2024 ජුලි මස 27 වන සෙනසුරාදා
2024 ජුලි මස 27 වන සෙනසුරාදා
ඔහු රැුකියාව කළේ කොළඹ නගරයේය. ගම ගාල්ලේය. සතියේ දිනවල දී කොළඹ නැවතී රස්සාව කරන ඔහු සති අන්තයේ සිකුරාදා ගමට යයි.
ගමේ යාමට විශේෂ හේතුවක්ද තිබිණි. ඉදිරි වසරේ විවාහ වීමට අපේක්‍ෂාවෙන් සිටින තම පෙම්වතිය ගමේ සිටීම නිසාය. සිකුරාදා වනතුරු ඇඟිලි ගනිමින් සිටින ඔහු හැකි ඉක්මණින් මහරගමට පැමිණ අධිවේගී බසයකින් ගාල්ලට යන්නේ තම ගමනේ කාලය කෙටිවීම ගැන මහත් සතුටිනි.
මේ යන ගමනේ දී ඔහුගේ ජංගම දුරකථනයට නම් කිසිදු විවේකයක් නැත. ඔහු හැමදාමත් බසයට නගින්නේත් බසයෙන් බසින්නේත් දුරකථනය කනේ ගහගෙනය. අනෙක් පැත්තේ ඉන්නේ පෙම්වතියයි.
තොඳොල් බස් කතා කරමින් ආදර වදන් දොඩමින් කෙරෙන මේ කතා බහ කිසිවෙකුට ඇහෙන්නේද නැත. ඒ තවත් සිකුරාදා දිනයකි. මහරගමින් අධීවේගී මාර්ගයේ ගාල්ලට යන අවසන් බසය අල්ලා ගැනීමට කඩිනමින් මහරගමට පැමිණි ඔහු පිටත්වෙමින් තිබෙන බසයක් දුටුවේය. ඒ වනවිටත් ජංගම දුරකථනය ඔහුගේ දකුණු කනට බරවී තිබිණි. බසයේ සිටි සේවකයා ද සීට් තියෙනවා යැයි කියූ බැවින් ඔහු දිව ගොස් බසයේ එල්ලූණි. පිටත් වී තිබූ බසයේ නැගුණු ඔහු ”බස් එකට නැංගා” යැයි පෙම්වතියටත් කීවේය.
ඇය වේලාව බැලූවාය. තවත් පැය එකහමාරකින් ඔහු ගාල්ලෙන් බසින බව ඇය දනියි. දැන් බසය හැල්මේ ගමන් කරයි.
ඔහුත් ඇයත් දුරකථනයේය. ඔහුට මෙලෝ සිහියක් නැත. කොන්දොස්තර ඔහු අසලට පැමිණ ටිකට් කඩද්දී ඔහු 1000 නෝට්ටුවක් දික් කළේය. ඉතිරි මුදල දෙසවත් නොබැලූ ඔහු එය සාක්කුවේ රුවා ගත්තේය.
විනාඩියෙන් විනාඩිය ගෙවීගොස් පැයක් ගතවී ගියේය. බොහෝ දෙනෙකු නින්දේය.
”තාම ඔය බස් එක හයිවේ එකේද?” පෙම්වතිය අසයි. ඇය සිතා සිටින්නේ බසය දැන් ගාල්ලට පැමිණෙන්ට ඇතැයි කියාය. ගතවූ වේලාව අනුව ඇය නිවැරදිය.
කවුළුවෙන් පිටත බැලූ ඔහු ”නෑ. තවම හයිවේ එකේ. වහිනවානේ හෙමින් එන්නේ” කීවේය.
බසය නතර කැරිණි. ”හැමෝම බහින්න. ස්ටෑන්ඞ් එකට ආවා.” ඒ කොන්දොස්තරගේ හඬයි.
”ගාල්ලට ආවා” කියමින් ඔහු බසයේ දොර වෙත ගමන් කළේය.
බසයෙන් බැස්ස ද තැන නුහුරුය නුපුරුදුය. පුදුමයකි. ඔහු මාතරට පැමිණ ඇත. බසයේ නාමපුවරුවේ මහරගමxමාතර ලෙස සඳහන්ව ඇත.
දුරකථනයෙන් පෙම්වතිය අමතමින් පැමිණි ඔහු කලබලයට නැග ඇත්තේ මාතර බසයේය.
දැන් ගාලූ යන්නට බස් නැත.
අලූයම වනතුරු මාතර බස් නැවතුමේ රැුය පහන්කළ ඔහු මුලින්ම කොළඹ යන බසයේ නැග ගාල්ලෙන් බැස ගත්තේ මට මේවා හොඳ පාඩම් යැයි සිතමිනි.
හොරා කාපු එකාට ලු‍ණු පොල් කට්ටේ ඇඟිල්ල ඔබාගෙන හෝ උලා කෑමේ පුරුද්දක් ඇති බවට පැරණි කියමනක් සිහිපත් කරන අපූරු සිදුවීමක් කැබිතිගොල්ලෑව නගරයේ වෙෙළඳසලක්
කෙටි කෑම වෙ‍ළෙද සලට විජ්ජාවක් පෙන්නන්න හැදූ පකිස්තානුවාට ඊට වඩා ලොකු විජ්ජාවක් පෙන්වූ එම වෙළඳ සලේ තරුණයකු පිළිබඳ කතාවක් අම්බලන්ගොඩ බස් පොළෙන් අසන්නට
මිය ගිය රෝගියකුගේ, දේහය රැගෙන ඒමට අවමංගල රථයක් ගාල්ල කරාපිටිය රෝහලට රැගෙන ගොස් හිස් අතින් පැමිණි පිරිසක් ගැන දකුණේ ගමකින් අසන්නට ලැබිණි.. සිද්ධිය මෙසේ
ස්ථාන මාරුවී ගිය විශේෂඥ වෛද්‍යවරයා වෙනුවෙන් කරන්නට දෙවියන් දුන් උපකාරයෙන් අලි අමාරුවක වැටුණු දුෂ්කර ප්‍රදේශයක රෝහලක් ඉදිරිපිට වෙළඳසල් හිමියකු පිළි
පියාගේ පාදයක ඇතිවූ අස්ථි බිදීමකට බඳින්නට සාදන ලද බෙහෙත් මැල්ලු‍ම සහ නිවසේ ආහාරයට පිසින ලද පලා මැල්ලු‍ම මාරුවී අනුභව කිරීමෙන් අකරතැබ්බයකට මුහුණ පෑමට
කිසිවකුත් ගෙන නොයන අපූරු තෑග්ගක් බණ ගෙදරකට ගෙනගිය පුද්ගලයකු පිළිබඳ අමුතුම කතාවක් දකුණු පළාතේ ප්‍රසිද්ධ නගරයකින් පසුගියදා අසන්නට ලැබුණි. පිරිමි දරුව
2024 ජුලි මස 23
167
0
ශ්රී ලංකා ඉන්ෂුවරන්ස් ලයිෆ් සහ ජෙනරල්, ආපදා කළමනාකරණ මධ්‍යස්ථානය සමඟ එක්ව පසුගියදා ඇති වූ ගංවතුර තත්ත්වය හේතුවෙන් ගම්පහ, රත්නපුර සහ මාතර දිස්ත‍්‍ර
වැලිබල් ෆිනෑන්ස් ගෙවුණු වසර 17ක කාලය පුරාවට ශ්රී ලංකාවේ මූල්‍ය ආයතනයන් අතර ප‍්‍රමුඛස්ථානයක් හිමි කර ගනිමින් 2023/24 මූල්‍ය වර්ෂයේදී සිය මූල්‍ය විශිෂ්ටත
2024 ජුනි මස 20
1154
1
බුදුරජාණන්වහන්සේගේ, ශිව දෙවියන්ගේ, ආදම්ගේ සහ ශාන්ත තෝමස් අපෝස්තුළුතුමාගේ පා සටහන යනාදී වශයෙන් විවිධ ආගමික සම්ප්‍රදායන් මුල් කරගනිමින් ශ්රී පාද ස්ථ
දුරකථනයෙන් පෙම් බස් දොඩමින් ගාලූ යන්න මාතර බසයක නැඟලා
කෝලිත Tuesday, 05 May 2015 02:20 PM
පුදුම ප්‍රේමයක්නේ! (නි)
නුවන් Tuesday, 05 May 2015 07:14 AM
ඇයි කතරගම ඉඳලා එන ඒවාවත් තිබිලා නැද්ද? (නි)
නිමල් Wednesday, 06 May 2015 06:14 AM
එක අතකට හොඳ වැඩේ (නි)
සරත් Tuesday, 05 May 2015 03:52 PM
"ආලයෙන් මන සුන්දර වේ ලංකෘත වේ.." (නි)
උමේෂ් Tuesday, 05 May 2015 08:40 AM
විශ්වාස කරන්න අමාරුයි. දැන් මැදියම් රාත්‍රී වෙනකන් බස් තිබෙනවා. මාතර නෙවෙයි මන්නාරමට ගිහිල්ලා නම් ඔන්න ඕක විශ්වාස කරන්න තිබුණා (බ)
ඉනෝකා එංගලන්තය Tuesday, 05 May 2015 09:02 AM
මෙය කියවනකොට මගේ දුව සහ දුවගේ පෙම්වතාව මතක් වුනා.(හේ)
ඉනෝකා Tuesday, 05 May 2015 09:02 AM
හොද වැඩේ සිහියක් නැතුව ගමන් යනවට.(හේ)
සුපුන් Thursday, 07 May 2015 03:25 AM
මාතරින් කොලඹට යන්න ඕනි තරම් බස් තියෙනවා (නදී)
තේජාන්විත Tuesday, 05 May 2015 09:35 AM
සමන් මෙය බදින්නේ එයාව නෙමෙයි වෙන කෙනෙක්ව . එතකොට මතක් කරගෙන හිනාවෙන්න වෙන්නනේ තනියෙම තමයි. (ම)
කුමාරි Monday, 11 May 2015 08:26 AM
සමහරු හයිවේ බස් එකක ගිහිල්ලා නැහැ වගේ (නි)
තනුර Tuesday, 05 May 2015 10:15 PM
අනේ කාලේ වනේ වාසේ! (නි)
ගුණවර්ධන Thursday, 07 May 2015 03:44 PM
චින්තක කියනවා වගේ මමත් හිතන්නේ මේක බොරුවක් බස්සෙකට නැගල ටිකට් ගන්න වෙලාවට කියනවා නේද කොහෙන්ද බහින්නේ , කොහාටද යන්නේ කියල (බ)
කිත්සිරි Wednesday, 06 May 2015 01:44 PM
ආලය අන්ධය (නි)
තත්සර Wednesday, 06 May 2015 01:43 PM
මල්ලිට රෑ හොඳට නින්ද යන්න ඇති (නි)
කුමාර Wednesday, 06 May 2015 01:44 PM
අනේ මෙහෙම සිහියක්? (නි)
තිළිණි Wednesday, 06 May 2015 01:43 PM
මෙහෙමත් පිස්සෝ! (නි)
තරංග Wednesday, 06 May 2015 01:43 PM
අයියෝ පවු! (නි)
චින්තක Tuesday, 05 May 2015 04:45 AM
මේක නිකම් බොරුවක්නේ...ඔය රෑ දුර බස් එකක්වත් ආවේ නැත්ද ගාල්ලට යන්න. කතරගම, තංගල්ල, හම්බන්තොට, වගේ බස් ඕනේ තරම් එනවනේ..(බ)
රෙජි-සිඩ්නි Tuesday, 05 May 2015 04:57 AM
පෙම්වන්තියට ඔයතරම් ආදරේ නම් කීයක්හරි ගෙවලා කුලී රථයක් අරගෙන ආපහු ගාල්ලට යන්න තිබුනනේ. (නි)
පිටබැද්දර ජයා Tuesday, 05 May 2015 12:21 PM
කතාව බොරු උනත් ඇත්ත උනත් මේ වගේ කටු කන කොට තමයි ආදරේ සුන්දර වෙන්නේ , ජිවිත කාලෙම මතක් කර කර හිනාවෙන පුළුවන් දරු මුනුපුරොත් එක්කම (බ)
දුමින්ද Tuesday, 05 May 2015 05:10 AM
ආලය අන්ද -මන්දවේ (නි)
කුමාරි Tuesday, 05 May 2015 05:17 AM
ආලය අන්ධයි කියන්නේ ඕකනේ. (නි)
කළුවිතාන Thursday, 07 May 2015 11:34 PM
අනේ අප්පොච්චියේ වෙලා තියෙන දේ? (නි)
ටියුඩර් Tuesday, 05 May 2015 05:39 AM
අනේ අපොයි මල්ලියේ! (නි)
සෙන්සාන් Tuesday, 05 May 2015 01:21 PM
හොඳ වැඩේ! (නි)
දිමුත් Tuesday, 05 May 2015 05:57 AM
අනේ අනිච්චං! (නි)
සමන් වසන්ත Tuesday, 05 May 2015 06:20 AM
මෙහෙම දේවල් වෙන්නත් ඕනෑ. එතකොට දෙන්නා බැඳපු කාලෙක මතක්කරලා හිනාවෙන්න බැරියැ (නි)
පියසේන Tuesday, 05 May 2015 06:45 AM
නියම වැඩේ වෙලා තියෙන්නේ (නි)
Wimalasiri Fernando Monday, 04 September 2017 07:32 PM
1995ත් 2007ත් ඇතුලත කාලය තුල දෙයියෝ සාක්කි කොලමේ පලවුනා මාතර ප්‍රදේශයේ එක්තරා සිදුවීමක්. මට ඒ පුවත නැවත බලන්න පුලුවන් කෙසේද?