එක්සත් ජාතීන්ගේ සංවිධානයේ හිටපු ඇමෙරිකානු නිත්ය නියෝජිතවරියක වන සමන්තා පවර් මහත්මිය ජාත්යන්තර සංවර්ධනය සඳහා වන ඇමෙරිකානු කාර්යාංශයේ (යු.එස්.එයිඩ්/යු.එස්.ඒ.අයි.ඩී) හී ප්රධානියා ලෙස පත් කිරීමට එරට තේරී පත්වූ ජනාධිපති ජෝ බයිඩන් පෙරේදා පියවර ගත්තේ ය.
ලොවපුරා තිබෙන අර්බුදවලට තිබෙන විසඳුම් සෙවීමේදී ඇයට තිබෙන ජාත්යන්තර අත්දැකීම් ඉතා ඉහළ යැයි සමන්තා පවර්ගේ පත්වීම සම්බන්ධයෙන් විඩියෝ පණිවුඩයක් නිකුත් කරමින් තේරී පත්වූ ජනාධිපති ජෝ බයිඩන් සඳහන් කළේය.
‘‘සංවර්ධන න්යාය පත්රය අපේ විදේශ ප්රතිපත්තියේ ප්රධාන කුලුනක්ග ඊට නායකත්වය දෙන්න සමන්තා පවර් තරම් සුදුස්සෙක් නැහැ’’ යැයි හෙතෙම කීය.
ඇමෙරිකාවේ හිටපු ජනාධිපති බැරැක් ඔබාමා එම ධුරය දරන සමයේදී එක්සත් ජාතීන්ගේ ඇමෙරිකානු නිත්ය නියෝජිත ධුරය (එක්සත් ජාතීන්ගේ සංවිධානයේ ඇමෙරිකානු තානාපති) හෙබවූයේ සමන්තා පවර් ය. එමෙන්ම ඇය බැරැක් ඔබාමාගේ ජාතික ආරක්ෂක කවුන්සිලයේ ද කටයුතු කළාය. ඊට අමතරව ඇය හිටපු ජනාධිපතිවරයාගේ විදේශ ප්රතිපත්තිය සහ මානව හිමිකම් උපදේශිකාවක් ලෙස ද කටයුතු කළාය.
ශ්රී ලංකාව සම්බන්ධයෙන් එක්සත් ජාතීන්ගේ මානව හිමිකම් කවුන්සිලයට ශ්රී ලංකා රජයේ සහ ඇමෙරිකානු රජයේ සමඅනුග්රහය යෝජනාවක් ඉදිරිපත් වූ 2015 වසරේදී ද සමන්තා පවර් එක්සත් ජාතීන්ගේ ඇමෙරිකානු නිත්ය නියෝජිත ධුරය (එක්සත් ජාතීන්ගේ සංවිධානයේ ඇමෙරිකානු තානාපති) හෙබවූවා ය.
හිටපු විදේශ අමාත්යවරයකු සහ මුදල් අමාත්යවරයකු වන මංගල සමරවීර මහතාගේ දේශපාලන දිවියට වසර 30ක් පිරීම නිමිත්තෙන් කොළඹදී 2019 වසරේ පැවැති උත්සවයේ මුඛ්ය දේශනය පැවැත්වූයේ ද සමන්තා පවර් මහත්මියයි.
මේ අතර සිරියානු යුද්ධයට හමුදාමය මැදිහත් වීමක් කිරීමට ඔබාමා පරිපාලනය ගත් තීරණයට සමන්තා පවර් දැඩි සේ විරුද්ධ වූ අතර ජනාධිපති ඔබාමා සමඟ දැඩි මත ගැටුම් ද ඇති කරගත්තා ය.
ඊට අමතරව ඔබාමා පරිපාලනය තවත් ප්රවීණයකු ලෙස සැළකෙන සහ එම පරිපාලනය සමයේ ආසියාව සම්බන්ධයෙන් ඉහළම රාජ්ය තාන්ත්රිකයා ලෙස කටයුතු කළ කර්ට් කෑම්ප්බෙල්, ඉන්දු-ශාන්තිකර කලාපය සම්බන්ධ ධවල මන්දිර සම්බන්ධීකරණ නිලධාරියා වශයෙන් පත් කිරීමට ද ජෝ බයිඩන් පියවර ගෙන ඇත. ඉන්දු-ශාන්තිකර කලාපයට චීනය ද අයත් වේ.
ද ගාඩියන් ඇසුරිනි - ඡායාරූපය රොයිටර්
055
පාකිස්තාන 19 හැවිරිදි යුවතියකට ඉන්දීය ජාතිකයකුගේ හදවතක් සාර්ථකව බද්ධ කිරීමට චෙන්නායි වෛද්යවරුන් පිරිසක් සමත්වී තිබේ.
තායිවානයට අනවශ්ය ලෙස ළං වී, ‘රතු ඉර’ පනින්න එපා යැයි චීන රජය වෙනුවෙන් එරට අග්රාමාත්ය වැංග් ඊ ඊයේ (25) බෙයිජීං අගනුවරට පැමිණි ඇමෙරිකන් රාජ්ය ලේකම් ඇන්
නැගෙනහිර අප්රිකානු රාජ්යයක් වන ටැන්සිනියාවට මහ වැසි ඇද හැලෙයි. මහ වැසි සමඟ පළාත් රැසක් ජලයෙන් යටවී ඇති බව ද වාර්තා වේ. අයහපත් කාලගුණය හේතුවෙන් මරණ 150 ක
ආරක්ෂක සහයෝගීතාවක් වෙනුවෙන්, රුසියාවත් ඉරානයත් අතරේ අවබෝධතා ගිවිසුමකට අත්සන් තැබුණි. ඉරානය වෙනුවෙන් ඉරාන ජාතික ආරක්ෂක කවුන්සිලයේ මහ ලේකම් අලී අක්බා
ස්පාඤ්ඤ අග්රාමාත්ය පේඩ්රෝ සැන්චේස්ගේ බිරිඳට අල්ලස් චෝදනා එල්ල වී ඇති අතර, එම චෝදනා සම්බන්ධයෙන් වහා විමර්ශනයක් අරඹන්නැයි ස්පාඤ්ඤ අධිකරණයක් ඊයේ (24)
චීනය සමඟ යහපත් සබඳතා වර්ධනය කර ගැනීමේ අරමුණින්, ඇමෙරිකා රාජ්ය ලේකම් ඇන්තනි බ්ලින්කන් ඊයේ (25) චීනයේ බෙයිජීං අගනුවරට පැමිණියේය.
ස්වභාවික ශාකසාර අඩංගු ආයුර්වේදයේ විශිෂ්ඨත්වය රැඳි personal care සහ රූපලාවණ්ය නිෂ්පාදන පෙළක් සමග ලොව පුරා ජනතා විශ්වාසයට පාත්ර වූ දැවැන්ත සමාගමක් වන Himalaya Wellness
ආදරය යනු සියලු සීමාවන් ඉක්මවා යන විශ්වීය සංකල්පයකී. එයට හදවත් එකතු කිරීමේ අසීමිත බලයක් ඇත.සැබෑ ප්රේමයක් නිරන්තරයෙන් සියුම් ලෙස අප ආත්මයන් ස්පර්ෂ කරම
ශ්රී ලංකා ප්රමිති ආයතනය (SLSI) විසින් සංවිධානය කරන ලද, ශ්රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්
සමන්තා පවර් යු.එස්.එයිඩ් ලොකු පුටුවට