වසර සිය ගණනක් තිස්සේ, ඇමෙරිකාවේ ඔරෙගන් ප්රාන්තයේ පිහිටා ඇති ‘ඔරෙගන් කේ්රටර්’ (ඔරෙගන් ආවාට) විලේ ගසක කඳක් පාවෙමින් තිබේ. විලක ගසක කඳක් හෝ අත්තක් හෝ ගසක් හෝ පාවීම අරුමයක් නොවුණත්, අරුමය නම්, ‘ඔරෙගන් කේ්රටර්’ විලේ පාවෙන ගසේ කොටස සැමවිටම පාවෙන්නේ කෙළින් (සිරස්) අතට වීමය. එය පොඩ්ඩක්වත් පැත්තට ඇලවී යන්නේ ද නැත.
මේ ගස් කඳ ඔරෙගන් වැසියන් අතරේ පමණක් නොවේ ඇමෙරිකාව පුරා ප්රසිද්ධය. ඔරෙගන් ප්රාන්ත වැසියන් මේ ගස් කැබැල්ල හඳුන්වන්නේ ‘විලේ මහල්ලා’ යන නමිනි. පසුගිය ජූලි පළමු වැනිදා සිට සැප්තැම්බර් පළමු වෙනිදා වෙද්දී, මේ ගස් කඳන් කැබැල්ල සැතපුම් 63 ක දුරක් විලේ පාවී ගොස් තිබුණු බව එය අධ්යනය කිරීමෙන් පෙනී ගොස් තිබේ.
පාවෙමින් ඇත්තේ අඩි 30 ක් පමණ දිග ‘හෙම්ලොක්’ වර්ගයේ ගසක කඳක කැබැල්ලක් බව පැවසෙයි. මෙය අතීතයේ, නායයෑමකට හසුවී කැඩී ගොස් විලට වැටුණු ගසක කොටසක් කියලත් අනුමාන කෙරේ. ඒත් පතුලක් නොපෙනෙන මේ විලේ මේ කඳ කැබැල්ල කෙළින් වෙන්නේ කොහොමද? අනෙක පාවෙමින් එක තැන රැඳී ඇත්තේ කොහොමද? මේක භෞතික විද්යාව පරයන අබිරහසක් බව නොඅනුමානය.
මේ ගසේ කඳේ ඇල්ගී විශේෂයක් ජීවත් වන බව ද පර්ෙය්ෂණවලින් හෙළි වී ඇත. මේ ඇල්ගී වර්ගය විලේ වෙන කිසිම තැනක දකින්න නැතැයි විද්යාඥයෝ වැඩිදුරටත් කියා සිටිති.
සිරස් අතට පාවෙන මේ ‘විලේ මහල්ලා’ ගැන මුලින්ම වාර්තා වී ඇත්තේ 1902 වසරේදීය. ඒ, මෙම කේරටර් විල ජාතික වන රක්ෂිතයට අයත් යැයි මුලින්ම නම් කළ අවස්ථාවේ සිටය. භූ විද්යාඥ ජෝසෙප් එස්. ඩිලර් විටින් විට වසර හයක් තිස්සේ විලට පැමිණ ඇති අතර, ඔහු පැමිණි අවස්ථා හයේදීම ‘විලේ මහල්ලා’ සිරස් අතට පාවෙනවා දකින්න ලැබී තිබේ.
පොතු ගැලැවී ගිය, හිරු රශ්මියට අවපැහැ ගැන්වී දිරාපත් වුණු, ‘විලේ මහල්ලා’ කඳ කැබැල්ලේ විෂ්කම්භය අඩි දෙකකි. එහි කොටසක් වතුර මට්ටමෙන් අඩි හතරක් ඉහළට එසවී පවතී.
ඔරෙගන් කේ්රටර් විල ලෝකයේ ගැඹුරුතම විල් අතරින් නව වැනි ස්ථානයේ පසුවෙයි. ඔරෙගන් ප්රාන්තය අයත් වෙන්නේ ඇමෙරිකාවේ බටහිර දෙසටය. මෙම විල මීටර් 655කට වඩා ගැඹුරින් යුක්තය. මෙය අතීතයේ මසාමා නමැති යමහල (ගිනි කන්ද) හේතුවෙන් නිර්මාණය වුණු මිරිදිය විලකි. වර්ග සැතපුම් 20.6 ක් පුරා විල පැතිරී ඇත. විලේ ‘විසර්ඩ්’ සහ ‘ෆැන්ටම් ෂිප්’ යනුවෙන් කුඩා දූපත් දෙකක් ද පිහිටා තිබෙන බව පැවසෙයි.
ලුසිත ජයමාන්න
ඩේලිමේල් ඇසුරිනි
හීන් නෝනා දියණිය දෙස බැලුවේ කරදර දෑසිනි. දුරකථනය හරහා ආවේ සුබ පණිවිඩයක් නොවන බැව් ඇගේ මුහුණ කියා පෑවේය. “කවුද කතා කෙරුවේ..?” හීන් නෝනා විමසුවාය. “අයිය
මෙවර U Tube ලෝකය තුළින් ඉරිදා ලංකාදීපයෙන් කතාබහ කරන්න හිතුවේ සමාජ මාද්ය ඔස්සේ අතිශය ජනප්රිය Girls Voice Band එකක් පිළිබඳව. ඒ Yellow Beats කණ්ඩායම කුෂිනි ප්රවින්ද්යා, දි
ශ්රී ලංකාවේ පබලු භාවිතය පිළිබඳ පුරාණතම සාධක අයත් ෙවන්නේ ප්රාග් ඓතිහාසික යුගයටය. ක්රි.පූ. (900-600) අතර මුල් යුගයේදී ජනතාව පබලු භාවිතය සුලබව සිදුකොට ඇති
හින්දු පුරාණයට අනුව විෂ්ණු දෙවි යනු ලොව සුරකින්නාය. ලෝකයේ තිර පැවැත්ම පිණිසත්, ධර්මය රැකීමටත්, අදමිටුවන් විනාශ කිරීමටත් වරින්වර විෂ්ණු ලොව පහළවන බව මහ
මසින් ලෙයින් නිර්මිත මසැසට භෞතික ලෝකයේ බොහෝ සංසිද්ධි දැක ගත හැකි වුවත් ඉන් එහා ඇති අවිඥාණික දේ පෙනෙන්නේ නැත. භූගත පෘෂ්ඨ වංශික ඇතැම් සතුන් හැරුණු විට සෙ
සිත්තම්ගල ගල් ලෙන බලන්නට මී ආතා “බරින්දු” එක්ක ගෙන ගියේ ගැල් කරත්තයෙන්ය. “අපේ රැහේ උන් තමයි දරුවෝ මෙතන නැණපිල පටන් ගෙන සාහිත රස බෙදුවේ.” එදා මී ආතා කී ක
ස්වභාවික ශාකසාර අඩංගු ආයුර්වේදයේ විශිෂ්ඨත්වය රැඳි personal care සහ රූපලාවණ්ය නිෂ්පාදන පෙළක් සමග ලොව පුරා ජනතා විශ්වාසයට පාත්ර වූ දැවැන්ත සමාගමක් වන Himalaya Wellness
ආදරය යනු සියලු සීමාවන් ඉක්මවා යන විශ්වීය සංකල්පයකී. එයට හදවත් එකතු කිරීමේ අසීමිත බලයක් ඇත.සැබෑ ප්රේමයක් නිරන්තරයෙන් සියුම් ලෙස අප ආත්මයන් ස්පර්ෂ කරම
ශ්රී ලංකා ප්රමිති ආයතනය (SLSI) විසින් සංවිධානය කරන ලද, ශ්රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්
ඇමෙරිකාවේ ඔරෙගන් විලේ පාවෙන ‘මහල්ලා’