විනාඩි තුනකින් තම හමේ ස්වභාවය වෙනස්කරගෙන පරිසරයේ ආකාරයට හැඩගැසීමේ අපූරු හැකියාවෙන් යුතු ගෙඹි විශේෂයක් ඉක්වදෝරයේ ඇන්දීන් වළාකුළු වනාන්තරයෙන් සොයාගෙන ඇතැයි පර්යේෂකයන් පිරිසක් කියති.

බටහිර කේස් විශ්වවිද්‍යාලයේ සිසුවියක වූ කැත්රින් ක්‍රයිනැක් හා ඇගේ සැමියාවන ස්වභාව විද්‍යාඥ ටිම් ක්‍රයිනැක් දෙපළ මේ සොයාගැනීම සිදුකැර ඇත. එම පර්යේෂණය පිළිබඳ සූ ලොජිකල් ජාත්‍යන්තර සඟරාවේ ප්‍රකාශයට පත්කැර තිබේ.

මේ නව විශේෂය සත්ත්ව විද්‍යාත්මකව හඳුන්වා ඇත්තේ ප්‍රිස්ටිමැන්ටිස් මුටබිලස් නමිනි. පර්යේෂකයන් පවසන්නේ මෙවන් අපූරු හැකියාකින් යුතු උභය ජීවියෙක් මෙතෙක් හමුවී නැති බවයි.