පුද්ගලයින්ගේ කැස්ස සහ හඩ අනුව කොරෝනා වෛරසය වැළඳී ඇත්දැයි පුරෝකථනය කළ හැකි මෘදුකාංගයක්(ඇප්) නිර්මාණය කිරීමේ ව්යාපෘතියක් ලොව ප්රමුඛ විශ්වවිද්යාල දෙකක් විසින් අරඹා ඇත.
පුද්ගලිකත්වයට සම්බන්ධ එකිනෙකට වෙනස් ප්රවේශ දෙකක් ඔස්සේ ක්රියාත්මත මෙම ව්යාපෘති එකිනෙක අතර සම්බන්ධතාවකින් තොරව ක්රියාවට නැංවේ.
මින් එක් ව්යාපෘතියක් බ්රිතාන්යයේ කේම්බ්රිජ් විශ්වවිද්යාලය මගින් ක්රියාවට නංවා ඇති අතර අනෙක් ව්යාපෘතිය අමෙරිකාවේ කානෙජි මෙලෙන් විශ්වවිද්යාලය මගින් ක්රියාත්මක කරයි.
ව්යාපෘති දෙකටම කෘත්රිම බුද්ධි තාක්ෂණය යොදා ගන්නා අතර වෛරසය සම්බන්ධයෙන් දත්ත විශාල ප්රමාණයක් විශ්ලේෂණය කර එහි යම් රටාවක් සොයා ගැනීම මඟින් ගැටලු විසඳාගැනීම අපේක්ෂාවයි.
මෙහි මූලික අරමුණ වන්නේ උණ ඇතුළු වෙනත් රෝගවලින් කොවිඩ් - 19 වෙන්කර හඳුනාගැනීම වේ.
කේම්බ්රිජ් විශ්වවිද්යාලය මෙහෙයවන ව්යාපෘතියට අදාළ දත්ත රැස්කර ගැනීම සඳහා මහජනතාවට ආරාධනා කර ඇති අතර ඔවුන්ගේ ශ්වසනය සහ කැස්ස සම්බන්ධ දත්ත මයික්රොෆෝනයක් මගින් පරිගණකයට ඇතුළත් කෙරේ.
එම දත්ත දායකයින්ගේ වයස, ස්ත්රී පුරුෂභාවය, පදිංචි ප්රදේශය මෙන්ම කොරෝනා වෛරසය ඔවුන්ට ආසාදනය වී ඇති බවට මෑතකදී පරීක්ෂාවන් සිදුකර ඇත්දැයි යන තොරතුරු ද මෙහිදී ලබාගැනේ.
මෙසේ ප්රමාණවත් පරිදි ලබාගත් දත්ත ඇසුරෙන් වෛරසය ආසාදිත පුද්ගලයින් සහ ඔවුන් රෝගයේ කවර අදියරේ සිටින්නේ ද යන්න හඳුනාගන්නා බව මහාචාර්ය සෙසිලියා මස්කෝලෝ පවසයි.
මෙම ව්යාපෘතිය පසුගිය අඟහරුවාදා ආරම්භ කළ අතර පළමු දිනයේදී පුද්ගලයින් 1200 දෙනෙකු තොරතුරු ලබා දීමට සහභාගි වී තිබේ.
ඔවුන් අතරින් 22 දෙනෙකු කොරෝනා වෛරසය ආසාදනය වී ඇති බවට තහවුරු වූ පුද්ගලයෝ වෙති.
මාස 2 ක් තුළ මෙම ඇප් එක එළිදැක්වීමට කේම්බ්රිජ් පර්යේෂකයෝ අපේක්ෂා කරති.
කානෙජි මෙලෙන් විශ්වවිද්යාලය පුද්ගලයින්ගේ හඬ යොදාගෙන දත්ත රැස් කිරීමට පියවර ගෙන තිබේ.
මේ සඳහා ආරම්භ කළ වෙබ් අඩවියක් මගින් පරිශීලකයින්ගේ කැස්ස, ඉංග්රීසි භාෂාවේ ස්වර ශබ්ද නැගීම සහ හෝඩිය ශබ්ද කිරීමට අදාළව දත්ත ලබා ගැනේ.
අවසානයේ ඔවුන්ට කොවිඩ් - 19 ආසාදනය වී තිබීමට කෙතරම් හැකියාවක් පවතීදැයි දක්වනු ලැබේ.
කෙසේ වෙතත් ඒ පිළිබඳ යළි සිතා බැලීම වැදගත් බව පර්යේෂකයින්ගේ අදහස වේ.
මේ වන විට මෙම වෙබ් අඩවිය අක්රීයව පවතින අතර මෙම සතිය අවසන් වන විට නැවත එය සක්රීය කරන බව පර්යේෂකයෝ පවසති.
(බීබීසී ඇසුරෙනි)
-226-
කෑගල්ල මහ රෝහලේ අරක්කැමි (කොකියා) රුපියල් හාර දහස් අසු දෙකක් වටිනා කරවල, අලුත් මාළු හා අර්තාපල් සොරාගෙන යමින් සිටියදී රෝහල් අධ්යක්ෂවරයාට හසුවූ බව කිය
මෙරට මුහුදු තීරයේදී ගිනි ගැනීමට ලක්වූ එම්. වී.එක්ප්රස් පර්ල් නෞකාව සම්බන්ධයෙන් සිදු කරන විමර්ශනය අවසන් කර කඩිනමින් අධිකරණයට කරුණු වාර්තා කරන්නැයි ක
ශ්රී ලංකා නිදහස් පක්ෂයේ විධායක සභාව කැඳවීම පිළිබඳ සිදුකළ ප්රකාශයකින් සිය කීර්ති නාමයට හානියක් සිදුවී යැයි ද ඊට වන්දි ලෙස රුපියල් කෝටි 100 ක මුදලක් ගෙව
ඉඩමක් විකිණීමේදී ඇතිවීයැයි කියන ආරවුලක් දුරදිග යාමෙන් මොරගහහේන වීදියගොඩ මොහොට්ටිගොඩ ප්රදේශයේ කෝටිපති ව්යාපාරික කතකගේ නිවෙසට ඊයේ හොර රහසේ ඇතුළු ව
සිංගප්පූරුවේ ජාතික විශ්ව විද්යාලයේ දකුණු ආසියානු අධ්යයන ආයතනය සමග පවතින සබඳතා අඛණ්ඩව පවත්වාගැනීම සදහා හිටපු හිටපු මහ කොමසාරිස් සහ පාත්ෆයින්ඩර් ප
ශ්රී ලංකා නිදහස් පක්ෂයේ මැයි රැලිය, නිදහස් සේවක සංගමය ඇතුළු වෘත්තීය සමිති සංවිධානත්වයෙන් මැයි 1 වැනිදා ගම්පහ නගර සභා පිටියේදී පැවැත්වීමට කටයුතු යොදා
ස්වභාවික ශාකසාර අඩංගු ආයුර්වේදයේ විශිෂ්ඨත්වය රැඳි personal care සහ රූපලාවණ්ය නිෂ්පාදන පෙළක් සමග ලොව පුරා ජනතා විශ්වාසයට පාත්ර වූ දැවැන්ත සමාගමක් වන Himalaya Wellness
ආදරය යනු සියලු සීමාවන් ඉක්මවා යන විශ්වීය සංකල්පයකී. එයට හදවත් එකතු කිරීමේ අසීමිත බලයක් ඇත.සැබෑ ප්රේමයක් නිරන්තරයෙන් සියුම් ලෙස අප ආත්මයන් ස්පර්ෂ කරම
ශ්රී ලංකා ප්රමිති ආයතනය (SLSI) විසින් සංවිධානය කරන ලද, ශ්රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්
කොරෝනා ආසාදිතයකුදැයි හඳුනාගැනීමට මෘදුකාංගයක් නිපදවයි
අත්තා Thursday, 09 April 2020 05:51 AM
".... පදිංචි ප්රදේශය මෙන්ම කොරෝනා වෛරසය ඔවුන්ට ආසාදනය වී ඇති බවට මෑතකදී පරීක්ෂාවන් සිදුකර ඇත්දැයි යන තොරතුරු ද මෙහිදී ලබාගැනේ". මේ දවස් වල කැස්ස සහ ශ්වසන අපහසුතා වැනි රෝග ලක්ෂණ පෙන්නුම් කරනවා නම් කොරෝනා ගැන සැක කරන්න වෙනම ඇප් අවශ්ය නෑ. (ඇප් එකක් කියන්නෙ විද්යාගාර පරීක්ෂණයක් නෙවෙයි නේ) සාමාන්ය දැනීමක් තියෙන ඕනම කෙනෙකුට ඒක තේරුම් ගන්න පුළුවන්. ඔය කතා හොඳයි මොළේ උඩ ඉඳන් ඉන්න බටහිර උගතුන් ට !
අත්තා Thursday, 09 April 2020 05:57 AM
.... තව දෙයක් කියන්න ඕන. රෝගය වැළඳුනු අයටවත් හරි ප්රතිකාර නොකරන බටහිර රටවල් රෝගීන් අඳුනාගැනීමට ඇප් සෙවීම විහිළුවක් !
jayath Thursday, 09 April 2020 09:16 AM
මෙම ව්යායාමය සපල වේවා !