( ගම්පහ තිලකරත්න දිසානායක)

ගම්පහ මහ නගර සභාවේ කාර්ය මණ්ඩලයේ කිහිප දෙනකුට කොරෝනා ආසාදිතයින් බවට තහවුරුවීමත් සමග ජනතාවට නගර සභා පරිශ්‍රයට ඇතුලුවීම නතර කළ බව පුරපති එරංග සේනානායක මහතා පවසයි.

නගර සභා පරිශ්‍රයට ජනතාවට ඇතුලුවීම නතර කොට ඇති නමුත් වරිපනම් බදු සහ කඩ කුලී ආදී ගෙවීම් කටයුතු සිදු කිරීම සහ අත්‍යාවශ්‍ය සේවාවන් ඉටුකර ගැනීම පිනිස වැඩපිළිවෙළක් සකස් කොට ඇති බවද පුරපතිවරයා කියයි.

බදු ගෙවීම් ඇතුලු අත්‍යාවශ්‍ය කටයුතු ඉටුකර දීම පිනිස නගර සභාව ඉදිරිපිට කාර්ය මණ්ඩලයේ පිරිසක් යොදවා ඇති බවද හෙතෙම සඳහන් කරයි.