(ටී.කේ.ජී.කපිල)
කටුනායක අපනයන සැකසුම් කළාපයේ සේවය කරන , එහෙත් මේ වනතුරු තම නිවෙස් වෙත යෑමට නොහැකිව , නේවාසිකාගාර තුළ රැදී සිටි සේවක පිරිස් , ඔවුන්ගේ නිවෙස් වෙත රැගෙන යෑමේ වැඩසටහන අද (27) ආරම්භ කෙරිණි.
ඒ සදහා සහභාගී වී තම නිවෙස් කරා යෑමට 5,000 කට අධික පිරිසක් කටුනායක අපනයන සැකසුම් කළාපය වෙත අලුයම 5.00 සිට පැමිණ සිටියහ.
කටුනායක පොලීසිය ඊයේ (26) රාත්රී ශබ්දවාහිනී යන්ත්ර උපයෝගී කර ගනිමින් මේ පිළිබඳ පුවත ප්රදේශය පුරා ප්රචාරය කළේය.
එයට ප්රතිචාර වශයෙන් මෙසේ දැවැන්ත ජනතාවක් කටුනායක අපනයන සැකසුම් කළාපය වෙත පැමිණ සිටියහ .
මෙම වැඩසටහන ශ්රී ලංකා ආයෝජන මණ්ඩලය , කටුනායක පොලීසිය , ප්රදේශයේ මහජන සෞඛ්ය පරීක්ෂකවරුන් , කර්මාන්තශාලා හිමිකරුවන් සහ ශ්රී ලංකා යුද හමුදාව විසින් සංවිධානය කර තිබිණි.
මෙම සේවක පිරිස් කටුනායක අපනයන සැකසුම් කළාප ප්රධාන ගේට්ටුව අසළට පැමිණීමෙන් පසු , ඔවුන් තම නිවෙස් කරා රැගෙන යන තෙක් සියලු කාර්යයන් ශ්රී ලංකා යුද හමුදාව වෙත බාර වී තිබේ.
ඒ අනුව මෙසේ කටුනායක අපනයන සැකසුම් කළාපය වෙත පැමිණි සේවක පිරිස් මුලින්ම කටුනායක පොලීසිය පිහිටුවා ඇති මධ්යස්ථානයේ ලියාපදිංචි විය යුතුය .
අනතුරුව ඔවුන් ශ්රී ලංකා යුද හමුදාව විසින් සෞඛ්ය පරීක්ෂණයකට ලක් කරයි .
එයින් සමත් වන පිරිස් , ඔවුන්ගේ පදිංචිය අනුව , සූදානම් කර ඇති බස් රථ වෙත ඇතුළු කිරීම සිදු කරයි .
මෙම බස් රථ පළාත් අනුව නම් කර ඇති අතර , මෙම බස් ඉදිරිපසින් සහ පසුපසින් ශ්රී ලංකා යුද හමුදා පෙර සහ පසු ගමන්රථ ගමන් කිරීමට නියමිතය .
මෙසේ බස් රථ මගින් රැගෙන යන සේවක පිරිස් , ඔවුන් අයත් වන පොලීසිය වෙත භාර දීමට නියමිතය.
පසුව එම පොලීසිය විසින් මෙම සේවකයින් තමන් පදිංචි නිවෙස් වෙත යොමු කිරීමට නියමිතය .
මෙම සේවක පිරිස ප්රවාහනය ඇතුළු සියලු කාර්යයන් බාරව කටයුතු කිරීම සදහා ශ්රී ලංකා යුද හමුදා මූලස්ථානයේ ක්රියාන්විත අධ්යක්ෂ බ්රිගේඩියර් හරේන්ද්ර රණසිංහ මහතා සමග යුද හමුදා අනු ඛණ්ඩනයක් ද කටුනායක අපනයන සැකසුම් කළාපය වෙත පැමිණ තිබුණි .
(ඡායාරූප - ටී.එම්. ජී. කපිල)
(ඡායාරූප - දීපා අධිකාරී)
ශ්රී ලංකාවේ ප්රමුඛතම නාගරික අපද්රව්ය කළමනාකරණ සේවා සපයන්නා වන Abans සමූහයේ තිරසාර අංශය ද වන ක්ලීන්ටෙක් පුද්ගලික සමාගම, SCOPE වැඩසටහන යටතේ, ශ්රී ලංකා වා
සියවස් එකහමාරක් පුරා විහිදුනු ‘විශ්වාසයේ උරුමය’ තුළින් බ්රවුන් සහ සමාගම දශක ගණනාවක් තිස්සේ දේශීය මෝටර් රථ ක්ෂේත්රය හැඩගැස්සවූ බව ඔබ දන්නා සත්යයක
ශ්රී ලංකාවේ ප්රමුඛතම මූල්ය සමාගමක් වන සියපත ෆිනෑන්ස් පීඑල්සී දීප ව්යාප්ත ශාඛා ජාලයේ 56 වැනි ශාඛාව පසුගියදා මහියංගනය නගරයේදී විවෘත කෙරිණ. පුරාණ ශ්
කටුනායක අපනයන සැකසුම් කලාපයේ සේවක පිරිස් නිවෙස්වලට යවති