ලිබියාවට නුදුරින් මුහුදේදී සරණාගතයින් රැගත් යාත්‍රාවක් අනතුරට ලක්වීමෙන් 150 කට අධික පිරිසක් මියගොස් ඇතැයි එක්සත් ජාතීන්ගේ සරණාගත කාර්යාලය පවසයි.

යාත්‍රාවේ සිටි තවත් 150 දෙනකුගේ දිවිබේරාගෙන ඔවුන් ලිබියාවට ගෙනවිත් ඇත.මෙය මෙම වසරේ සිදුවූ මාරාන්තිකම සිද්ධිය ලෙස සඳහන් වේ.

මධ්‍යධරණී මුහුද තරණය කිරීමට ගොස් වාර්ෂිකව දහස්ගණනක් සරණාගතයින් මියයන අතර ලිබියාව ඔවුන්ගේ ප්‍රධාන ආරම්භක ස්ථානයක් ලෙස භාවිතා වේ.

එක්සත් ජාතීන්ගේ සරණාගත කාර්යංශය පවසන්නේ 2019 වසරේ මේ වනවිට සරණාගතයින් 15900ක් පමණ මධ්‍යධරණී මුහුද හරහා යුරෝපයට ගමන් කර ඇති බවයි.

කෙසේ වුවද එය පසුගිය වසර හා සසඳන විට සියයට 17කින් පමණ අඩුවීමක් පෙන්නුම් කරන බවද ඔවුහු සඳහන් කරති.

(බීබීසී ඇසුරිණි - 085)