ගල්ෆ් අරාබි රාජ්‍යයන්හි කොරෝනා රෝගීන් 100,000 ඉක්මවයි

නිල සංඛ්‍යාලේඛන වලට අනුව අද (11) දිනය වනවිට ගල්ෆ් අරාබි රාජ්‍ය හයේ කොරෝනා වයිරස රෝගීන් සංඛ්‍යාව 100 000 ඉක්මවා ගියේය.

ගල්ෆ් අරාබි කළාපයට අයත් බහරේනය, කුවේටය, ඕමානය, කටාර්, සවුදි අරාබිය සහ එක්සත් අරාබි එමීර් රාජ්‍යය යන රටවල් හයෙන් මෙම රෝගීන් සංඛ්‍යාව වාර්තා වි තිබේ.

ගල්ෆ් රටවල් හයේ මේ වනවිට මරණ 557ක් සිදුවී තිබේ.

මිලියන 30ක පමණ ජනගහනයක් සහිත විහාලම ගල්ෆ් රට වන සවුදි අරාබියේ වැඩිම ආසාදන සංඛ්‍යාව වන 41 014ක් සහ මරණ 225ක් තහවුරු වී ඇත. පසුගිය පැය 24 තුළ සවුදි අරාබියේ නව රෝගීන් 1 966ක් වාර්තා වූ අතර මරණ 09ක් සිදුවිය. සෞඛ්‍ය බලධාරීන් අනතුරු අඟවා සිටියේ කොරෝනා වයිරසය අප්‍රේල් මාසයේදී සවුදි අරාබියේ 10 000 - 200 000ත් අතර පිරිසකට ආසාදනය විය හැකි බවයි.

කුඩා රාජ්‍යයක් වන කටාර් හි රෝගීන් 22 520ක් වාර්තා වන අතර සහ මරණ 14ක් සිදුවී තිබේ.

එක්සත් අරාබි එමීර් රාජ්‍යයේ වාර්තා වී ඇති රෝගීන් ගනන 18 198 කි. එරටින් මරණ 198ක් තහවුරු වි තිබේ.

ඕමානයේ රෝගීන් 3 399ක් වාර්තා වී තිබේ. මරණ 17කි.

කුවේට් රාජ්‍යයෙන් මේ වනවිට වාර්තා වන රෝගීන් ගනන 8 688කි. මරණ 58ක් සිදුවී තිබේ.

බහරේන් හි රෝගීන් 4 941ක් සහ මරණ 08ක් තහවුරු වී තිබේ.

කෙසේ වුවද ගල්ෆ් කළාපයේ බොහෝ රටවල් මේ වනවිට පැනවූ සීමා ලිහිල් කරමින් සිටින බව මාධ්‍ය වාර්තා කර ඇත.

(රොයිටර් පුවත් ඇසුරිණි - 085)

අදහස් (2)

ගල්ෆ් අරාබි රාජ්‍යයන්හි කොරෝනා රෝගීන් 100,000 ඉක්මවයි

Kapila Monday, 11 May 2020 06:01 PM

කෝ අර බණ්ඩා කියන කෙනා...? දැන් බලාගන්න උෂ්ණත්වය 30ට වැඩි රටවල් කිහිපයක පැතිරුණු ආකාරය... කියන්නන් වාලේ කියවන්න එපා...

: 0 36

vidya Tuesday, 12 May 2020 02:48 AM

රටේ තියන දුප්පත්කම නිසා බැල මෙහෙවරකම් කිරීමට ගොස් අසරණ වෙලා ඉන්න ලංකාවේ දරුවන් ටික කරුණාකරලා ගෙන්වා ගන්න. ඒගොල්ල සිංගප්පුරුවට ගිහින් බෙහෙත් ගන්න නෙමේ ගියේ. ඕස්ට්‍රේලියාවට ගිහින් ජනෙල් වලින් වැටෙන්න නෙමේ ගියේ. පාස් පෝට් තුන හතර තියාගෙන රටරවල රස්තියාදුවේ නෙමේ ගියේ. පිටරටවල් වලට ගිහින් බණ කියන්න වස් වසන්න නෙමේ ගියේ. මේ මිනිස්සු ගියේ සිඟා නොකා සිඟා කන්න බැරි නිසා. මෙය වහාම නොකළොත් ලංකා මාතාව අපිට දොස් ති‍‍‍‍‍‍යයි. ජනාධිපතිතුමනි, මෙන්න මානුෂික මෙහෙවරේ අලුත් අදියර.

: 1 5

ඔබේ අදහස් එවන්න

එසැණ පුවත්

සජිත්-අනුර විවාදයට නීතිඥ සංගමයේ සහාය පතයි

2024 අප්‍රේල් මස 26 91 0

සමගි ජන බලවේගය සහ ජාතික ජන බලවේගය අතර යෝජිත විවාදය සඳහා මැදිහත් පාර්ශවයක් ලෙස කටයුතු කරන්නැයි සමගි ජන බලවේගයේ මෙහෙයුම් ප්‍රධානී නලින් බණ්ඩාර මහතා ශ්

කෝටි 30ක වංචාකරු අල්ලන්නැයි විරෝධයක්

2024 අප්‍රේල් මස 26 137 1

පුද්ගලයන් 200 කට ආසන්න සංඛ්‍යාවක් විදේශ රැකියාවලට පිටත්කර යවන බවට පොරොන්දු වෙමින් රුපියල් කෝටි 30 කට ආසන්න මුදලක් වංචා කළේ යැයි කියන මහරගම ප්‍රදේශයේ විද

ගාසා ළමා අරමුදලට සල්ලි ගලයි

2024 අප්‍රේල් මස 26 411 0

ගාසා හි ගැටුම්වලින් විපතට පත්වූවන් වෙනුවෙන් සහන සැලසීම සඳහා ජනාධිපති රනිල් වික්‍රමසිංහ මහතා විසින් ආරම්භ කරනු ලැබූ ගාසා හි ළමා අරමුදල (Children of Gaza Fund) සඳහා ස