(ඔගස්ටින් ප්‍රනාන්දු)      
 
හලාවත කොළඹ මාර්ගයේ කාක්කපලිල්ය පම්බල ප්‍රදේශයේ දි වෑන් රථයක් ගැටීමෙන් අද ( 28) සිදුවු අනතුරකින් පාපැදිකරුවෙකු මිය ගොස් ඇති බව මාදම්පේ පොලිසිය කියයි.
 
මෙසේ මිය ගොස් ඇත්තේ ගල්මුරුව හෙලේනා වත්තේ විසු වර්ණකුලසුරිය ජස්ටින් ප්‍රනාන්දු ( 64 ) නමැති විවාහකයෙකි.
 
වෑන් රථය රාජාංගනයේ සිට කොළඹ දෙසට ගමන් කරමින් සිටිය දි හලාවත දෙස සිට මාදම්පේ ගල්මුරුව දෙසට මාළු රැගෙන යමින් තිබු පාපැදියක ගැටී අනතුර වී තිබිණි. වෑන් රථයේ රියදුරුට නින්ද යාමෙන් අනතුර වී ඇතැයි පොලිසිය කියයි.
 
මෘත ශරීරය මරණ පරීක්ෂණ කටයුතු සඳහා හලාවත දිස්ත්‍රික් මහ රෝහලට ගෙන ගොස් ඇත.
 
 වාහනය හා එහි රියදුරු පොලිසිය අත්අඩංගුවට ගෙන ඇත.