සිංගප්පූරුවේදීය (රොයිටර්)
ඇමෙරිකා එක්සත් ජනපද ජනාධිපති ඩොනල්ඞ් ට්රම්ප් නොමැතිව සිංගප්පූරුවේ අගනුවර දී අග්නිදිග ආසියානු ජාතීන්ගේ සංවිධානයේ සමුළුව (ආසියාන්) ආරම්භ විය.
ජනාධිපති ඩොනල්ඞ් ට්රම්ප් සහභාගී නොවූවත් ආසියාන් සමුළුවට ඔහුගේ බලපෑම දැනෙනු ඇතැයි දේශපාලන විචාරකයෝ පෙන්වාදෙති.
ඇමෙරිකා එක්සත් ජනපදය සහ චීනය අතර තිබෙන වෙළෙඳ යුද්ධයත් අනෙකුත් රටවල් අනුගමනය කරන ආරක්ෂණවාදී පියවරත් නිසා අර්බුදකාරී තත්ත්වයක් ඇතිවනු ඇතැයි සමුළුවට සහභාගී වී සිටි අග්රාමාත්යවරයෙක් කීය.
“වඩාත් කතාබහට ලක්වූ වඩාත් වැදගත්ම නායකයා වන්නේ ඇමෙරිකා ජනාධිපති ඩොනල්ඞ් ට්රම්ප්. එහෙත් ඔහු මෙවර ආසියාන් සමුළුවට සහභාගි වන්නේ නැහැ. ඔහු නොපැමිණි පළමු අවස්ථාව මෙය” යැයි සිංගප්පූරුවේ අයි.එස්.ඊ.ඒ.එස්. යුසොෆ් ඉෂාක් ආයතනයේ අධිශිෂ්ය මැල්කම් කූක් පැවැසීය.
ඇමෙරිකා ජනාධිපතිවරයාගේ නොපැමිණීම මධ්යයේ වුවද දකුණු සහ නැගෙනහිර ආසියානු රටවල් බහුපාර්ශවීය සබඳතා පැවැත්වීම කෙරෙහි අවධානය යොමු කළහ. චීනයේ නියෝජිත එරට අග්රාමාත්ය ලී කචන්ග් එහි මූලිකත්වය ගත්තේය.
“ලෝකය අද ආරක්ෂණවාදයකට මුහුණ දෙමින් සිටිනවා. ආරක්ෂණවාදය වර්ධනය වෙමින් තිබෙනවා. බහුවිධත්වය පවත්වාගෙන යෑමටත් නිදහස් වෙළෙඳාම ආරක්ෂා කිරීමට ලෝකය විසඳුම් සෙවිය යුතුයි. අපි සියලු දෙනා එකමුතු විය යුතු” යැයි ලී පැවැසීය.
ඇමෙරිකා ජනාධිපතිවරයා ප්රංශයේ පැවැති පළමු ලෝක යුද්ධයේ සියවස් සැමරුමට සහභාගී වූ අතර එයින් පසු ඔහු සහ ආසියානු රටවල් අතර සබඳතාව තරමක් දුරට අඩු වී ඇතැයි දේශපාලන විචාරකයෝ පෙන්වා දෙති. පළමු ලෝක යුද්ධයේ සියවස් සැමරුමේදී ඇමෙරිකාවේ මිත්ර රටවල නායකයන් අතර ජනාධිපති ට්රම්ප් හුදෙකලා වූ බව එම විචාරකයෝ පෙන්වා දුන්හ.
ඇමෙරිකා ජනාධිපතිවරයා නිරායාසයෙන්ම ආසියානු රටවල් එකමුතු කරමින් සිටිනවා යැයි ජාත්යන්තර සබඳතා පිළිබඳ සිංගප්පූරු ආයතනයේ සිමන් ටේ පැවැසීය.
“ජනාධිපති ට්රම්ප් වුවමනාවෙන් කිසිවක් කර නැහැ. ඔහුගේ නොපැමිණීම, ඔහු ආසියානු රටවල් සමඟ සම්බන්ධ නොවීම, ආසියාවේ ස්වභාවික සම්මතයට එරෙහි ජනාධිපති ට්රම්ප්ගේ ප්රතිපත්ති යන කරුණු නිසා ආසියානු රටවල් එකමුතු වෙමින් සිටිනවා. ආසියානු රටවල් ඇමෙරිකාව සහ ට්රම්ප් නොමැතිව කටයුතු කරන්නේ කෙසේද කියා සොයා බලමින් සිටිනවා. ඔවුන් ඒ සඳහා සැලසුම් හදනවා” යැයි ද හෙතෙම කීය.
මේ සම්බන්ධයෙන් ධවල මන්දිරයෙන් ප්රකාශයක් ලබාගැනීමට උත්සාහ කළ ද එය සාර්ථක නොවීය.
055
පාකිස්තාන 19 හැවිරිදි යුවතියකට ඉන්දීය ජාතිකයකුගේ හදවතක් සාර්ථකව බද්ධ කිරීමට චෙන්නායි වෛද්යවරුන් පිරිසක් සමත්වී තිබේ.
තායිවානයට අනවශ්ය ලෙස ළං වී, ‘රතු ඉර’ පනින්න එපා යැයි චීන රජය වෙනුවෙන් එරට අග්රාමාත්ය වැංග් ඊ ඊයේ (25) බෙයිජීං අගනුවරට පැමිණි ඇමෙරිකන් රාජ්ය ලේකම් ඇන්
නැගෙනහිර අප්රිකානු රාජ්යයක් වන ටැන්සිනියාවට මහ වැසි ඇද හැලෙයි. මහ වැසි සමඟ පළාත් රැසක් ජලයෙන් යටවී ඇති බව ද වාර්තා වේ. අයහපත් කාලගුණය හේතුවෙන් මරණ 150 ක
ආරක්ෂක සහයෝගීතාවක් වෙනුවෙන්, රුසියාවත් ඉරානයත් අතරේ අවබෝධතා ගිවිසුමකට අත්සන් තැබුණි. ඉරානය වෙනුවෙන් ඉරාන ජාතික ආරක්ෂක කවුන්සිලයේ මහ ලේකම් අලී අක්බා
ස්පාඤ්ඤ අග්රාමාත්ය පේඩ්රෝ සැන්චේස්ගේ බිරිඳට අල්ලස් චෝදනා එල්ල වී ඇති අතර, එම චෝදනා සම්බන්ධයෙන් වහා විමර්ශනයක් අරඹන්නැයි ස්පාඤ්ඤ අධිකරණයක් ඊයේ (24)
චීනය සමඟ යහපත් සබඳතා වර්ධනය කර ගැනීමේ අරමුණින්, ඇමෙරිකා රාජ්ය ලේකම් ඇන්තනි බ්ලින්කන් ඊයේ (25) චීනයේ බෙයිජීං අගනුවරට පැමිණියේය.
ස්වභාවික ශාකසාර අඩංගු ආයුර්වේදයේ විශිෂ්ඨත්වය රැඳි personal care සහ රූපලාවණ්ය නිෂ්පාදන පෙළක් සමග ලොව පුරා ජනතා විශ්වාසයට පාත්ර වූ දැවැන්ත සමාගමක් වන Himalaya Wellness
ආදරය යනු සියලු සීමාවන් ඉක්මවා යන විශ්වීය සංකල්පයකී. එයට හදවත් එකතු කිරීමේ අසීමිත බලයක් ඇත.සැබෑ ප්රේමයක් නිරන්තරයෙන් සියුම් ලෙස අප ආත්මයන් ස්පර්ෂ කරම
ශ්රී ලංකා ප්රමිති ආයතනය (SLSI) විසින් සංවිධානය කරන ලද, ශ්රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්
ට්රම්ප් නොමැතිව ආසියාන් සමුළුව ඇරඹේ