හොංකොං පරිපාලන ප්රදේශයට හඳුන්වා දුන් නව ආරක්ෂක නීතිරීතිවලට අද (28) චීන පාර්ලිමේන්තුවේ අනුමැතිය හිමිවිය.
චීනය හඳුන්වා දී තිබෙන මෙම නව ආරක්ෂක නීතිරීති හේතුවෙන් ලොව ප්රධානම මූල්ය කේන්ද්රස්ථානයක් වන හොංකො වෙත ලබා දී තිබෙන ස්වයං පාලන බලතල සහ එම නගරය සතු නිදහස අවදානමට පත්වනු ඇතැයි බටහිර රටවල් බිය පළ කරති.
ප්රධාන භූමියෙන් (චීනයෙන්) ඉවත් වීම, (චීනයේ) බලය සහ අධිකාරිය නොසලකා හැරීම, ත්රස්තවාදය සහ විදේශීය මැදිහත්වීම් පාලනය කිරීමේ අරමුණින් චීනය මෙම නව ආරක්ෂක නීති හඳුන්වා දී ඇත.
චීනය හඳුන්වා දුන් මේ නව ආරක්ෂක නීති හේතුවෙන් මාස කිහිපයකට පසු හොංකොං නුවර මේ වනවිට විරෝධතා ආරම්භ වී ඇත.
විරෝධතාකරුවන් මෙල්ල කිරීම සඳහා අද (28) කැරැලි මර්දන පොලිසිය ද යොදවා තිබිණි.
චීන ජාතික ගීය අගෞරව කිරීම අපරාධ වරදක් ලෙස මෙම නව ආරක්ෂක නීතිරීතිවලින් යෝජනා කර ඇත.
මේ තත්ත්වයත් සමඟ හොංකොංවලට ඇමෙරිකා එක්සත් ජනපදයෙන් ද දැඩි පීඩනයක් එල්ල වී ඇත.
හොංකොං නුවර සාප්පු සංකීර්ණයක් වෙත ප්රජාතන්ත්රවාදී විරෝධතාකරුවන් ඊයේ එක්රැස් වුවද ඔවුන්ට පෙරේදා දිනයේදී මෙන් පොලිසියෙන් බාධා එල්ල නොවීය. චීනය යෝජනා කළ නව ආරක්ෂක නීති සහ ජාතික ගීයට අදාළ නීතිවලට විරෝධය පළ කරමින් දහස් ගණනක් පෙරේදා හොංකොං නුවර වීදිවලට එක්වූ අතර 360 දෙනෙක් පොලිස් අත්අඩංගුවට පත්වූහ.
හොංකොං වැසියන් වීදි බැස මෙසේ විරෝධතා පවත්වන්නේ 'කොවිඩ් 19' වයිරසය හේතුවෙන් සමාජ දුරස්ථභාවය රැක ගන්නැයි සෞඛ්ය අංශ උපදෙස් ලබා දී ඇති අවස්ථාවකය. දහස් ගණනක් විරෝධතා සඳහා එක් වී සිටිති. සිය ස්වාධීනත්වයට සහ ජීවත් වීමට ඇති නිදහසට මෙම නව ආරක්ෂක නීති බාධාවක් යැයි විරෝධතාකරුවෝ පෙන්වාදෙති.
හොංකොං පරිපාලන ප්රදේශය බ්රිතාන්ය කොලනියක්ව පැවැති අතර 1997 වසරේදී චීන පාලනය යටතට ගැනිණි. හොංකොං චීනය යටතේ පාලනය වුවද ‘‘එක් රටක්, පද්ධති දෙකක්’’ යන ක්රමයට වෙනම පද්ධතියක් ලෙස පවතී. එහෙත් චීනය හඳුන්වා දී තිබෙන නව ආරක්ෂක නීති හේතුවෙන් හොංකොං වෙත ලැබී තිබෙන ඉහළ නිදහස් සහිත ස්වයං පාලනයට දැඩි බාධාවක් එල්ල වනු ඇතැයි ද චීනය හොංකොං වෙත පමණක් නොව ඉන් එහාටත් ඒකාධිපතීත්වය වපුරමින් සිටින බවත් ඇතැම් ජාත්යන්තර දේශපාලන විශ්ලේෂකයෝ මත පළ කරති.
චීන පාර්ලිමේන්තුවේ 2,878 දෙනෙක් හොංකො වෙත හඳුන්වාදුන් නව ආරක්ෂක නීති අනුමත කරමින් ඡන්දය ප්රකාශ කළහ. එක් අයකු නව ආරක්ෂක නීතිවලට විරුද්ධව ඡන්දය ප්රකාශ කර තිබූ අතර හයදෙනෙක් ඡන්දය ප්රකාශ කිරීමෙන් වැළැකී සිටියහ.
මෙම නව ආරක්ෂක නීති සම්බන්ධයෙන් සවිස්තර විස්තර ඉදිරි සති කිහිපයේදී ප්රසිද්ධියට පත්වනු ඇතැයි ද සැප්තැම්බර් මාසයට පෙර මෙම නව ආරක්ෂක නීති ක්රියාවට නැංවෙනු ඇතැයි ද වාර්තා වේ.
මෙම නව ආරක්ෂක නීතිරීතිවලින් හොංකොං හි ස්වයංපාලනයට කිසිදු තර්ජනයක් නැතැයි ද චීන බලධාරීහු ප්රකාශ කරති.
කෙසේ නමුත් චීනයේ නිදහස්ම නගරය ලෙසත් ලොව ප්රමුඛම මූල්ය කේන්ද්රස්ථානයක් ලෙසත් සැලකෙන හොංකොං වෙත චීනයේ නව ආරක්ෂක නීතිරීතිවලින් බලපෑමක් යොමුවනු ඇතැයි ඇමෙරිකා එක්සත් ජනපදය, බ්රිතාන්ය සහ යුරෝපා සංගමය විමසිල්ලෙන් පසුවෙයි.
ඒ.එෆ්.පී./රොයිටර්
055
පාකිස්තාන 19 හැවිරිදි යුවතියකට ඉන්දීය ජාතිකයකුගේ හදවතක් සාර්ථකව බද්ධ කිරීමට චෙන්නායි වෛද්යවරුන් පිරිසක් සමත්වී තිබේ.
තායිවානයට අනවශ්ය ලෙස ළං වී, ‘රතු ඉර’ පනින්න එපා යැයි චීන රජය වෙනුවෙන් එරට අග්රාමාත්ය වැංග් ඊ ඊයේ (25) බෙයිජීං අගනුවරට පැමිණි ඇමෙරිකන් රාජ්ය ලේකම් ඇන්
නැගෙනහිර අප්රිකානු රාජ්යයක් වන ටැන්සිනියාවට මහ වැසි ඇද හැලෙයි. මහ වැසි සමඟ පළාත් රැසක් ජලයෙන් යටවී ඇති බව ද වාර්තා වේ. අයහපත් කාලගුණය හේතුවෙන් මරණ 150 ක
ආරක්ෂක සහයෝගීතාවක් වෙනුවෙන්, රුසියාවත් ඉරානයත් අතරේ අවබෝධතා ගිවිසුමකට අත්සන් තැබුණි. ඉරානය වෙනුවෙන් ඉරාන ජාතික ආරක්ෂක කවුන්සිලයේ මහ ලේකම් අලී අක්බා
ස්පාඤ්ඤ අග්රාමාත්ය පේඩ්රෝ සැන්චේස්ගේ බිරිඳට අල්ලස් චෝදනා එල්ල වී ඇති අතර, එම චෝදනා සම්බන්ධයෙන් වහා විමර්ශනයක් අරඹන්නැයි ස්පාඤ්ඤ අධිකරණයක් ඊයේ (24)
චීනය සමඟ යහපත් සබඳතා වර්ධනය කර ගැනීමේ අරමුණින්, ඇමෙරිකා රාජ්ය ලේකම් ඇන්තනි බ්ලින්කන් ඊයේ (25) චීනයේ බෙයිජීං අගනුවරට පැමිණියේය.
ස්වභාවික ශාකසාර අඩංගු ආයුර්වේදයේ විශිෂ්ඨත්වය රැඳි personal care සහ රූපලාවණ්ය නිෂ්පාදන පෙළක් සමග ලොව පුරා ජනතා විශ්වාසයට පාත්ර වූ දැවැන්ත සමාගමක් වන Himalaya Wellness
ආදරය යනු සියලු සීමාවන් ඉක්මවා යන විශ්වීය සංකල්පයකී. එයට හදවත් එකතු කිරීමේ අසීමිත බලයක් ඇත.සැබෑ ප්රේමයක් නිරන්තරයෙන් සියුම් ලෙස අප ආත්මයන් ස්පර්ෂ කරම
ශ්රී ලංකා ප්රමිති ආයතනය (SLSI) විසින් සංවිධානය කරන ලද, ශ්රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්
‘හොංකොං’ නව ආරක්ෂක නීතිවලට චීන පාර්ලිමේන්තුවේ අනුමැතිය