2025 නොවැම්බර් මස 29 වන සෙනසුරාදා
(පුෂ්පකුමාර මල්ලවආරච්චි)
මීරිගම හාපිටිගම් අධ්‍යාපන විද්‍යාපීඨයේ පාඨමාලා ආරම්භ කර ගත වූ ගත වූ සතිය තුළදී ගුරු සිසුවියන් පනහකට ආසන්න පිරිසක් කොරෝනා ආසාදිත ව ප්‍රතිකාර සඳහා යොමු කර ඇතැයි විද්‍යාපීඨ ආරංචි මාර්ග අද (21) සවස හෙළි කළේය.
විද්‍යාපීඨයේ පාඨමාලා ඉකුත් 15 වැනි දා ආරම්භ කෙරුණු අතර තෙදිනකට පෙර ගුරු සිසුවියන් දෙනෙකු කොරෝනා ආසාදිත බව හෙළි වී ඇත.
අනතුරුව ඊයේ 20 සිදුකෙරුණු ඇන්ටිජන් පරීක්ෂණවලදී ගුරු සිසුවියන් 38 දෙනෙකු කොරෝනා ආසාදිත බව හෙළි වී ඇති අතර අද දිනයේ ද තවත් 6 දෙනෙකු කොරෝනා ආසාදිත බව අනාවරණය වී ඇතැයි ආරංචි මාර්ග පවසයි.
අම්පාර ප්‍රදේශයේ සිට පැමිණි ගුරු සිසුවියකගෙන් වැඩි පිරිසකට රෝගය බෝවී ඇතැයි සැක කෙරෙන අතර තවත් අය රෝගී වූ ආකාරය අනාවරණය වී නැති බවද වාර්තා වේ.
ගුරු සිසුවියන් සියයකට ආසන්න පිරිසක් නිරෝධායනයට ලක් කර ඇති බව ද ආසාදිත වූවෝ සීදුව අන්තර් ප්‍රතිකාර මධ්‍යස්ථානයට ඇතුළත් කර ඇතැයි ද විද්‍යාපීඨ ආරංචි මාර්ග හෙළි කළේය.
විද්‍යාපීඨය පුරා පැතිර යන්නේ ඔමික්‍රෝන් ප්‍රභේදයේ දැයි සැක කරන බවද සෞඛ්‍ය ආරංචි මාර්ග සදහන් කලේය.
මේ සම්බන්ධව මීරිගම මහජන සෞඛ්‍ය පරීක්ෂක නිශාන්ත සෝමරත්න මහතාගෙන් කළ විමසීමේදී ඒ මහතා සඳහන් කළේ ආසාදිත බව හෙළිවී ඇති ගුරු සිසුවියන් අන්තර් ප්‍රතිකාර මධ්‍යස්ථාන කරා යොමු කර ඇති බවය.
එමෙන්ම ආශ්‍රිතයින් නිරෝධායනයට යොමුකර ඇති බවත් රෝගී වූවන් ට අවශ්‍ය ප්‍රතිකාර ලබා දීමටත් ආශ්‍රිතයන් නිරෝධායනයට ලක් කිරීමටත් පියවර ගෙන ඇති හෙයින් අනිසි බියක් ඇති කරගත යුතු නැතැයිද ඒ මහතා සඳහන් කළේය.
2025 නොවැම්බර් මස 21
206
1
ශ‍්‍රී ලංකා ඉන්ෂුවරන්ස් ලයිෆ් හි විකුණුම් කණ්ඩායම විකුණුම් වෘත්තිකයන් ලෙස විශිෂ්ටත්වය කරා යන ගමනේදී ඔවුන්ගේ උනන්දුව සහ කැපවීම වෙනුවෙන් 2025 ශ‍්‍රී ලංක
2025 නොවැම්බර් මස 17
262
0
දවසින් දවස අපි හැමෝගෙම ජීවිත හිතාගන්න බැරි තරම් කාර්යබහුල වෙනවා! ඒ busy life එක අස්සේ shopping කරනවා කියන්නේ තවත් ලොකු කාර්‍යභාරයක් නේද? හවසට වැඩ ඇරිලා ගෙදර යන ගම
2025 නොවැම්බර් මස 04
1165
0
2021 බ්ලූ ප්ලැනට්(Blue Planet) ත්‍යාගලාභී සහ 2007 සාම නොබෙල් ත්‍යාගයේ සම-ජයග්‍රාහක මහාචාර්ය මොහාන් මුණසිංහ මහතා මෑතකදී 2025 ඔක්තෝබර් 18-21 දිනවල චීනයේ ඉහළ මට්ටමේ ටියැන්
මීරිගම විද්‍යා පීඨයේ ගුරු-සිසුවියන් 50 කට කොවිඩ්
Krishan Friday, 21 January 2022 11:34 PM
ඔය තත්වයම තමයි නිල්වලා විද්‍යාපිඨයෙත් 40කට වැඩි පිරිසක් අකුරැස්ස රෝහලට අද ඇතුල්කලා සමහරුන්ට සේලයින් පවා දිම ආරම්භ කලා
ජනක් Saturday, 22 January 2022 08:39 AM
නේවාසිකව ඉන්නේ මේ ළමයි, ඉතින් ඒ වගේ ඒවා ආරම්භ කරලා කරන්නේ බොරුවක්, ඔන්ලයින් අධ්‍යාපනය දෙන්න තිබුණා වැඩිහිටි අය නිසා... පව් මේ ළමයි..
Sharaz niwethika Saturday, 22 January 2022 10:50 AM
හාපිටිගම විද්‍යා පීඨයේ පමණක් නොවේ. මේ වනවිටත් සියලු විද්‍යා පීඨවල කොරෝනා වසංගත තත්වය පැතිරිලා. අභ්‍යන්තරය මගින් තොරතුරු පිටතට යාම වළක්වා ඇත. pcr පරීක්ෂණ සිදු කරන්නෙත් අමාරු කට්ටියට විතරයි. ඒ ඔක්කොම පොසිටිව් වෙනවා. ඔක්කෝටම එකටම කරන්නේ නැහැ. එහෙම කලොත් හුඟාක් පොසිටිව් කියලා වාර්තා පිටට යයි කියලා බයේ. දැන් මේ පිළිබඳව වගකීමක් ගන්න කවුරුත් නෑ. අඩුම වශයෙන් පීඨාධිපතිවරුන් වත් මේ පිළිබඳව වගකීමක් ගන්නේ නැහැ. මේ ළමයි බලෙන් ඇවිත් හොස්ටල් ගතවෙලා රෝගය හදා ගත්තා වගෙයි සලකන්නේ... මේ තරුණ ජීවිත මේ මොහොතේ දී අසරණයි. බලධාරීන්ගේ මෝඩ තීරණ වලට වග කියන්න වෙලා තියෙන්නේ මේ ළමයින්ට... කරුණාකරලා මේ පිළිබඳව බලධාරීන් හා සමාජය දැනුවත් කරන්න.
WineeSaturday, 22 January 2022 02:56 PM
විද්‍යා පීඨ පරිපාලකයින් ගැන නම් කතාකරලා වැඩක් නෑ. කබරහම් තියෙන හිපාටුවන්, මේ ළමයි ගැන පුළුවන් තරම් සමාජය දැනුවත් කරන්න ඕනෑ.
Sharaz niwethika Saturday, 22 January 2022 10:55 AM
මේ වනවිටත් සියලු විද්‍යා පීඨවල කොරෝනා වසංගත තත්වය ව්‍යාප්ත වෙලා තියෙන්නේ... වගකීමක් ගන්න කවුරුත් නෑ. තොරතුරු පිටට යන එකත් වළක්වලා තියෙන්නේ.
විහඟ සිල්වා Saturday, 22 January 2022 01:23 PM
අපි දැනුවත්ව බොහෝ විද්‍යාපීඨ කොරෝනා ප්‍රතිකාර මධ්‍යස්ථාන විදියට ගත්තා. ඒ වුණාට ඒ වගේ හරියට විෂබීජ හරණයක්වත් වුනේ නෑ ආරංචි විදියට... කොටින්ම කොරෝනා ලෙඩ්ඩු පාවිච්චි කරපු මෙට්ට තමයි ළමයින්ටත් දුන්නේ... සමහර විද්‍යා පීඨවල නම් මෙට්ටේ උඩින් රෙක්සින් කවර දැම්මා. සමහර ඒවගේ ඒමත් නෑ. මේවා කරන්න තිබුණේ ඔක්කොම විෂබීජ හරණය කරලා ළමයි ඔක්කෝටම බූස්ටර් වැක්සීන් එක දීලා ඇතුළට ගන්න කලින් ළමයින්ටයි, ස්ටාෆ් එකටයි ඇන්ටිජන් එකක් කරලා ජෛව බුබුළක් විදියට පවත්වාගෙන යන්න තිබුණා. කෝමත් විද්‍යාපීඨවල ළමයින්ට ඉස්සර ඉඳන්ම එළියට යන්න තහනම් එකේ හොඳටම කරන්න තිබුණා. ඒත් මේ කරපු වැඩෙන් දැන් විද්‍යාපීඨවල කොරෝනා වසංගතයක් වගේ ව්‍යාප්ත වෙනවා. මේ තොරතුරු පිටට දෙන්න එපා කියලා පිටට දුන්නොත් විනය ක්‍රියාමාර්ග ගන්නවා කියලා ළමයින්ව බය කරලා තියෙන්නේ...
Sethul Saturday, 22 January 2022 03:41 PM
අපි දන්නවා ඕවායේ හැටි, පිස්සු වැඩකරන අය ඉන්නේ... මේ ගැන පුළුවන් තරම් ප්‍රචාරය කරලා මේ සිසුන්ට පිහිට වෙන්න ඕනෑ එහෙමවත්...
Sriland Saturday, 22 January 2022 05:11 PM
ඒ වුණාට ඔය කියන ළමයි 50 ම ඔතන ඉගෙන ගන්නවා කිසිම හෙණයක්වත් නැතිව. ඕකට කොරෝනා කියලා නම දාගෙන මුදල් ගැරුවට ඇත්තටම ළමයින්ට සෙම ටිකක් වැඩියි අනිත් ළමයින්ට වැඩිය..