දරුවකුගෙ ලෙඩ බලන්න ගියාම හොරෙක් එළියට පැනලා

තම සමීප මිතුරකුගේ දරුවකු හදිසි අනතුරකට මුහුණ පෑ අවස්ථාවක ඔහු හමුවීමට එම නිවෙසට ගිය යහළුවකු මුහුණ පෑ අපූරු සිදුවීමක් පසුගියදා අනාවරණය වූයේ දකුණු පළාතේ ගම්මානයකිනි.

දරුවාගේ හදිසි අනතුර දැනගත් මිතුරා එම නිවෙසට දුරකතන ඇමතුම් කීපයක් දුන්නත් ප‍්‍රතිචාරයක් නොමැති නිසා තම යතුරුපැදියෙන් කඩිනමින් නිවෙසට ගොස් කතා කළත් නිවෙස තුළ කිසිවෙක් නොවීය. එහෙත් යතුරුපැදියක් නවතා තිබුණත් ඔහු ගේ පසුපසට ගිය විට දොර ඇර ඇති බව දැන යළි කතා කළේය. මොහොතකින් නිවෙස තුළ සිටි කිසිවකු දොරෙන් එළියට පැන යතුරුපැදියට නැග්ගේය.

මේ සොරකු බව වටහා ගත් මිතුරා එම යතුරුපැදියේ අංකය සටහන් කොටගෙන ගෙහිමි මිතුරාට ද දන්වා අංකය පොලිසියට ලබා දුන්නේය. අදාළ පොලිස් ස්ථානය දැන් මේ පිළිබඳව පරීක්‍ෂණ කරයි.

අදහස් (0)

දරුවකුගෙ ලෙඩ බලන්න ගියාම හොරෙක් එළියට පැනලා

පිටබැද්දර ජයා Wednesday, 20 January 2016 11:58 PM

අයියෝ කෝ මේ අපේ කට්ටිය? (නි)

: 0 0

පිටබැද්දර ජයා Wednesday, 20 January 2016 12:55 PM

හොරාත් ගෙට පැන්නේ ගෙදර මිනිසුන්ට කරදරයක් වුණ වෙලාවෙමනේ. ඉස්සර අපේ ගමේ හිටියා නමගිය හොරෙක්. කවදාවත් මිනිහා ගමේ ගෙදරකට පැන්නේ නැහැ. දැන් ඉන්න හොරු ළඟ නම් මනුස්සකම ගෑවිලාවත් නැහැ (නි)

: 0 0

වසන්ත Wednesday, 20 January 2016 07:34 AM

ඇති ඔයින් බේරුනා (නි)

: 0 0

රෙජි-සිඩ්නි Thursday, 21 January 2016 02:34 AM

ජයෝ, ඔයාගේ ගමේ හිටිය හොරාගේ නම කියන්න බයද? (නි)

: 0 0

හිරාන් Thursday, 21 January 2016 02:52 AM

දැන් දකුණේ දේවල්ම අහලා එපාවෙලා. (නි)

: 0 0

වික්‍රම Thursday, 21 January 2016 03:00 AM

ඉස්සර ජයාටයි මටයි නම් කවදාවත් හොරුන්ගෙන් කරදර වෙලා නැහැ (නි)

: 0 0

ගුණවර්ධන Thursday, 21 January 2016 08:22 PM

ලංකාවේ ඉන්න කාලේ හවසට ෆුට්බෝල් සෙල්ලම් කරලා කට්ටිය එක්ක එකතුවෙලා පිටියේ මැද වාඩිවෙලා අනංමනං කතා කර කර සිටින වෙලාවක හොරෙක්, හොරෙක් කියා බෙරිහන් දෙනවා අපිට ඇසුණා. ඉතින් අපි ඔක්කොම ඒ පැත්තට දුවන්න පටන් ගත්තා. තවත් අය අපි සමඟ එකතුවුණා. ඉතින් පැයක් විතර හෙව්වා. හම්බවුණේ නැහැ. නමුත් පසුව දැනගත්තා හොරාත් අපිට එකතුවෙලා අපි එක්කම දුවලා කියලා (නි)

: 0 0

දුල්මි Wednesday, 20 January 2016 05:14 AM

අම්මෝ යන්තන් ඇති මේ බයිසිකලේ නැගලා පැනලා ගියේ මහිලාවක් කියලා නැහැ. නැති නම් ඉතින් .....! (ම)

: 0 0