IMG-LOGO

හම්බෙගමුව - කොළොන්න රෝහල්වල වැඩ අඩාලවීමෙන් රෝගීන් පීඩාවට

(අජිත්ලාල් ශාන්තඋදය සහ ජයන්ත නානායක්කාර)
 
හම්බෙගමුව රෝහලේ සේවය කරමින් සිටි වෛද්‍යවරියක් කොළොන්න රෝහලට ප‍්‍රධාන වෛද්‍ය නිලධාරිනිය ලෙස ස්ථාන මාරු කිරීමට විරෝධය පා රෝහල් දෙකේම සිටි වෛද්‍යවරු ඇඹිලිපිටිය දිසා මහ රෝහලේ සහ මොනරාගල ප‍්‍රාදේශීය සෞඛ්‍ය සේවා අධ්‍යක්‍ෂ කාර්යාලයේ රාජකාරී අත්සන් කිරීම හේතුවෙන් රෝහල් දෙකේම වැඩ අඩාලවීමෙන් තමන් දැඩි අසීරුවට පත්ව සිටිව බව රෝගීහු පවසති.
 
සෞඛ්‍ය අමාත්‍යාංශය මගින් මෙම ස්ථාන මාරුව කරඇත්තේ ක‍්‍රමවේදයට පිටින් බව රජයේ වෛද්‍ය නිලධාරීන්ගේ සංගමය පවසයි. ඒ අනුව එම සංගමයේ උපදෙස් අනුව සාමාජික වෛද්‍යවරු ප්‍රාදේශීය සෞඛ්‍ය සේවා අධ්‍යක්‍ෂ කාර්යාලවල රාජකාරී අත්සන් කිරීමට ක‍්‍රියා කළහ.
 
කොළොන්න රෝහලට අද(07) අලුයම උදරයේ දැඩි වේදනාවකින්  පසුවු දරුවෙකුට ප‍්‍රතිකාර කිරීමට වෛද්‍යවරයෙකු නොමැතිකම හේතුවෙන් 1990 හදිසි ගිලන් රථ සේවයේ සහයෙන් ඇඹිලිපිටිය දිසා මහ රෝහලට ගෙනගිය බව ඥාතීහු පැවසුහ.
 
කොළොන්න ප‍්‍රාදේශීය රෝහලෙන් ප‍්‍රතිකාර ගැනීමට දිනකට 500කට වැඩි පිරිසක් පැමිණෙන බවද, කොලොන්න, වෙලේවත්ත, කෑලිගම, මඩුවන්වෙල, අඹගහයාය, කලූගල, බුලූතොට, ආදී දුෂ්කර ගම්වල ජනතාවට ඇති ආසන්නතම රෝහල කොළොන්න රෝහල වන බවද රෝහල් ප‍්‍රකාශකයෙක් පැවසුවේය.
 
එසේම හම්බෙගමුව, කලවැල්ගල, අරඹෙකෙම, අඟුණකොළපැලැස්ස, හම්බෙගමුව ජනපදය, දහයියාගල, කොටවෙහෙර මංකඩ, ලගිනගල, කහකුරුල්ලන්පැලැස්ස, මයිලවෙල, බලහරුව,  අලූත්වැව, රතඹලාගම, මහවැව ආදී ගම්වල ජනතාවට ප‍්‍රතිකාර සඳහා ආසන්නම රෝහල හමුබෙගමුව ප‍්‍රාදේශීය රෝහලයි. 

කොළොන්න ප‍්‍රාදේශීය රෝහලේ ප‍්‍රධාන වෛද්‍යවරයෙකු ඇතුලූ වෛද්‍යවරු පස්දෙනෙකු සේවයේ නියුතුව සිටියදී හම්බෙගමුව රෝහලේ සේවය කළ වෛද්‍යවරියක් ප‍්‍රධාන වෛද්‍යවරිය ලෙස සෞඛ්‍ය අමාත්‍යාංශය මගින් පසුගිය 01දා සිට ක‍්‍රියාත්මක වන පරිදි පත්කර එවා තිබූ බව සබරගමු පළාත් සෞඛ්‍ය සේවා අධ්‍යක්‍ෂවරයා පැවසුවේය.
 
ඉන්පසු පසුගිය 03දා සිට කොළොන්න රෝහලේ සේවය කළ වෛද්‍යවරු පස්දෙනා සහ හම්බෙගමුව රෝහලේ සේවය කළ වෛද්‍යවරු දෙදෙනා රජයේ වෛද්‍ය නිලධාරීන්ගේ සංගමයේ උපදෙස් අනුව රත්නපුර සහ මොණරාගල ප‍්‍රාදේශීය සෞඛ්‍ය වෛද්‍ය නිලධාරි කාර්යාලවලට රාජකාරී වාර්තා කළහ.
 
ඒ අනුව එදින පටන් හම්බෙගමුව රෝහලේ ප‍්‍රතිකාර සියල්ල ඇනහිට වාට්ටුවල ද රෝගීන් නොමැතිව සායන ප‍්‍රතිකාර ද නැවතී තිබේ. වෛද්‍යවරු ලබාදෙන්නැයි හම්බෙගමුව ප‍්‍රදේශවාසීහූ පසුගිය 04දා බළන්ගොඩ සිට හම්බෙගමුව හරහා තණමල්විල ප‍්‍රධාන මාර්ගය හම්බෙගමුවෙන් හරස් කර විරෝධතාවක් ද පැවැත්වූහ. එහෙත් අද (07) දහවල් වනතුරු හම්බෙගමුව රෝහලට වෛද්‍යවරු කිසිවෙකුත් රාජකාරී සඳහා පැමිණ නොසිටිහ. පසුව කොළොන්න රෝහලේ වෛද්‍යවරු ඇඹිලිපිටිය දිසා මහරෝහලේ රාජකාරියට වාර්තාකළහ.
 
සබරගමු පළාත් සෞඛ්‍ය සේවා අධ්‍යක්‍ෂ වෛද්‍ය කපිල කන්නන්ගර මහතා පැවසුවේ වෛද්‍යවරු ස්ථාන මාරු කිරීම සෞඛ්‍ය අමාත්‍යාංශයේ ලේකම්වරයාගේ උපදෙස් මත සිදුකරන බවයි. එබැවින් පළාත් සෞඛ්‍ය අමාත්‍යාංශයට ඒ සම්බන්‍ධයෙන් ගතහැකි පියවරක් නොමැති බවයි.
 



අදහස් (1)

හම්බෙගමුව - කොළොන්න රෝහල්වල වැඩ අඩාලවීමෙන් රෝගීන් පීඩාවට

නාලික වනසිංහ Tuesday, 08 October 2019 05:18 PM

මෙම පුවත නිවැරදි විය යුතුයි. ඉහත සඳහන් පරිදි කිසිම නිත්‍යානුකුල නොවූ ස්ථානමාරුවක් සිදු වී නොමැත. එමෙන්ම ඉහත සඳහන් කල දරුවා ඇඹිලිපිටිය රෝහල වෙත යවනු ලැබුවේද මෙම වෛද්‍යවරියම වන්නේය 2019.10.03 දින සිට ඉහත සඳහන් වෛද්‍යවරිය නිල නිවසක් හෝ නොමැතිව පැය 24 පුරාවට තම රාජකාරිය කරමින් සිටි. ඒ පිළිබඳව ඔබගේ අවධානය යොමුකර සිටිමි

:       0       0

ඔබේ අදහස් එවන්න

 

 
 

මේවාටත් කැමතිවනු ඇති

ශ‍්‍රී ලංකා ඉන්ෂුවරන්ස් ලයිෆ් ජීවිත රක්ෂණ ඔප්පුහිමියන් සඳහා දැවැන්තම බෝනස් දීමනාව ලෙස රු.බිලියන 12.5 ක් ප‍්‍රකාශයට පත් කරයි 2025 ජුලි මස 04 51 0
ශ‍්‍රී ලංකා ඉන්ෂුවරන්ස් ලයිෆ් ජීවිත රක්ෂණ ඔප්පුහිමියන් සඳහා දැවැන්තම බෝනස් දීමනාව ලෙස රු.බිලියන 12.5 ක් ප‍්‍රකාශයට පත් කරයි

ශ‍්‍රී ලංකා ඉන්ෂුවරන්ස් ලයිෆ් තම වාර්තාව අභිබවා යමින් මෙරට රක්ෂණ ඉතිහාසයේ දැවැන්තම බෝනස් දීමනාව වන රුපියල් බිලියන 12.5 ක ජීවිත රක්ෂණ බෝනස් දීමනාව 2024 වසර

ස්වදේශී කොහොඹ කතරගම කිරි වෙහෙර සහ රුහුණු මහා කතරගම දේවාලය 24වන වරටත් ආලෝකමත් කරයි 2025 ජුලි මස 01 441 1
ස්වදේශී කොහොඹ කතරගම කිරි වෙහෙර සහ රුහුණු මහා කතරගම දේවාලය 24වන වරටත් ආලෝකමත් කරයි

ශ්‍රී ලංකාවේ වැදගත් පූජනීය බෞද්ධ ආගමික සිද්ධස්ථානයන් වන කතරගම කිරි වෙහෙර සහ රුහුණු කතරගම මහා දේවාලයේ 2025 ඇසළ උත්සවය, ශාකසාර සබන් සහ ශාකසාර පෞද්ගලික

ශ්‍රී ලාංකීය දේපල වෙලදාම් ක්ෂේත්‍රයේ ප්‍රමුඛතම සමාගම වන  හෝම්ලෑන්ඩ්ස් සමුහය මෙරට ඉතිහාසයේ විශාලතම දේශීය නිවාස ව්‍යාපෘති ආයෝජනය සනිටුහන් කරමින් PENTARA RES 2025 ජුනි මස 26 879 0
ශ්‍රී ලාංකීය දේපල වෙලදාම් ක්ෂේත්‍රයේ ප්‍රමුඛතම සමාගම වන හෝම්ලෑන්ඩ්ස් සමුහය මෙරට ඉතිහාසයේ විශාලතම දේශීය නිවාස ව්‍යාපෘති ආයෝජනය සනිටුහන් කරමින් PENTARA RES

එදා මෙදාතුර ශ්‍රී ලාංකීය දේපල වෙළදාම් ක්ෂේත්‍රයේ දැවැන්තම සහ අති සුඛෝපභෝගී නිවාස සංකීර්ණ ව්‍යාපෘතිය වන Pentara Residencies තුන්මුල්ල හංදිය ,The Address in Colombo එළි දැක්වීම

Our Group Site