(සමන් පාලිත නානායක්කාර )
 
යුද හමුදාවේ අධීක්ෂණය යටතේ දින 14 ක කාලයක් නිරෝධායන කටයුතු සාර්ථකව අවසන් කළ දියතලාව යුද හමුදා නිවාඩු නිකේතනයේ සිටි 10 දෙනෙකුගෙන් යුත් පිරිසක් අද (1) නිවෙස් බලා පිටත් වූ බව දිය තලාව යුද හමුදා කඳවුරේ  උසස් නිලධාරියෙක් පැවසීය.
 
යුද හමුදා විශේෂ විශේෂ බස් රථයකින් මෙම පිරිස කොළඹ ප්‍රදේශයට රැගෙන ආ බවත් පිරිමි පුද්ගලයින් හය දෙනෙකු කාන්තාවන් තිදෙනෙකු සහ එක් ගැහැණු දරුවෙකු මේ අතර සිටි බවත් යුද හමුදාව කියයි.
 
ඔවුහු ඉතාලියේ හා දකුණු කොරියාවේ සිට මෙරටට පැමිණි ශ්‍රී ලාංකිකයෝ වූහ.
 
මෙම මධ්‍යස්ථානයේ නිරෝධායනය සාර්ථකව අවසන් කළ තවත් 60 දෙනෙකු හෙට දිනයේ දී නිවෙස් බලා පිටත් වීමට නියමිත බව ද යුද හමුදාව පවසයි .
 
යුද හමුදා  අධික්ෂණය යටතේ මධ්‍යස්ථාන හතරක පුද්ගලයින් 388 දෙනෙකු මේ වනවිට නිරෝධායනය සාර්ථකව අවසන් කර ඇති බව යුද හමුදාව කියයි.