ෆේස්බුක් සමාජ ජාලය හරහා ලිංගික වෙළෙඳාම සිදුවන බවට එම සමාගම දැනුම්වත් යැයි චෝදනා කරමින් ඇමෙරිකා එක්සත් ජනපදයේ ටෙක්සාස් ප්රාන්තයේ කාන්තාවක එම සමාගමට එරෙහිව නඩු පවරා ඇත.
වයස අවුරුදු 15 දී ෆේස්බුක් “මිත්රයකු” අතින් තමන් අතවරයටත්, පහර කෑමටත් ලක්වූ බව සඳහන් කර ඇති එම කාන්තාව තමන් ලිංගික ජාවාරමේ යෙදවූ බව ද සඳහන් කර ඇත.
ෆේස්බුක් සමාජ ජාලය තුළ ලිංගික වෙළෙඳාම ජාවාරමක් ලෙස සිදුවන බව හා කුඩා දරුවන් ඊට ගොදුරු වන බව එම සමාගමේ විධායක නිලධාරීන් දන්නා බව එම කාන්තාව ප්රකාශ කර ඇත.
හූස්ටන් හි හැරිස් දිස්ත්රික් අධිකරණයට ඇමෙරිකා එක්සත් ජනපදයේ ක්රමවේදයට අනුව මෙම කාන්තාව අදාළ අධිකරණ ලේඛන බාර දී ඇති අතර ඇයගේ අනන්යතාව හෙළිදරවු කර නොමැත.
රොයිටර් පුවත් සේවය මේ සම්බන්ධයෙන් ෆේස්බුක් සමාගමෙන් ප්රකාශයක් ලබාගැනීමට උත්සාහ කළත් සමාගම ඊට ප්රතිචාර නොදැක්වීය. දැන්වීම් වෙබ් අඩවියක් වන බැක්පේජ් සහ එහි නිර්මාතෘවරුන් මෙහි විත්තිකරුවන් ලෙස නම් කර තිබෙන අතර එම වෙබ් අඩවියේ නීතිඥවරුන් හෝ එහි අයිතිකරුවෝද මේ සම්බන්ධයෙන් කිසිදු ප්රතිචාරයක් නොදැක්වූහ.
එම සමාගමේ සේවකයන් ද මෙම නඩුවේ විත්තිකරුවන් ලෙස නම් කර ඇත.
කාන්තාව චෝදනා කරන පුද්ගලයා 2012 වසරේදී ඇය සමඟ ෆේස්බුක් සමාජ ජාලය ඔස්සේ කතා බහ කර ඇතැයි අදාළ කාන්තාව ගොනු කරන ලද නඩුවේ සඳහන්ව ඇත. අදාළ කාන්තාවගේ සැබෑ ජීවිතයේ මිතුරන් චෝදනා ලැබ සිටින පුද්ගලයාගේ ෆේස්බුක් මිතුරන් බව ද එම ලියකියවිලිවල සඳහන්ව ඇත.
මෙම කාන්තාව එක් අවස්ථාවකදී තම මව සමඟ රණ්ඩුවක් ඇති කරගෙන තිබෙන අතර එහිදි චෝදනාවට ලක්ව සිටින පුද්ගලයා කාන්තාව සැනසීමට ඉදිරිපත් වී ඇත. ඇයව නිවසින් රැගෙන ගොස් ඇති එම පුද්ගලයා පසුව එම කාන්තාවට පහර දී අතරවරයට ලක් කර නිරුවත් ඡායාරූප ගෙන එම ඡායාරූප බැක්පේජ් වෙබ් අඩවියේ පළ කර ඇත.
එම පුද්ගලයාගේ අනන්යාතව සොයාගැනීමට ෆේස්බුක් සමාජ ජාලය කිසිවක් කළේ නැතැයි කාන්තාව චෝදනා කර තිබෙන අතර ෆේස්බුක් සමාජ මාධ්ය ජාලය තුළ ලිංගික ජාවාරම්කරුවන් ක්රියාත්මක වන බවට සමාගම කිසිදු අවස්ථාවකදී අනතුරු ඇඟවා නැති බවට ද එම කාන්තාව චෝදනා එල්ල කර ඇත.
මේ අතර මේ වසර ආරම්භයේදී ඇමෙරිකා එක්සත් ජනපදයේ අධිකරණ දෙපාර්තමේන්තුව කරන ලද විමර්ශනයකින් අනතුරුව බැක්පේජ් නැමැති වෙබ් අඩවිය අන්තර්ජාලයෙන් ඉවත් කරන ලදි.
රොයිටර්
055
පාකිස්තාන 19 හැවිරිදි යුවතියකට ඉන්දීය ජාතිකයකුගේ හදවතක් සාර්ථකව බද්ධ කිරීමට චෙන්නායි වෛද්යවරුන් පිරිසක් සමත්වී තිබේ.
තායිවානයට අනවශ්ය ලෙස ළං වී, ‘රතු ඉර’ පනින්න එපා යැයි චීන රජය වෙනුවෙන් එරට අග්රාමාත්ය වැංග් ඊ ඊයේ (25) බෙයිජීං අගනුවරට පැමිණි ඇමෙරිකන් රාජ්ය ලේකම් ඇන්
නැගෙනහිර අප්රිකානු රාජ්යයක් වන ටැන්සිනියාවට මහ වැසි ඇද හැලෙයි. මහ වැසි සමඟ පළාත් රැසක් ජලයෙන් යටවී ඇති බව ද වාර්තා වේ. අයහපත් කාලගුණය හේතුවෙන් මරණ 150 ක
ආරක්ෂක සහයෝගීතාවක් වෙනුවෙන්, රුසියාවත් ඉරානයත් අතරේ අවබෝධතා ගිවිසුමකට අත්සන් තැබුණි. ඉරානය වෙනුවෙන් ඉරාන ජාතික ආරක්ෂක කවුන්සිලයේ මහ ලේකම් අලී අක්බා
ස්පාඤ්ඤ අග්රාමාත්ය පේඩ්රෝ සැන්චේස්ගේ බිරිඳට අල්ලස් චෝදනා එල්ල වී ඇති අතර, එම චෝදනා සම්බන්ධයෙන් වහා විමර්ශනයක් අරඹන්නැයි ස්පාඤ්ඤ අධිකරණයක් ඊයේ (24)
චීනය සමඟ යහපත් සබඳතා වර්ධනය කර ගැනීමේ අරමුණින්, ඇමෙරිකා රාජ්ය ලේකම් ඇන්තනි බ්ලින්කන් ඊයේ (25) චීනයේ බෙයිජීං අගනුවරට පැමිණියේය.
ස්වභාවික ශාකසාර අඩංගු ආයුර්වේදයේ විශිෂ්ඨත්වය රැඳි personal care සහ රූපලාවණ්ය නිෂ්පාදන පෙළක් සමග ලොව පුරා ජනතා විශ්වාසයට පාත්ර වූ දැවැන්ත සමාගමක් වන Himalaya Wellness
ආදරය යනු සියලු සීමාවන් ඉක්මවා යන විශ්වීය සංකල්පයකී. එයට හදවත් එකතු කිරීමේ අසීමිත බලයක් ඇත.සැබෑ ප්රේමයක් නිරන්තරයෙන් සියුම් ලෙස අප ආත්මයන් ස්පර්ෂ කරම
ශ්රී ලංකා ප්රමිති ආයතනය (SLSI) විසින් සංවිධානය කරන ලද, ශ්රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්
ෆේස්බුක් හරහා ලිංගික වෙළඳාම් - ටෙක්සාස් කතකගෙන් නඩු