එසැණ පුවත්

කොරෝනා වයිරසයෙන් මිය ගිය ගණන 15,000 පනී

ගෝලීය වසංගතයක් බවට ප්‍රකාශයට පත් කර තිබෙන නව කොරෝනා වයිරසය හේතුවෙන් අද (23) පස්වරුව වනවිට ලොව පුරා මියගිය ගණන 15,000 ඉක්මවා ගියේය.

23 March 2020

මත්ද්‍රව්‍ය ළඟ තබාගැනීම් ඇතුළු වැරදි සම්බන්ධයෙන් 791ක් දැලේ

ගංජා සහ හොරොයින් ළඟ තබා ගැනීම් ඇතුලූ විවිධ වැරදි සම්බන්ධයෙන් පුද්ගලයින් 791 දෙනෙකු දිවයිනේ විවිධ ප‍්‍රදේශවලින් සැකපිට අත්අඩංගුවට ගෙන ඇතැයි පොලිස් මාධ්‍ය ප‍්‍රකාශක පොලිස් අධිකාරී නිතීඥ ජාලිය සේනාරත්න මහතා අද (23) පැවසීය.

23 March 2020

වයඹ පළාතෙන් ආසාදිතයන් 6යි

වයඹ පළාතේ මේවනවිට කොවිඩ් 19 ආසාධිතයන් 6 දෙනෙකු වාර්තා වී ඇති බව වයඹ පළාත් ප්‍රජා සෞඛ්‍ය විශේෂඥ වෛද්‍ය ඉන්දික පතිරාජ මහතා පැවසීය.

23 March 2020

රත්තොට වැඩිහිටි දීමනා නිවාසවලටම ඇවිත් දෙයි

පවත්නා වාතාවරණය මත තැපැල් කාර්යාල මගින් වැඩිහිටි දීමනා ගෙවීමේ අපහසුතාව මත අදාළ දීමනා ග්‍රාම නිලධාරින් මගින් ගෙවීමට රජය ගත් තීරණය අනුව රත්තොට ප්‍රාදේශීය ලේකම් කාර්යාලයේ නිලධාරීහු ඒ සදහා අවශ්‍ය කටයුතු අද(23) සම්පාදනය කළහ.

23 March 2020

මඩකලපුවෙන් - වැලිකන්දෙන් තවත් නිරෝධායන මධ්‍යස්ථාන දෙකක්

මඩකලපුව පුනානි ප්‍රදේශයේ පිහිටි ඇඟලුම් කර්මාන්ත ශාලාවක ගොඩනැගිල්ලක් තුළ කොරෝනා නිරෝධායන මධ්‍යස්ථානයක් ස්ථාපිත කිරීමට සිවිල් ආරක්ෂක නිලධාරීන් කටයුතු කර තිබිණ.

23 March 2020

කඩුවෙල වැසියන්ට වියළි සලාක නිවසටම සපයයි

කඩුවෙල මහ නගර සභා බල ප‍්‍රදේශයේ පදිංචි ජනතාවට අවශ්‍ය අත්‍යවශ වියළි ආහාර ද්‍රව්‍ය නිවසටම ලබා දීම් සේවාවක් ආරම්භ කළ බව කඩුවෙල මහ නගර සභාවේ නගාරාධිපති බුද්ධික ජයවිලාල් මහතා පවසයි.

23 March 2020

දෙනියාය රෝහලේ කාර්ය මණ්ඩලය නේවාසික ස්ථානවලින් එළවාදමති

රටේ පැතිර යන කොරෝනා වයිරසය හේතුවෙන් දෙනියාය මූලික රෝහලේ කාර්ය මණ්ඩල නේවාසිකව සිටි ඇතැම් පෞද්ගලික කුලී නිවාස හිමිකරුවන් ඔවුන්ට තවදුරටත් එම ස්ථානවල රැඳී සිටීමට ඉඩ කඩ ලබාදීමට අකමැත්ත පළකර සිටි හෙයින් එම කාර්ය මණ්ඩලය දැඩි අසීරුතාවයකට පත්ව ඇතැයි කොටපොළ ප්‍රාදේශීය සභාවේ සභාපති දයානන්ද අබේවික්‍රම මහතා අද (23) පැවසීය.

23 March 2020

කරාපිටියේ රෝහලේ කොරෝනා යැයි සැක රෝගීන් තිදෙනයි

කරාපිටිය ශික්ෂණ රෝහලේ කොරෝනා බවට සැක සහිත රෝගීන් රඳවා සිටින විශේෂිත වාට්ටුවේ අද (23) සවස වන විට වෛද්‍ය අධීක්ෂණය යටතේ නේවාසික ව ප්‍රතිකාර ලබන්නේ රෝගීන් තිදෙනෙකු පමණක් බව එම රෝහලේ ප්‍රකාශකයෙක් පැවසීය.

23 March 2020

රාජ්‍ය යාන්ත්‍රණය අකර්මන්‍ය නොවීමට ආයතන ප්‍රධානීන්ට උපදෙස්

කොරෝනා වසංගතය රට තුළ ව්‍යාප්තවීම පාලනය කරන අතර රාජ්‍ය යාන්ත්‍රණය අකර්මන්‍යනොවී පවත්වාගෙන යාමට අනුගමනය කළ යුතු උපදෙස් සමූහයක් රජය විසින් රාජ්‍ය ආයතන ප්‍රධානීන්ට නිකුත් කර ඇතැයි ජනාධිපති මාධ්‍ය අංශය පවසයි.

23 March 2020

ලොව පුරා කොරෝනා රෝගීන් 336,000යි

කෝවිඩ්-19 හෙවත් නව කොරෝනා වයිරසයේ ගෝලීය බලපෑම (අද (23) පස්වරු 4.45 වනවිට) මෙසේය.

23 March 2020

අඹගමුවේ නිරෝධායනයට යොමු වූ පවුල් 67කට නොමිලේ වියළි සලාක

අඹගමුව ප්‍රාදේශීය ලේකම් කොට්ඨාසයේ වයිරසය හේතුවෙන් නිරෝධානයට යොමු කළ පවුල් 67 ක් සඳහා නොමිලේ වියළි සලාක බෙදාදීමේ වැඩසටහනක් අඹගමුව ප්‍රදේශීය සෞඛ්‍යය වෛද්‍ය නිලධාරි කාර්යාලය මගින් ක්‍රියාත්මත කළ බව එහි සෞඛ්‍ය වෛද්‍ය නිලධාරී ක්‍රිෂාන් පේමසිරි මහතා පැවසීය.

23 March 2020

වතුකම්කරුවෝ කබලෙන් ලිපට

පාරිභෝගික භාණ්ඩ මිලදී ගැනීමට උඩරට වතුකරයේ නගරවලට පැමිණි වතු කම්කරුවන් අද (23) පස්වරු 2.00 වනවිටත් භාණ්ඩ මිලදී ගැනීමට නොහැකිව දැඩි දුෂ්කරතාවයන්ට ලක්ව සිටි අයුරු දැක ගන්නට ලැබිණි.

23 March 2020

පළමු ආසාදිතයා පූර්ණ සුවය ලබා රෝහලෙන් පිටව යයි

කොරෝනා වයිරසය වැළඳී පූර්ණ සුවය ලැබූ පළමු ශ්‍රී ලාංකකික රෝගියා අද(23) පෙරවරුවේ අංගොඩ අයි.ඩී.එච් උණ රෝහලෙන් පිටව ගිය බව රෝහල් අධ්‍යක්ෂක වෛද්‍ය හසිත අත්තනායක මහතා පවසයි.

23 March 2020

සුවසැරිය වෙනුවෙන් ඉල්ලීමක්

මේ වනවිට සුවැසැරිය ගිලන් රථ සේවයට රෝහල් වෙත ජනතාව රැගෙන යාම සඳහා දැඩි ඉල්ලුමක් ඇතිවී තිබෙන අතර මොවුන්ගෙන් සැලකියයුතු ප්‍රමාණයක් අනවශ්‍ය ඉල්ලීම් බව දැනගන්නට ඇත. මේ නිසා අප පුරවැසියන් ලෙස මේ තීරණාත්මක අවස්ථාවේ වගකීමෙන් කටයුතු කරමු...

23 March 2020

‘ඉන්ධන හිඟයක් ගැන අනවශ්‍ය බියක් එපා‘

අවශ්‍ය තරම් ඉන්ධන තොග රට තුළ තිබෙන බැවින් ජනතාව ඉන්ධන හිඟයක් ගැන අනවශ්‍ය බියක් ඇතිකර ගත යුතු නැතැයි ඛණීජ තෙල් සංස්ථාවේ සභාපති නිතීඥ සුමිත් විජේසිංහ මහතා ලංකාදීපයට පැවසීය.

23 March 2020

කොරෝනා විෂබීජහරණයට එතනෝල් නිපදවීමට ලංකා සීනි සමාගම සූදානම්

මේ දිනවල රටේ පවතින ජාතික ආපදා තත්වය සැලකිල්ලට ගෙන රට පුරා රාජ්‍ය සහ පෞද්ගලික ආයතනවලින් කෙරෙන ඉල්ලීම් සඳහා කොරෝනා විෂබීජහරණයට එතනෝල් නිපදවීම අඛණ්ඩව සිදුකරන බව ලංකා සීනි සමාගමේ ප්‍රධාන විධායක නිලදාරී ගාමිණී රාසපුත්‍ර මහතා පවසයි.

23 March 2020

ලොව පුරා කෝටි 100 ක් ජනතාව නිවාසවල

ලොව පුරා රටවල් සහ පරිපාලන ප්‍රදේශ 50කට වැඩි සංඛ්‍යාවක් බිලියන 1කට වැඩි සිය ජනතාවට නිවෙස්වලට වී සිටින්නැයි නියෝග කර ඇත.

23 March 2020

නියාගම වැසියන්ට අන්තර්ජාලයෙන් අත්‍යවශ්‍ය භාණ්ඩ ඇණවුම් පහසුකම්

ඇඳිරි නීතිය ඉවත්කිරීමෙන් පසු භාණ්ඩමිලදී ගැනීම සදහා වෙළඳසැල්වලට පැමිණෙන ජනතාව සීමා කිරීමේ අරමුණින් අන්තර්ජාලයෙන් භාණ්ඩ නිවසටම ගොස් ලබාදීමේ වැඩසටහනක් නියාගම ප්‍රාදේශීය ලේකම්කාර්යාල මගින් අද (23) ආරම්භ කර තිබේ.

23 March 2020

විදේශීය රටවල සිට පැමිණි 210 ක් ස්වයං නිරෝධායනයට

මාර්තු මස පළමු වැනිදා සිට මේ දක්වා විදේශ රටවල සිට පැමිණි පුද්ගලයින් 210 ක් ලියාපදිංචි කර ඇති බව ගාල්ල පොලිසිය පවසයි.

23 March 2020

ඉන්දියාවේ නගර 80ක සියලු කටයුතු නවතා දමයි

ඉන්දියාවේ නගර 80කට ආසන්න සංඛ්‍යාවක කටයුතු සම්පූර්ණයෙන් නවතා දැමීමට ඉන්දීය බලධාරීහු අද (23) පියවර ගත්හ.

23 March 2020

බූස්ස බන්ධනාගාරයේ අවි 12 ක් රත්ගම පොලිසියට

බූස්ස බන්ධනාගාරයේ අවි ගබඩාවේ තිබූ අවි 12ක් රත්ගම පොලීසියට භාරදී ඇතැයි බන්ධනාගාර ආරංචි මාර්ග සඳහන් කරයි.

23 March 2020

බ්‍රසීලයේ පාපන්දු ක්‍රීඩාංගන කොරෝනා ප්‍රතිකාර මධ්‍යස්ථාන වෙයි

බ්‍රසීලයේ පාපන්දු ක්‍රීඩාංගන කොරෝනා වයිරසය සඳහා ප්‍රතිකාර කරන වෛද්‍ය මධ්‍යස්ථාන බවට පත්කිරීම සඳහා ලබාදීමට එරට පාපන්දු සංගම් තීරණය කර ඇත.

23 March 2020

ඇඳිරි නීතිය තිබියදී සූදු කෙළි පිරිසක් පහරදී පොලිසියේ දෙදෙනෙකු රෝහලේ

මෙදේරිපිටිය ප්‍රදේශයේ දී ඇඳිරිනීතිය කඩ කරමින් මුදල් ඔට්ටුවට සුදු ක්‍රීඩාවේ යෙදී සිටි කණ්ඩායමක් අත්අඩංගුවට ගැනීමට යාමේදී එම පිරිස පහරදීම හේතුවෙන් පොලිස් නිලධාරීන් දෙදෙනෙක‍ෙ තුවාල ලබාදෙනියාය මූලික රෝහලට ඇතුළත් කර ඇතැයි දෙනියාය පොලිසිය කියයි.

23 March 2020

කොරෝනා ආසාදිතයකු සිටි නොර්වුඩ් සංචාරක නිකේතනයකට මුද්‍රා තබයි

කොවිඩ් 19 වයිරසය වැළඳුණු සංචාරකයන් ප්‍රවාහනය කරන රියදුරෙකු රැඳී සිටි නොර්වුඩ් ප්‍රදේශයේ සංචාරක නිකේතනයක් මුද්‍රා තබා සංචාරක නිකේතනයේ හිමිකරුගේ නිවස , ඔහුට අයත් ගාරාජයක් සහ පවුලේ සමාජිකයන්ව අද(23) දින නිරොධානයකට යොමු කිරීමට නෝර්වුඩ් ප්‍රාදේශීය සභාව පියවර ගත්හ.

23 March 2020

වයිරසය ආසාදනය වූ අයෙකුගේ පවුලේ සාමාජිකයන්ටත් කොරෝනා

කොරෝනා වයිරසය ආසාදනය වී කොළඹ අයි.ඩි.එච් රෝහලට ඇතුලත් කළ පුද්ගලයෙකුගේ 88 හැවිරිදි මවට, 51 හැවිරිදි බිරිඳට සහ 23 හැවිරිදි දියණියටද කොරෝනා වයිරසය ආසාදනය වී ඇති බවට තහවුරු වී ඇතැයි ජාඇල මහජන සෞඛ්‍ය පරීක්ෂක අනුර අබේරත්න මහතා පැවසීය.

23 March 2020

කොළඹ ජාතික රෝහලෙහි දැඩි සත්කාර ඒකකය අලුත්වැඩියා කෙරේ

කොළඹ ජාතික රෝහලේ වෛද්‍ය දැඩිසත්කාර ඒකකයේ කොරෝනා වෛරසය ආසාදිත රෝගින්ට ප්‍රතිකාර කිරීමට හැකිවන පරිදි අලුත්වැඩියා කිරීම් කටයුතු නාවික හමුදාව අද (23) කටයුතු කරන ලදි.

23 March 2020

මහීපාල හේරත් උතුරු මැද පළාත් ආණ්ඩුකාර ධූරයට

උතුරු මැද පළාත් නව ආණ්ඩුකාරවරයා ලෙස මහීපාල හේරත් මහතා පත් කර තිබේ.

23 March 2020

මාධ්‍ය හැඳුනුපතෙහි වලංගු කාලය දීර්ඝ කෙරේ

රජයේ ප්‍රවෘත්ති දෙපාර්තමේන්තුව විසින් නිකුත් කර ඇති, 2019 වර්ෂයේ මාධ්‍ය හැඳුනුම්පතෙහි වලංගු කාලය මැයි 15 වැනිදා දක්වා දීර්ඝ කර ඇති බව එම දෙපාර්තමේන්තුව සඳහන් කරයි.

23 March 2020