2019 ඔක්තෝබර් මස 16 වන බදාදා
කාබුල් නුවර හමුදා සරසවියක් ඉදිරිපිට මරාගෙන මැරෙන ප්‍රහාරයක්
ඇෆ්ගනිස්ථානයේ කාබුල් නුවර යුද හමුදා සරසවියක් ඉදිරිපිට මරාගෙන මැරෙන බෝම්බකරුවකු සිදුකළ පිපිරුමකින් හය දෙනකු මියගොස් තවත් හයදෙනකු තුවාල ලබා ඇත.
කාබුල් නුවරට බටහිරින් පිහිටි මාෂල් ෆාහිම් ජාතික විශ්වවිද්‍යාලය ඉදිරිපිට මෙම පිපිරීම සිදුව ඇති බවත් ආරක්ෂක අංශ විසින් ප්‍රහාරකයාට සරසවියට ඇතුළුවීමට ඉඩ නොදුන් අවස්ථාවේ බෝම්බය පුපුරුවාගෙන ඇති බවත් බලධාරීහු පවසති.
අයිඑස්අයිඑස් සංවිධානය ප්‍රහාරයේ වගකීම බාරගෙන ඇති අතර ඔවුන්ගේ අමාක් ප්‍රවෘත්ති සේවය හරහා ඒ බව නිවේදනය කර තිබේ.
වසර 18ක යුද්ධය නිම කිරීමේ අරමුණින් තලේබාන් සංවිධානය හා ඇෆ්ගන් බලධාරීන් අතර සාකච්ඡා මොස්කව් නුවර පැවැත්වෙන අවස්ථාවේ මෙම ප්‍රහාරය එල්ල වූ බව මාධ්‍ය සඳහන් කරයි.
(රොයිටර් පුවත් ඇසුරිණි - 085)
Recommended Articles
කාබුල් නුවර හමුදා සරසවියක් ඉදිරිපිට මරාගෙන මැරෙන ප්‍රහාරයක්
ඔබේ අදහස් එවන්න.
ඔබේ අදහස් සිංහලෙන්, ඉංග්රීසියෙන් හෝ සිංහල ශබ්ද ඉංග්රීසි අකුරෙන් ලියා එවන්න.
