IMG-LOGO

2024 අප්‍රේල් මස 16 වන අඟහරුවාදා


හිටපු රාජ්‍ය ඇමැතින් නිල රථ බාරදීම අගයමු

මැතිවරණ කොමිෂන් සභාවෙන් කෙරුණු දැනුම්දීම මත හිටපු රාජ්‍ය ඇමැතිවරුන් සිවු දෙනකු සිය නිල රථ බාර දී ඇතැයි සඳහන් පුවතක් අප පුවත්පත ඊයේ වාර්තා කළේය. අදාළ අමාත්‍යාංශ ප්‍රධානීන් මේ බව දැනුම් දී ඇතැයි මැතිවරණ කොමිසමේ නිලධාරියකු ප්‍රකාශ කළ බව ද අප ප්‍රවෘත්තියෙහි දැක්වෙයි. ඒ අතර නිල රථ බාර දී ඇතැයි පැවසුණ ද මේ සම්බන්ධයෙන් වැඩිදුරටත් කරුණු සොයා බැලීමක් කරන බව ද එම නිලධාරියා ප්‍රකාශ කළ බව අප ප්‍රවෘත්තියෙහි වැඩිදුරටත් සඳහන්ය.

‘නීතිය නොදැන සිටීම සමාවට හේතුවක් නොවන’ බව නීතියට අදාළ සිද්ධාන්තයකි. රාජ්‍ය දේපළ අයථා ලෙස මැතිවරණයක දී පාවිච්චි කර ඇති බවට අධිකරණයේ දී සනාථ වුවහොත් එම ගරු කටයුතු මහජන නියෝජිතයාගේ මන්ත්‍රී ධුරය අහෝසි වී යා හැකි බව මැතිවරණ කොමිසමේ සභාපතිවරයා ඉකුත් දා ප්‍රකාශ කර තිබිණි. රාජ්‍ය ඇමැතිවරයකු යනු වෘත්තීය දේශපාලනඥයෙකි. එනම්, දේශපාලනය ජීවිතය බවට පත් කරගත් දේශපාලනයෙන්ම ජීවත්වන අයෙකි. එබන්දකු මැතිවරණ නීතිරීති සම්බන්ධයෙන් කිසිදු අවබෝධයක් නොමැති අයකු යැයි බාලාංශ පන්තියේ දරුවකු වුවද නොපිළිගන්නා පරම සත්‍යයකි. ඒ අනුව අපගේ නිගමනය වන්නේ මෙම හිටපු රාජ්‍ය ඇමැතිවරුන් සිවුදෙනා නීතිය මැනවින් දන්නා බවය. එහෙත් එය නොදන්නා බව අඟවමින් තමන් රාජ්‍ය ඇමැති ධුරයේ සිටි කාලයේ නිල වශයෙන් ලැබුණු වාහන යළි බාර නොදී තමන් සන්තකයේ තබාගෙන සිටියහ. එයට අමතරව මැතිවරණ කටයුතු වෙනුවෙන් ද යොදාගෙන තිබිය හැකිය. එය සැලකිය යුත්තේ නොදන්නාකමක් ලෙස නොව තක්කඩිකමක් ලෙසය. අප ප්‍රවෘත්තියේ සඳහන් වන්නේ නිල රථ නැවත බාර නොදුන් රාජ්‍ය ඇමැතිවරුන් තව සිටින බවය. එම නිල රථ ද ඉක්මනින් අදාළ අමාත්‍යංශ වෙත බාර දෙනු ඇතැයි මැතිවරණ කොමිෂන් සභාව බලාපොරොත්තුවෙන් සිටින බවය.

හිටපු රාජ්‍ය ඇමැතිවරුන් කිහිප දෙනකු යළි බාර නොදුන් නිල රථ පහක් වහාම අත්අඩංගුවට ගන්නැයි මැතිවරණ කොමිෂන් සභාවේ සභාපති මහින්ද දේශප්‍රිය මහතා වැඩබලන පොලිස්පති සී.ඩී. වික්‍රමරත්න මහතාට ඉකුත්දා නියෝග කළේය. මෙම ප්‍රවෘත්තියට මාධ්‍ය තුළ සෑහෙන තරමේ ඉඩක් වෙන් විය. ප්‍රවෘත්තියට අමතරව කතුවැකි මෙන්ම විශේෂාංග ලිපි ද සම්පාදනය විය. එහෙයින්ම මෙම අනීතික ක්‍රියාව සම්බන්ධයෙන් සමාජය තුළ විශාල සංවාදයක් ඇති විය. සිදුවිය යුත්තේ ද එයමය. එම බලපෑමට යටත් නොවී සිටිය නොහැකි තැන රාජ්‍ය ඇමැතිවරුන් සිවු දෙනකු නිල රථ යළි බාරදෙන්නට ඇතැයි අපි සිතමු. ජන මතයට හිස නමා හෝ මැතිවරණයෙන් පසුව රාජ්‍ය දේපළ අවභාවිත කිරීමේ චෝදනාවට වරදකරු වීමෙන් මන්ත්‍රී ධුරය අහිමිව යා හැකි යැයි ඇති වූ බිය නිසා හෝ මෙසේ යළිත් නිල රථ බාර දෙන්නට ඔවුන්ට සිදුවන්නට ඇත. හේතුව කුමක් වුවද එසේ යළිත් නිල රථ බාරදුන් හිටපු රාජ්‍ය ඇමැතිවරුන් සිවු දෙනාට අපගේ ප්‍රණාමය පුද කරමු.

ඉකුත් සමයේ සමාජය තුළ වේගයෙන් පැතිරුණු මතයක් වූයේ ‘පාර්ලිමේන්තුවේ 225ටම බෝම්බ ගැසිය යුතු’ බවය. ක්‍රියාවක් වශයෙන් එබඳු අදහසකට අප කිසිසේත්ම එකඟ නොවූවද එබඳු මතයක් නිර්මාණය වූයේ අහේතුකව නොවන බව අවධාරණය කරමු. මෙරට දේශපාලන සංස්කෘතිය සම්බන්ධයෙන් සමාජයේ පතුල බිඳගෙන අප්‍රසාදයක් ගොඩ නැගී ඇත. එයට හේතුව දේශපාලනයේ නියැලෙන ඇතැම් තක්කඩි දේශපාලනඥයන්ගේ මජරකම් ය.

ගමේ සිට බසයෙන්, දුම්රියෙන් කොළඹ පැමිණ පාර්ලිමේන්තු මන්ත්‍රීවරුන්ගේ පොදු නිල නිවාසය වන ශ්‍රාවස්තියේ ලැගුම් ගෙන පාර්ලිමේන්තු සැසිවාරවලට සහභාගි වී නැවතත් බසයෙන් හෝ දුම්රියෙන් ගමරට බලා ගිය අල්පේච්ඡ දේශපාලනඥයන් සම්බන්ධ උද්‍යෝගිමත් ආදර්ශවලින් අපගේ ඉතිහාසය පිරී පවතී. ඒ අතීතය වර්තමානය වනවිට ළය විනිවිදින කිණිසි තුඩක් බඳුය.

අතීතයේ දී මෙන්ම වර්තමානයේ දී ද කටයුතු කළ යුතු යැයි හෝ කටයුතු කළ හැකි යැයි අපි නොකියමු. එහෙත් දේශපාලනය යනු අවංක මහජන සේවාවක සිට බඩ රස්සාවක් දක්වා පරිවර්තනය වී ඇති සමයක අල්ප වශයෙන් හෝ ගෞරවනීයත්වය රැකුණු දේශපාලන භාවිතාවක දේශපාලනඥයා නිරත විය යුතුය. ඔහුගෙන් මහජන දේපළ සූරාකන, හොරා කන චෞර කප්පිත්තකුගේ භුමිකාවක් ප්‍රදර්ශනය වන්නේ නම් සමස්ත දේශපාලන සංස්කෘතිය සම්බන්ධයෙන්ම බලවත් අප්‍රසාදයක් ගොඩනැගීම ස්වාභාවිකය. එහෙත් එම අප්‍රසාදය කෙළවර වන්නේ රටේ පැවැත්මෙන් වීම ද මෙහිදී තේරුම් ගත යුත්තකි.

මැතිවරණයට අදාළව නීතිරීති පනවා තිබෙන්නේ වඩාත් සාධාරණ හා සාමකාමී මැතිවරණයක් වෙනුවෙනි. මහජන මතය නිවැරැදිව ප්‍රකාශයට පත්වන්නේ එබඳු මැතිවරණයකිනි. එයට අනුගතවීම සෑම දේශපාලනඥයකුගේම වගකීමකි. නිල රථ යළිත් බාරදුන් හිටපු රාජ්‍ය ඇමැතිවරුන් සිවු දෙනා ගෞරවයෙන් සිහිපත් කළ යුත්තේ එහෙයිනි.



අදහස් (7)

හිටපු රාජ්‍ය ඇමැතින් නිල රථ බාරදීම අගයමු

ravi Wednesday, 08 July 2020 08:19 AM

හොඳට පරීක්ෂා කරලා බලලා ගන්න. සමහරවිට එන්ජින් එක ගලවලා චැසිය විතරක් දේවි...

:       1       1

amila Wednesday, 08 July 2020 08:36 AM

අගය කරන්න දෙයක් නැහැ, අනිවාර්යෙන් බාරදිය යුතුයි.

:       0       13

Js Wednesday, 08 July 2020 11:03 AM

නම් ලැයිස්තුව ඉදිරිපත් කරන්න.. ඡන්දයේ දී ජනතාව බලාගනී...

:       0       0

සිසිල්දේශ් Thursday, 09 July 2020 11:32 AM

මෝඩ කතාවක්... හොරකම් කරපු කෙනා බඩුටික ගෙනත් බාරදෙනකොට ප්‍රණාමය කරන්නේ මොකටද?

:       0       0

Bamunuarachchi Thursday, 09 July 2020 12:53 PM

මෙතන අගයන්න දෙයක් නැත. නීතිය ක්‍රියාත්මක වීමයි තියෙන්නේ...

:       0       0

BamunuarachchiFriday, 10 July 2020 05:24 AM

බාරදෙන්න පරක්කු වුණානම් ඒ කාලසීමාවට දඩ නියම කරන්න. වෙලාව බාරදුන්නා නම් බාරගත්තා හැරෙනවා කියන්නට මොන ඇගයීම්ද?

:       0       0

Demuni Uduwara Thursday, 09 July 2020 08:09 PM

එය කළ යුතුමයි... ඒවා රජයේ දේපළනේ...

:       0       0

ඔබේ අදහස් එවන්න

විශේෂාංග

අලුත් අවුරුද්ද රටට සහ ඔබට කොහොමද?
2024 අප්‍රේල් මස 12 1783 0

ලෝකායන විද්‍යාව අනුව ලංකාවට අයත්වෙන්නේ කුම්භ ලග්නයයි. 2024 අලුත් අවුරුදු ආරම්භය සිදුවී එක් සූර්ය මාසයක් ගතවීමට පෙරාතුව මෙතෙක් පැවති ලංකාවේ ග්‍රහචාරය ද


අලුත් අවුරුද්ද සංස්කෘතිය අනාගතය
2024 අප්‍රේල් මස 11 175 0

සංස්කෘතික උත්සව යනු, ඕනෑම සංස්කෘතියක ඉතාම වැදගත් අංගයක් වේ. ඒ අනුව, අලු‍ත් අවුරුද්ද මෙරට සිංහල සහ දෙමළ ජනයාගේ සංස්කෘතික ජීවිතයේ ඉතාම වැදගත් අවස්ථාවකි.


අලුත් අවුරුද්දේ සැබෑ අරුත හඳුනාගෙන කටයුතු කරමු
2024 අප්‍රේල් මස 11 132 0

සිංහල–දෙමළ අලුත් අවුරුදු මහා සංස්කෘතික මංගල්‍යයට දින දෙකකි. සාමය, සමගිය, සතුට හා සෞභාග්‍යය කැටිව එන වසන්තය පිළිගැනීමට ගම් නියම්ගම් නගර ජනපද වෙනසකින් ත


දේශපාලනය අතීතයෙන් වර්තමානයට
2024 අප්‍රේල් මස 10 721 1

පාරම්පරික එක්සත් ජාතික පාක්ෂිකයන් මෙන්ම නව එක්සත් ජාතික පාක්ෂිකයන් ද මේ දිනවල දැඩි දෙගිඩියාවකට මුහුණ දී සිටින බව පෙනේ. ඒ, තමන් ප්‍රිය කරන එක්සත් ජාතික


පාතාලයට අවි සපයන්නන් අල්ලා දඬුවම් දිය නොහැකිද?
2024 අප්‍රේල් මස 10 252 0

පාතාලයන්ට මෙතරම් අවි කොහෙන් ද? මේ ඉකුත් සමයේ නිතර නිතර කතා බහට ලක්වූ මාතෘකාවකි. අන්ධයා අලියාගේ ස්වරූපය කියා පෑ හැටි සිහිපත් කෙරෙන උත්තර ඒවාට ලැබුණා මිස


ආර්ථිකය යුගයට ගැලපීම
2024 අප්‍රේල් මස 10 133 0

ණය ආපසු ගෙවීම නතරකර වසර දෙකක් ගත වී තිබේ. දරුණු අර්බුදයකට පත්ව තිබුණ ශ්‍රී ලංකාව තරමක් හිස ඔසවා සිටී. ඉන්ධන, විදුලිය සහ ගෑස් බාධාවකින් තොරව සැපයේ. ජනතාව ම


මේවාටත් කැමතිවනු ඇති

කුරුලෑ කරදරය සදහටම අවසන්! Himalaya Purifying Neem Face Wash අලුත් වෙනසක් සමග නැවතත් ශ්‍රී ලංකාවේ 2024 අප්‍රේල් මස 09 131 0
කුරුලෑ කරදරය සදහටම අවසන්! Himalaya Purifying Neem Face Wash අලුත් වෙනසක් සමග නැවතත් ශ්‍රී ලංකාවේ

ස්වභාවික ශාකසාර අඩංගු ආයුර්වේදයේ විශිෂ්ඨත්වය රැඳි personal care සහ රූපලාවණ්‍ය නිෂ්පාදන පෙළක් සමග ලොව පුරා ජනතා විශ්වාසයට පාත්‍ර වූ දැවැන්ත සමාගමක් වන Himalaya Wellness

ආදරයට ආදරෙන් ළංවෙන්න කියාදෙන කතාවක් Closeup #BreakTheBarriers 2024 මාර්තු මස 14 1399 0
ආදරයට ආදරෙන් ළංවෙන්න කියාදෙන කතාවක් Closeup #BreakTheBarriers

ආදරය යනු සියලු සීමාවන් ඉක්මවා යන විශ්වීය සංකල්පයකී. එයට හදවත් එකතු කිරීමේ අසීමිත බලයක් ඇත.සැබෑ ප්‍රේමයක් නිරන්තරයෙන් සියුම් ලෙස අප ආත්මයන් ස්පර්ෂ කරම

හලාල් කවුන්සිලය, ජාතික තත්ත්ව සම්මාන උළෙලේදී සම්මානයට පාත්‍ර වේ 2024 පෙබරවාරි මස 19 1339 2
හලාල් කවුන්සිලය, ජාතික තත්ත්ව සම්මාන උළෙලේදී සම්මානයට පාත්‍ර වේ

ශ්‍රී ලංකා ප්‍රමිති ආයතනය (SLSI) විසින් සංවිධානය කරන ලද, ශ්‍රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්

Our Group Site