ආහාර නැතිව අපට සති 3 ක් ජීවත් විය හැකියි. ජලය නොමැතිව දින 3ක් ජීවත් විය හැකියි. ඒත් හුස්ම නැතිව අපට ජීවත් වීමට හැකි වන්නේ මිනිත්තු 3ක් පමණි. ඉන්දියාවේ නවදිල්ලි අගනුවර යළිත් වරක් විෂ දුමාරයකින් වැසී යද්දී, එම විෂ දුමාරයෙන් කොළඹට ද බලපෑම් එල්ල කරාවි යැයි අනතුරු ඇඟවෙද්දී බිය නොවන්නේ කවුරුන්ද?
මේ වනවිට ලොව වායු දූෂණය වැඩිම නගරය ලෙස වායු දූෂණය දර්ශකයේ ඉහළින්ම ඇත්තේ නවදිල්ලි අගනුවරය. නගර වසා ගන්නා මෙවැනි විෂ දුමාර හැඳින්වෙන්නේ ‘ස්මොග්’ (Smog) යනුවෙනි. ස්මොග් යන්නෙහි අර්ථය දුම (Smoke) සහ මීදුම (Fog) එක්වී නිර්මාණය වූ විෂ වායු වලාව යන්නය. රථවාහනවලින් නැගෙන විෂ දුම්, කර්මාන්තශාලාවලින් පිටවන විෂ දුම් සහ වනාන්තර හෙළි පෙහෙළි කිරීමේ දී සහ ගොවිතැන් කටයුතුවල දී නිකුත් වන දුම් එක්වීමෙන් ස්මොග් නිර්මාණය වෙයි.
ස්වසන රෝග ඇති කිරීමටත්, ස්වසන රෝග ඇති අයගේ රෝගී තත්ත්වයන් උත්සන්න කිරීමටත් මෙම විස දුමාරය හේතුවක් බව වෛද්යවරු පෙන්වා දෙති. භයානකම දේ එය නොවෙයි, වායු දූෂණය නිසා වසරක් පාසා ලොව පුරා නොමේරු දරුවන් විසි එක් ලක්ෂයක් (මිලියන 2.1ක්) මියයෑමය.
ඇමෙරිකාවේ නාසා ආයතනයේ පෘථිවි නිරීක්ෂණ චන්ද්රිකා දත්ත අනුව, වායු දූෂණය වැඩියෙන් සිදු වන ප්රදේශ දැක්වෙන ලෝක සිතියමක් සකස් කර ඇත. ඒ, මෙහි ඇති අවදානම හා තත්ත්වය තේරුම් ගැනීමට පහසුවන ලෙසිනි. මෙම සටහන සමඟ පළ වන්නේ එම සිතියම ය. ඒ දෙස බැලූ පමණින්, වායු දූෂණයට බලපාන ප්රධාන සාධකය ලෙස සැලකෙන ඉතා සියුම් අංශු (Fine Particulate Matter) කොටස් ලොව පුරා විසිරී ඇති අන්දම පැහැදිලිව දකින්න ලැබේ.
මේ සියුම් අංශු කොටස් සෑදී ඇත්තේ දූවිලි හා දැලි අංශුවලිනි. මේවා ඉතා සියුම්ය. ප්රමාණයෙන් මයික්රොමීටර් 2.5ක් හෝ ඊටත් කුඩාය. අතිශයින් කුඩා ප්රමාණය නිසා විද්යාත්මකව මේවා හඳුන්වන්නේ ‘පාටිකියුලේට් මැටර් 2.5’ හෙවත් පීඑම් 2.5 යන නාමයෙනි. ඉතාමත් කුඩා නිසා මේවා පහසුවෙන් කෙනකුගේ ශ්වසන පද්ධතිය හරහා පෙණහැල්ලට ඇතුළු වී දරුණු ලෙස රෝගාබාධ ඇති කිරීමට සමත් වෙයි. මේ පීඑම් 2.5 නමැති අංශු මෝටර් රථවල පිටාර වායුව තුළත්, කර්මාන්ත ශාලාවලින් නිකුත් වෙන දුම්වලත්, ගෘහස්තව හා ස්වාභාවික ක්රමවලින් වායු ගෝලයට එක්වෙන දුම්වලත් අඩංගු වෙයි. දත්ත පාදක කර ගනිමින් මෙම සිතියම නිර්මාණය කරනු ලැබුවේ, ඇමෙරිකාවේ උතුරු කැරොලිනා විශ්වවිද්යාලයේ පරිසර විද්යා අංශයේ සහය මහාචාර්ය ජෝන් වෙස්ට් විසිනි.
ලුසිත ජයමාන්න
ඩේලිමේල් ඇසුරිනි
හීන් නෝනා දියණිය දෙස බැලුවේ කරදර දෑසිනි. දුරකථනය හරහා ආවේ සුබ පණිවිඩයක් නොවන බැව් ඇගේ මුහුණ කියා පෑවේය. “කවුද කතා කෙරුවේ..?” හීන් නෝනා විමසුවාය. “අයිය
මෙවර U Tube ලෝකය තුළින් ඉරිදා ලංකාදීපයෙන් කතාබහ කරන්න හිතුවේ සමාජ මාද්ය ඔස්සේ අතිශය ජනප්රිය Girls Voice Band එකක් පිළිබඳව. ඒ Yellow Beats කණ්ඩායම කුෂිනි ප්රවින්ද්යා, දි
ශ්රී ලංකාවේ පබලු භාවිතය පිළිබඳ පුරාණතම සාධක අයත් ෙවන්නේ ප්රාග් ඓතිහාසික යුගයටය. ක්රි.පූ. (900-600) අතර මුල් යුගයේදී ජනතාව පබලු භාවිතය සුලබව සිදුකොට ඇති
හින්දු පුරාණයට අනුව විෂ්ණු දෙවි යනු ලොව සුරකින්නාය. ලෝකයේ තිර පැවැත්ම පිණිසත්, ධර්මය රැකීමටත්, අදමිටුවන් විනාශ කිරීමටත් වරින්වර විෂ්ණු ලොව පහළවන බව මහ
මසින් ලෙයින් නිර්මිත මසැසට භෞතික ලෝකයේ බොහෝ සංසිද්ධි දැක ගත හැකි වුවත් ඉන් එහා ඇති අවිඥාණික දේ පෙනෙන්නේ නැත. භූගත පෘෂ්ඨ වංශික ඇතැම් සතුන් හැරුණු විට සෙ
සිත්තම්ගල ගල් ලෙන බලන්නට මී ආතා “බරින්දු” එක්ක ගෙන ගියේ ගැල් කරත්තයෙන්ය. “අපේ රැහේ උන් තමයි දරුවෝ මෙතන නැණපිල පටන් ගෙන සාහිත රස බෙදුවේ.” එදා මී ආතා කී ක
ස්වභාවික ශාකසාර අඩංගු ආයුර්වේදයේ විශිෂ්ඨත්වය රැඳි personal care සහ රූපලාවණ්ය නිෂ්පාදන පෙළක් සමග ලොව පුරා ජනතා විශ්වාසයට පාත්ර වූ දැවැන්ත සමාගමක් වන Himalaya Wellness
ආදරය යනු සියලු සීමාවන් ඉක්මවා යන විශ්වීය සංකල්පයකී. එයට හදවත් එකතු කිරීමේ අසීමිත බලයක් ඇත.සැබෑ ප්රේමයක් නිරන්තරයෙන් සියුම් ලෙස අප ආත්මයන් ස්පර්ෂ කරම
ශ්රී ලංකා ප්රමිති ආයතනය (SLSI) විසින් සංවිධානය කරන ලද, ශ්රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්
හුස්ම විස වුණාම තවත් මොන කතා ද?