාහත් ලක්ෂයකට ආසන්න වේ

ගෝලීය වසංගතයක් බවට පත්ව තිබෙන නව කොරෝනා වයිරසය හේතුවෙන් ගෝලීය සෞඛ්‍ය අර්බුදයක් මෙන්ම ගෝලීය ආර්ථික අර්බුදයක් ද නිර්මාණය වී ඇත. රටවල් රැසක ආර්ථික කටයුතු අඩපණ වී ඇත.

"ලොක්ඩවුන්" සීමා ඉවත් කරන්නේ නම් එම රටවල් ඒ සම්බන්ධයෙන් විමසිලිමත් විය යුතු යැයි ද ලෝක සෞඛ්‍ය සංවිධානයේ ප්‍රධානියා පෙන්වදෙයි.

පනවා ඇති  සීමා ඉවත් කිරීමේ උපායමාර්ග සම්බන්ධයෙන් ඒ ඒ රටවල ආණ්ඩු සමඟ සාකච්ඡා කරන නමුත් මෙතරම් ඉක්මනින් "ලොක්ඩවුන්" සීමා ඉවත් නොකළ යුතු යැයි ද හෙතෙම තවදුරටත් පෙන්වා දෙයි.

බී.බී.සී

055