ඇමෙරිකා එක්සත් ජනපදය තුළ වර්තාමනයේ ඇති වී දේශපාලන තත්ත්වය සම්බන්ධයෙන් එරට හිටපු ජනාධිපතිවරුන් දෙදෙනකු වන බැරක් ඔබාමා සහ ජෝර්ජ් ඩබ් බුෂ් චෝදනාත්මක ස්වරූපයෙන් අදහස් දක්වා ඇතැයි විදෙස් පුවත් සේවා වාර්තා කරයි.
හිටපු ජනාධිපතිවරුන් දෙදෙනා වත්මන් ඇමෙරිකා ජනාධිපති ඩොනල්ඞ් ට්රම්ප්ගේ නායකත්වය විවේචනයට ලක් කර ඇතැයි ද එම වාර්තා සඳහන් කරයි. දේශපාලනික වශයෙන් බෙදී වෙන්වී යෑමත් බියට පත්වීමත් ප්රතික්ෂේප කරන්නැයි හිටපු ජනාධිපති ඔබාමා ඇමෙරිකා ජනතාවගෙන් ඉල්ලා ඇති අතර ප්රසිද්ධියේ සිදු කරන දාමරිකම්, අයුතු බලපෑම්, හිරිහැර සහ පූර්ව මතවලට පැමිණෙමින් කරන පක්ෂපාතීකම් ආදිය දැඩි ලෙස විවේචනය කිරීමට හිටපු ජනාධිපති බුෂ් කටයුතු කර තිබේ.
හිටපු ජනාධිපතිවරුන් දෙදෙනා ස්ථාන දෙකකදී මෙසේ චෝදනා කර ඇති අතර ඒ කිසිදු අවස්ථාවකදී ඔවුන් දෙදෙනා වත්මන් ජනාධිපති ට්රම්ප්ගේ නම ප්රකාශ කර නැතැයි ද විදෙස් පුවත් සේවා වාර්තා කරයි. හිටපු ජනාධිපතිවරුන් දෙදෙනා නිරන්තරයෙන් විවේචනය කරන ඩොනල්ඞ් ට්රම්ප් සිකුරාදා (20) හවස් වනතුරුත් මේ සම්බන්ධයෙන් කිසිදු අදහසක් දැක්වීමක් කර නොතිබිණි.
ධුරයෙන් නික්ම යන ඇමෙරිකා එක්සත් ජනපද ජනාධිපතිවරු සාමාන්යයෙන් සහ සාම්ප්රදායිකව තමන්ගෙන් පසු ධුරයට පත්වන්නා සම්බන්ධයෙන් ප්රසිද්ධියේ අදහස් දැක්වීමෙන් වැළැකි සිටිති. එහෙත් ඔවුහු තමන්ගේ ධුරයට පත්වන්නාට නික්ම යන අවස්ථාවේදී සුබ පැතුම් එක් කරති. ඒ අනුව බුෂ් ජනාධිපතිවරයා ඔබාමා ඇමෙරිකාවේ ජනාධිපතිධුරයට පත්වූ සුබ පැතුම් එක් කළ අයුරින්ම හෙතෙම ධුරයෙන් නික්ම යද්දි නව ජනාධිපති ලෙස පත් වූ ට්රම්ප්ට සුබපැතුම් එක් කළේය.
‘ඔබාමාකෙයා’ රක්ෂණාවරණය අවලංගු කිරීමට ට්රම්ප් ජනාධිපතිවරයා උත්සහ කළ අවස්ථාවේ සිට හිටපු ජනාධිපති බැරක් ඔබාමා තම නිහඬතව අවසන් කරමින් ට්රම්ප් පරිපාලනය විවේචනය කළේය. එම අවස්ථාවේදී පමණක් නොව ට්රම්ප් ජනාධිපතිවරයාගේ ‘මුස්ලිම් තහනම’ සහ ‘පැරිස් ගිවිසුමෙ’න් ඉවත්වීමට තීරණය කළ අවස්ථාවේදීත් බැරක් ඔබාමා ට්රම්ප් ජනාධිපතිවරයා විවේචනය කළේය. ට්රම්ප් ජනාධිපතිවරයා පසුගිය දිනෙක ඔබාමා පරිපාලනය සමයේදී අත්සන් තබන ලද ‘ඉරාන න්යෂ්ටික ගිවිසුම’ ඉරා දමන බවට ද තර්ජනය කළේය. ට්රම්ප් ජනාධිපතිවරයා ඊට පෙර දිනෙක උතුරු කොරියා අර්බුදය කලින් විසඳීමට කටයුතු නොකළ බව පවසමින් ඔබාමා, බුෂ් ඇතුළු හිටපු ජනාධිපතිවරුන් විවේචනය කිරීමට කටයුතු කර තිබිණි.
055
පාකිස්තාන 19 හැවිරිදි යුවතියකට ඉන්දීය ජාතිකයකුගේ හදවතක් සාර්ථකව බද්ධ කිරීමට චෙන්නායි වෛද්යවරුන් පිරිසක් සමත්වී තිබේ.
තායිවානයට අනවශ්ය ලෙස ළං වී, ‘රතු ඉර’ පනින්න එපා යැයි චීන රජය වෙනුවෙන් එරට අග්රාමාත්ය වැංග් ඊ ඊයේ (25) බෙයිජීං අගනුවරට පැමිණි ඇමෙරිකන් රාජ්ය ලේකම් ඇන්
නැගෙනහිර අප්රිකානු රාජ්යයක් වන ටැන්සිනියාවට මහ වැසි ඇද හැලෙයි. මහ වැසි සමඟ පළාත් රැසක් ජලයෙන් යටවී ඇති බව ද වාර්තා වේ. අයහපත් කාලගුණය හේතුවෙන් මරණ 150 ක
ආරක්ෂක සහයෝගීතාවක් වෙනුවෙන්, රුසියාවත් ඉරානයත් අතරේ අවබෝධතා ගිවිසුමකට අත්සන් තැබුණි. ඉරානය වෙනුවෙන් ඉරාන ජාතික ආරක්ෂක කවුන්සිලයේ මහ ලේකම් අලී අක්බා
ස්පාඤ්ඤ අග්රාමාත්ය පේඩ්රෝ සැන්චේස්ගේ බිරිඳට අල්ලස් චෝදනා එල්ල වී ඇති අතර, එම චෝදනා සම්බන්ධයෙන් වහා විමර්ශනයක් අරඹන්නැයි ස්පාඤ්ඤ අධිකරණයක් ඊයේ (24)
චීනය සමඟ යහපත් සබඳතා වර්ධනය කර ගැනීමේ අරමුණින්, ඇමෙරිකා රාජ්ය ලේකම් ඇන්තනි බ්ලින්කන් ඊයේ (25) චීනයේ බෙයිජීං අගනුවරට පැමිණියේය.
ස්වභාවික ශාකසාර අඩංගු ආයුර්වේදයේ විශිෂ්ඨත්වය රැඳි personal care සහ රූපලාවණ්ය නිෂ්පාදන පෙළක් සමග ලොව පුරා ජනතා විශ්වාසයට පාත්ර වූ දැවැන්ත සමාගමක් වන Himalaya Wellness
ආදරය යනු සියලු සීමාවන් ඉක්මවා යන විශ්වීය සංකල්පයකී. එයට හදවත් එකතු කිරීමේ අසීමිත බලයක් ඇත.සැබෑ ප්රේමයක් නිරන්තරයෙන් සියුම් ලෙස අප ආත්මයන් ස්පර්ෂ කරම
ශ්රී ලංකා ප්රමිති ආයතනය (SLSI) විසින් සංවිධානය කරන ලද, ශ්රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්
ඔබාමා - බුෂ් එක්ව ට්රම්ප්ගේ හම ගලවති
lalith Friday, 20 October 2017 09:22 PM
ඔය ට්රුම්ප් මහත්තයගෙයි අපේ රටේ රනිල් මහත්තයගෙයි වැඩි වෙනසක් නැහැනේ. දෙන්නම අඳින්නේ ටයි කොට. දෙන්නම කතා කරන්නේ ඉංගිරිසියෙන්. දෙන්නම අනිකාගේ වැරදි පෙන්නනවා මිසක් කරපු දෙයක් නැහැ. දෙන්නම එන්න එන්න ජනතාවගේ අප්රසාදයට පත් වෙනවා. දෙන්න ගැනම කියන මිනිස්සු කියන්නේ අයෙත් වතාවක් නම් චන්දයක් දිනන එකක් නැහැ කියල.
himalMonday, 23 October 2017 10:34 AM
ට්රම්ප්, ඔබාමා ඔක්කොම ඉංග්රීසියෙන් තමයි කතාව. නැත්නම් සිංහලෙන් කතා කරන්නද?
Perakum Saturday, 21 October 2017 01:59 PM
ට්රම්ප් මහත්තයට තිබුනේ ව්යාපාරික අත්දැකීම් පමණයි. දේශපාලනේ බින්දුවයි. එහෙම නෙවෙයි අපේ රනිල් මහත්තයා. හොඳ පළපුරුදු දේශපාලනඤයෙක් නේ. බලන්නකෝ අනිත් සැරේ මොකද වෙන්නේ කියලා.
dasunSunday, 22 October 2017 02:00 AM
එහෙම හොඳ පළපුරුදු කෙනෙක්නම් 29 වතාවක් ඡන්දවලින් පැරදුනේ ඇයි. ඇයි තමුන්ට තනියෙන් ජනාධිපති ඡන්දයට ඉල්ලන්න බැරි.