දිගු කලක සිට ඇසුරු කරන පෙම්වතාගේ යතුරුපැදියෙන් පෙම්වතිය උදේ වැඩට ගොස් සවස වැඩ ඇරී ගෙදර එන්නීය. හරියට දෙන්නාම කුරුල්ලයි කිරිල්ලියි වගේලූ. ඒ මෑතදී කැදැල්ල කැඩුනාලූ. ඇය යතුරුපැදියේ යන්නේ තනියමලූ. අසල්වැසියන්ගෙන් ඔවුන්ගේ පේ‍්‍රම සබඳතාවයට බාධා තිබී නැත. ඒ නිසා දෙදෙනාම ළඟදීම යුග දිවියට ඇතුළු වීමට දින ගණන් කරමින් සිටියාලූ.
පෙම්වතා දිනපතාම තම යතුරුපැදියෙන් ඇය රැකියාව කරන තැනට ගෙන ගොස් දමා වැඩට යන්නේය. වෙනදා මෙන් වැඩට ගිය පෙම්වතිය ඔහු හමුවීමට පසුදින නොපැමිණි නිසා පෙම්වතා ඒ ගැන සොයා බැලීය. ඇගේ ජංගමේ ද ගොළුවී ඇත. පෙම්වතා දහ අතේ කල්පනා කළේය. පෙම්වතියගේ නිවසින් ද විමසූ විට දුවට මොකද වුණේ කියලා අපි මේ ඔයාගෙන් අහන්න හිටියේ. කරදරයක් වෙලාද දන්නේ නෑ. එහෙනම් සොයමු කියා දෙපිරිසම එක්වී සොයා බලද්දී ඇය වැඩ කරන ස්ථානයේම තරුණයෙක් සමග ගිහින්ලූ. පරණ පෙම්වතාට හොඳ බූට් පාරක් දීලාලූ. කලබලයට පත්නොවූ උගත් පෙම්වතා උඹට එපානම් මට දහස් වරක් එපා යැයි කියමින් මිදි තිත්ත කතාව කාටත් කියා සැනැසෙනවාලූ.