IMG-LOGO

ගනුදෙනුකරුවන්ගේ වදෙන් බේරෙන්න මුදලාලි ‘නිරෝධායන’ පුවරුවක් ගහගෙන

(මීරිගම විශේෂ පුෂ්පකුමාර මල්ලවආරච්චි)
ගනුදෙනුකරුවන්ගේ ඉවක් බවක් නැති කරදරයෙන් බේරෙන්නට තමන් නිරෝධායනය වන බව සඳහන් පුවරුවක් ව්‍යාපාරික ස්ථානයේ සවි කර නිවසට වී කල්ගත කළ ප්‍රමුඛ පෙළේ කාර්මිකයකු පිළිබඳව පසුගියදා බස්නාහිර පළාතේ ගම්මානයකින් වාර්තා විය.


කොරෝනා උවදුර වැඩිවීමත් සමග තම ආයතනයට එන අය පාලනය කිරීම සම්බන්ධයෙන් මහත් ගැටලුවකට මුහුණ පාන්නට වීම නිසා මේ කාර්මිකයා දින දෙක තුනක් ව්‍යාපාරික ස්ථානය වසා නිවසට වී කල් ගත කරන්නට තීරණය කරන ලද්දේ තම දරුවන්ගේ ආරක්ෂාව සැලසීම අරමුණු කර ගනිමිනි.


පළමු දිනය හෝ ඔහුට නිවසේ නිවිහැනහිල්ලේ ගත කරන්නට අවස්ථාව ලැබුණේ නැත. ව්‍යාපාරික ස්ථානය වසා ඇති නිසා සේවාලාභීන් නිවසට පැමිණෙන්නට වීමෙන් ඔහුගේ සිතුවිලි බිඳ වැටිණි. ඔහුගේ මවගෙන්ද මේ ගැන එල්ලවූයේ තදබල විරෝධයකි.
ඔහු වහාම ව්‍යාපාරික ස්ථානය කරා ගියේය. දොරගුළු සියල්ල නිසි පරිදි වසා ඇද්දැයි පරීක්ෂා කර බැලුවේය. ගේට්ටුව වසා දමා එහි දැන්වීමක් එල්ලුවේය. ‘‘මම නිරෝධායනයට ලක්වෙමි’’ ඔහුගේ දැන්වීමේ සටහන්ව තිබිණි. ජයග්‍රාහී සිනහවකින් යුතුව නිවස කරා ගියේය.


දිනක් දෙකක් ගතවිය. කිසිවකු හෝ නිවසට පැමිණ කරදර කළේ නැත. ඔහු ජය ගත්තේය. කොස් පොලොස් කමින් හෝ සතියක් දෙකක් මෙසේ නිවසට වී ආරක්ෂිතව කල් ගත කරන්නට තමන් තීරණය කර ඇතැයි ද දන්නා අය මෙන්ම නොදන්නා පුද්ගලයන්ද තම සේවය ලබා ගැනීමට පැමිණෙන බවත් එය ඉතා භයානක බවත් මේ තත්ත්වය නිසා මේ පියවර ගත් බව ඔහු හිතවතකු හා පැවසුවේ මේ අවස්ථාවේ වෙන කළ හැකි දෙයක් නැති බව සිහිපත් කරමිනි.


තමන් ආරක්ෂාව උදෙසා බොරුවක් කළ නමුත් තමන්ගේ තත්ත්වය ගැන විමසා බලන්නට එක ඇමතුමක් හෝ දෙන්නට කිසිවකු කටයුතු නොකළ බව ඔහු සඳහන් කළේ කනගාටුවෙනි.

 



අදහස් (0)

ගනුදෙනුකරුවන්ගේ වදෙන් බේරෙන්න මුදලාලි ‘නිරෝධායන’ පුවරුවක් ගහගෙන

ඔබේ අදහස් එවන්න

 

 
 

මේවාටත් කැමතිවනු ඇති

ක්ලීන්ටෙක් ආයතනය, DEI Championship සම්මාන උළෙලේ දී තම විශිෂ්ටත්වය තහවුරු කරයි. 2025 අගෝස්තු මස 30 14 0
ක්ලීන්ටෙක් ආයතනය, DEI Championship සම්මාන උළෙලේ දී තම විශිෂ්ටත්වය තහවුරු කරයි.

ශ්‍රී ලංකාවේ ප්‍රමුඛතම නාගරික අපද්‍රව්‍ය කළමනාකරණ සේවා සපයන්නා වන Abans සමූහයේ තිරසාර අංශය ද වන ක්ලීන්ටෙක් පුද්ගලික සමාගම, SCOPE වැඩසටහන යටතේ, ශ්‍රී ලංකා වා

බ්‍රවුන්ස් EV දැරිය හැකි මිලකට සුවපහසු විද්‍යුත් මෝටර් රථයක හිමිකාරිත්වයෙන් ඔබේ වාහන සිහිනය සැබෑකරදීමට පෙරමුණ ගනී. 2025 අගෝස්තු මස 22 15434 5
බ්‍රවුන්ස් EV දැරිය හැකි මිලකට සුවපහසු විද්‍යුත් මෝටර් රථයක හිමිකාරිත්වයෙන් ඔබේ වාහන සිහිනය සැබෑකරදීමට පෙරමුණ ගනී.

සියවස් එකහමාරක් පුරා විහිදුනු ‘විශ්වාසයේ උරුමය’ තුළින් බ්‍රවුන් සහ සමාගම දශක ගණනාවක් තිස්සේ දේශීය මෝටර් රථ ක්ෂේත්‍රය හැඩගැස්සවූ බව ඔබ දන්නා සත්‍යයක

සියපත ෆිනෑන්ස් නවතම ශාඛාව ඵෙතිහාසික මහියංගනය නගරයට 2025 අගෝස්තු මස 21 524 0
සියපත ෆිනෑන්ස් නවතම ශාඛාව ඵෙතිහාසික මහියංගනය නගරයට

ශ්‍රී ලංකාවේ ප‍්‍රමුඛතම මූල්‍ය සමාගමක් වන සියපත ෆිනෑන්ස් පීඑල්සී දීප ව්‍යාප්ත ශාඛා ජාලයේ 56 වැනි ශාඛාව පසුගියදා මහියංගනය නගරයේදී විවෘත කෙරිණ. පුරාණ ශ්

Our Group Site