(පී.එස්.මද්දුමගේ)

කරාපිටිය රෝහලේ ප්‍රතිකාර ලබමින් සිටියදී මිය ගිය කාන්තාවකගේ සිරුරක් නිවසට ගෙන ඒමට කටයුතු සූදානම් කර තිබියදී ලැබුණු පි.සී.ආර්. පරීක්ෂණයෙන් කොවිඩ් ආසාදිත බවට   තහවුරු වීම නිසා කොරෝනා නීති යටතේ ආදාහනය කිරීමට රෝහල් කාර්‍ය්‍ය මණ්ඩලය පියවර ගත් බව මුලටියන සෞඛ්‍ය වෛද්‍ය නිළධාරී කාර්යාලයේ නිළධාරියෙක් පවසයි.

රෝගියා මිය යාමෙන් පසු රෝහලේ දී සිදු කළ ඇන්ටිජන් පරීක්ෂණයේදී කොරෝනා ආසාදනය වී නැති බවට සදහන් වීම නිසා, මෘත දේහය ඥාතීන්ට බාර දීමට පියවර ගෙන ඇත.

රෝගියා රෝහලට බාර දෙන අවස්ථාවේ සිදුකර තිබූ පී.සී.ආර් පරීක්ෂණ වාර්තා ඉන් අනතුරුව ලැබූ තිබුණු අතර එම වාර්තාවට අනුව කොරෝනා ආසාදිතව තිබූ බව තහවුරු වූ බව සෞඛ්‍ය වෛද්‍ය කාර්යාලය කියයි

මියගිය කාන්තාවගේ නිවසේ සිටි දියණියකට සහ ඥාති දියණිකට ද කෙරෝනා ආසාදිත බවට රැපිඩ් ඇන්ටිජන් පරීක්ෂණයෙන් හදුනාගෙන ඇත.

මුලටියන සෞඛ්‍ය වෛද්‍ය නිළධාරී කොට්ඨාසයේ රන්සෑගොඩ ගමෙන් කෙරෝනා ආසාදිතයින් හතර දෙනකු වාර්තා වී ඇති බවද පරිපාලන මහජන සෞඛ්‍ය පරීක්ෂක ජේ.එල්.නන්දසිරි මහතා පැවැසීය.