චිනයේ දකුණු දිග ප්‍රදේශයේ ඇතිවූ දරුණු ගංවතුර තත්ත්වයක් හේතුවෙන් පස්දෙනකු මියගොස් තවත් විශාල පිරිස් අවතැන්ව ඇතැයි වාර්තා වේ.

නිවාස සියගණනක් සහ වගා භූමි අක්කර දහස් ගණනක් ද විනාශ වී ඇත.

ගිශෝ පළාතේ නගරයක් සම්පූර්ණයෙන්ම ජලයෙන් යටවී ඇති අතර මීටර් දෙකක් පමණ උසට ජලය පිරී ඇතැයි වාර්තා වේ.

වාර්තාගත වර්ෂාපතනක් ඇද හැලීම හේතුවෙන් ගංවතුර ඇතිවූ බව කාළගුණික අංශ සඳහන් කරයි.

බලධාරීන් පවසන්නේ මෙම ගංවතුර තත්ත්වය තව දින කිහිපයක් යනතුරු පවතිනු ඇති බවයි.

ඉදිරි දින වලදී මෙම වැසි සහිත කාළගුණික තත්ත්වය අනෙක් පළාත් වලටත් බලපානු ඇති බවට ද කාළගුණික අංශ අනතුරු අඟවා ඇත.

(බීබීසී ඇසුරිණි - 085)