ස්වීඩනයේ ස්ටොක්හෝම් අගනුවර පිපිරීමක් සිදුව ඇතැයි වාර්තාවේ. ජනතාව පදිංචිව සිටින ගොඩනැගිල්ලක මෙම පිපිරීම සිදුව තිබෙන අතර ඉන් කිසිවකුටත් තුවාල සිදුව නැතැයි ද වාර්තා වේ.
ස්වීඩනයේ සිටින අපරාධකරුවන් අත් බෝම්බ සහ හමුදා භාවිත කරන පුපුරණ ද්රව්ය යොදා ගනිමින් වසර කිහිපයක සිට බෝම්බ ප්රහාර එල්ල කරන අතර මෙය ද එවැනි සිදුවීමක් බවට සැක කරයි.
පිපිරීමෙන් ගොඩනැගිල්ලේ ඉදිරිපස කොටසට හානි සිදු වී ඇති අතර වීදුරු කැබැලි සහ සුන්බුන් බිම වැටී තිබෙන අයුරු දැක්වෙන ඡායාරූප කිහිපයක් ද ස්වීඩන මාධ්ය වාර්තා කළේය.
ගොඩනැගිල්ල ආසන්නයේ තිබූ මෝටර් රථ කිහිපයකට ද හානි සිදු වී තිබෙන අතර පිපිරීමේ අරමුණ හෝ එය කර ඇත්තේ කවුරුන්ද යන වගක් හෝ මෙතෙක් අනාවරණය වී නැත.
“පිපිරීම සිදුවුණේ ගොඩනැගිල්ල තුළ ද ඉන් පිටත ද කියලා තාම හරියටම කියන්න බැහැ” යැයි පොලිස් ප්රකාශිකාව එරට පුවත්පතකට පැවැසුවාය.
ස්වීඩන වේලාවෙන් අලුයම එකට පමණ මෙම පිපිරීම සිදුව තිබෙන අතර ඒ අවස්ථාවේදීම අනතුරු ඇඟවීම් නිකුත් කිරීමට එරට බලධාරිහු පියවර ගත්හ.
පිපිරීම සිදුවීම සම්බන්ධයෙන් මූලික පරීක්ෂණයක් ආරම්භ කිරීමට ද ස්වීඩන පොලිසිය පියවර ගෙන ඇත.
ඉන් පැය දෙකකට පසු අලුයම තුනට පමණ උප්සාලාහි පිහිටි රාත්රී සමාජ ශාලාවක් ආසන්නයේදී ද පිපිරීමක් සිදුව ඇත. උප්සාලා යනු ස්ටොක්හෝම් අගනුවරට කිලෝමීටර 70ක් උතුරින් පිහිටි නගරයකි. පිපිරීම් දෙක අතර සම්බන්ධයක් නැතැයි ද පිපිරීමෙන් කිසිවකුත් තුවාල ලබා නැතැයි ද බලධාරීහු කීහ.
ස්වීඩනය යනු ලොව ධනවත්ම ජාතීන්ගෙන් එකක් වන අතර අනෙකුත් බටහිර රටවල් හා සැසඳීමේදී ස්වීඩනයේ ප්රචණ්ඩත්වය ඉතා පහළ මට්ටමක පවතී.
කෙසේ නමුත් ‘නෝඩික්’ රටක් වන ස්වීඩනය තුළින් පසුගිය වසර කිහිපයේදී මැර කල්ලි සම්බන්ධිත ප්රචණ්ඩ ක්රියා සම්බන්ධ සිදුවීම් වාර්තා විය. මෙම මැර කල්ලි මත්ද්රව්ය ජාවාරම් හා ජාවාරම්කරුවන්ට සම්බන්ධ යැයි ද පැවැසේ.
වෙඩි තැබීමේ සිදුවීම් නිසා සෑම වසරකදීම පාහේ ස්වීඩනයේ 20කට 25ක ආසන්න පිරිසකට ජීවිත අහිමි වේ. විශේෂයෙන්ම මැර කල්ලි අතර පවතින ගැටුම් නිසා එසේ වෙඩි තැබීමේ සිදුවීම් වාර්තා වන අතර එකිනෙකා බියගැන්වීම සඳහා ඔවුහු පිපිරීම් ද සිදු කරති.
පසුගිය වසරේ ජනවාරි මාසයේ සිට නොවැම්බර් මාසය දක්වා පිපිරීම් සිදුවීම් 236ක් වාර්තා වී ඇතැයි අපරාධ වැළැක්වීම සඳහා වන ස්වීඩන ජාතික කවුන්සිලය සඳහන් කරයි. කෙසේ නමුත් මෙම සිදුවීම්වලින් බරපතළ තුවාල සිදුවීම් වාර්තා වන්නේ අතළොස්සකි.
ඒ.එෆ්.පී.
(055)
පාකිස්තාන 19 හැවිරිදි යුවතියකට ඉන්දීය ජාතිකයකුගේ හදවතක් සාර්ථකව බද්ධ කිරීමට චෙන්නායි වෛද්යවරුන් පිරිසක් සමත්වී තිබේ.
තායිවානයට අනවශ්ය ලෙස ළං වී, ‘රතු ඉර’ පනින්න එපා යැයි චීන රජය වෙනුවෙන් එරට අග්රාමාත්ය වැංග් ඊ ඊයේ (25) බෙයිජීං අගනුවරට පැමිණි ඇමෙරිකන් රාජ්ය ලේකම් ඇන්
නැගෙනහිර අප්රිකානු රාජ්යයක් වන ටැන්සිනියාවට මහ වැසි ඇද හැලෙයි. මහ වැසි සමඟ පළාත් රැසක් ජලයෙන් යටවී ඇති බව ද වාර්තා වේ. අයහපත් කාලගුණය හේතුවෙන් මරණ 150 ක
ආරක්ෂක සහයෝගීතාවක් වෙනුවෙන්, රුසියාවත් ඉරානයත් අතරේ අවබෝධතා ගිවිසුමකට අත්සන් තැබුණි. ඉරානය වෙනුවෙන් ඉරාන ජාතික ආරක්ෂක කවුන්සිලයේ මහ ලේකම් අලී අක්බා
ස්පාඤ්ඤ අග්රාමාත්ය පේඩ්රෝ සැන්චේස්ගේ බිරිඳට අල්ලස් චෝදනා එල්ල වී ඇති අතර, එම චෝදනා සම්බන්ධයෙන් වහා විමර්ශනයක් අරඹන්නැයි ස්පාඤ්ඤ අධිකරණයක් ඊයේ (24)
චීනය සමඟ යහපත් සබඳතා වර්ධනය කර ගැනීමේ අරමුණින්, ඇමෙරිකා රාජ්ය ලේකම් ඇන්තනි බ්ලින්කන් ඊයේ (25) චීනයේ බෙයිජීං අගනුවරට පැමිණියේය.
ස්වභාවික ශාකසාර අඩංගු ආයුර්වේදයේ විශිෂ්ඨත්වය රැඳි personal care සහ රූපලාවණ්ය නිෂ්පාදන පෙළක් සමග ලොව පුරා ජනතා විශ්වාසයට පාත්ර වූ දැවැන්ත සමාගමක් වන Himalaya Wellness
ආදරය යනු සියලු සීමාවන් ඉක්මවා යන විශ්වීය සංකල්පයකී. එයට හදවත් එකතු කිරීමේ අසීමිත බලයක් ඇත.සැබෑ ප්රේමයක් නිරන්තරයෙන් සියුම් ලෙස අප ආත්මයන් ස්පර්ෂ කරම
ශ්රී ලංකා ප්රමිති ආයතනය (SLSI) විසින් සංවිධානය කරන ලද, ශ්රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්
ස්වීඩනයේ අගනුවර පිපිරිමක්
රවින් Tuesday, 14 January 2020 04:39 AM
ඇයි ඉතින් මෙහෙ හිටපු ලෝකේ දරුණු යයි ගණන් ගැනුණු කට්ටියට අසල් වැසියෝ සප් එක දුන්නා නේද?