(දයාරත්න ඇඹෝගම සහ කාංචන කුමාර ආරියදාස)
 
කහගල්ල ප්‍රදේශයේදී වන අලියෙකු පහරදීමෙන් අද(08) පුද්ගලයකු මිය ගොස් ඇතැයි ගල්කිරියාගම පොලිසිය කියයි.

මිය ගොස් ඇත්තේ කහගල්ල, ආඬියාගල පදිංචිව සිටි ආර්.බී.මුනිදාස නැමති  49 හැවිරිදි අයෙකි.

ගම්මානයට කඩාවැදුණු තනි වනඅලියෙකු නිවසක් බිඳ වී ගෝනිය ගෙන ගමන් කරමින් සිටියදී අලියා එළවීම සඳහා එම පුද්ගලයා සිය පුතා සමඟ එක්වී ඇත. එම අවස්ථාවේදී අලියා පහර දී ඇත.අලියාගේ පහරදීමෙන් එම තැනැත්තාගේ පුතා වන ප්‍රදීප් නිරංජන් මහතා දිවි ගලවාගෙන ඇත.

කහල්ල පල්ලෙකැලේ රක්ෂිතයේ සිටින  අලින් ගම්වැදීම නිසා ජනතාව දැඩි භීතියට පත්ව ඇතැයි ජනතාව පෙන්වා දෙති.

කලා වැව රක්ෂිතයේ ඉඩම් ඉඩකඩම් අනවසර මිනිසුන් අත්පත් කරගෙන ඉතිරි භූමියේ ජලය කිරීම හේතුවෙන් අලින් ආහාර හිඟයකට මුහුණ පා ඇතැයි වනජීවී නිලධාරීහු කියති.

 සිද්ධිය සම්බන්ධයෙන් ගල්කිරියාගම පොලිසිය පරීක්ෂණ පවත්වයි.

(ඡායාරූප - කාංචන කුමාර ආරියදාස)