(චාමිනි වික්රමසිංහ)
සබරගමුව පළාතේ රජයේ රෝහලකි. දෙහැවිරිදි දරුවකු සිය පියා සමඟ රෝහලට ගියේ ඇඟිල්ලේ වූ තුවාලයකට බෙහෙත් දමා ගැනීමටය.
දරුවා තුවාලයට බෙහෙත් දමන විට සිනාමුසු මුහුණින් සිටියේය.
තුවාලයට බෙහෙත් දැමූ හෙදිය ද පැවැසුවේ “අනේ, මේ බබා හරි හොඳයි. පොඞ්ඩක්වත් ඇඬුවේ නෑ” කියාය.
නිවසට පැමිණි විට දරුවාගේ තුවාලය ඒ ආකාරයෙන්ම තිබෙනු දැක මව්පියෝ විශ්මිත වූහ.
හෙදිය බෙහෙත් දමා ඇත්තේ වෙනත් ඇඟිල්ලකටය. නැවත රෝහලට ගොස් ඒ පිළිබඳව කළ විමසීමක දී හෙදිය නිවැරදි ඇඟිල්ලට බෙහෙත් දමා ඇත්තේ දරුවාගේ පියාට ද සද්දයක් දමමිනි.
COMMENTS
ඕක ගැන වැඩිය ප්රචාරය කරන්න එපා .හෙට ඉඳලා සෞඛ්ය අන්ස වල දීප ව්යාප්ත වැඩ වර්ජනයක් පටන් ගනියි.අහින්සක ලෙඩ්ඩු අමාරුවේ වැයෙයි.
හාස්ස්ය ගැබ්වුණ අපුරු පුවතක්.ඉදිරිපත් කිරීමද අලංකාරයි.සරල සුගම බස් වහරද සිත් ගන්නා සුළුයි.චිත්රයත් පසුබිමත් ඉතා අගෙයි.
හෙදියොයි , වෛද්ය වරුයි ඔහොම තමයි . මොකක් හරි වැරද්දක් පෙන්නලා දුන්නොත් මාරාවේශ වෙනවා .
මේ කාටුන් අඳින සිත්තරාගේ, චිත්රවල වර්ණ සංයෝගය හරිම අපූරුයි. අපේ අය හරිම කුහකයි. හොඳ දේට හොඳයි කියලා කියන්න වියදමක් යන්නේ නැහැනේ. මම නම් මේ කතා සමඟ පලවන චිත්ර අසාවෙන් බලනවා.
ඕක ඉතින් අද, ඊයේ වුණු දෙයක්ද? අනේ වම වෙනුවට දකුණු කකුල කපන දොස්තරලා ඉන්න රටනේ මේ. හැබැයි සයිටම් එපා... එතන අයට වැඩ බැහැ. එ්කනේ සල්ලි නැති කෙනෙක් වුණත් දේපළ විකුණලා හරි ඉන්දියාවට යන්නේ...