(රංජිත් රාජපක්ෂ )            

තේ වත්තේ සැරිසරමින් සිටි තවත් කඳුකර කොටියෙකු අද  (24) දින මන්දකට හසු වි ඇති බව නල්ලතන්නිය වනජිවි කාර්යයාලයේ වන සත්ව අඩවි ආරක්ෂක ප්‍රභාෂ් කරුණාතිලක මහතා පැවසිය.
 
හැටන් පොලිස් වසමට අයත් දික්ඔය දරවල වත්තේ මෙසේ කදුකර කොටියා මන්දකට හසු වි ඇති බව වනජිවි නිලධාරින් කියා සිටියේය.
 
තේ වත්තේ සැරිසරන වල් ඌරන් දඩයම් කිරිම සදහා කිසියම් පිරිසක් විසින් තේ වත්තේ ගසක අටවන ලද මන්දකට කදුකර කොටියා (23) දින රාත්‍රියේ හසු වි ඇති බවත්, තේ වත්තේ කොටියෙකුගේ ගොරවන හඩ ඇසි වතු කම්කරුවන් එ පිලිබදව හැටන් පොලිසියට සහ නල්ලතන්නිය වනජිවි කාර්යයාලයේ නිලධාරින්ට දැනුම් දි ඇත.
 
වනජිවි නිර්වින්දන පශුවෛද්‍යයවරයෙකුගේ සහයෝගය ලබාගෙන මන්දට හසු වි සිටින කදුකර කොටියා මුදා ගැනිමට කටයුතු කරන බව වනජිවි නිලධාරින් කියා සිටියේය.
 
ඉකුත් සතියේ මස්කෙලිය ගාඩ්මොර් තේ වත්තේ තම්බතැන්න කොටසේ මෙවැනිම කොටියෙකු මන්දකට හසු වි සිටියදි වනජිවි නිලධාරින් විසින් කොටියා මන්දෙන් මුදාගෙන වැඩි දුර ප්‍රතිකාර රණ්දෙණිගල වනජිවි පශු වෛද්‍යය රෝහල වෙත රැගෙන යන අවස්තාවේ මිය ගොස් තිබුණි.

සබැඳි - කඳුකර කොටියෙක් අදත් මන්දකට හසු වෙයි