(අමදෝරු අමරජීව)
 
ශ්‍රී ලංකා විදුලිබල මණ්ඩලයේ ප්‍රාදේශීය විදුලි ඉංජිනේරු කාර්යාලයේ පරණ යකඩ තොගයක සඟවා යකඩ විකුණූ ගබඩා භාරකරුවෙකු අත්අඩංගුවට ගත් බව ත්‍රිකුණාමලය මුලස්ථාන පොලිසිය පවසයි.
 
මෙම යකඩ තොගයේ වටිනාකම රුපියල් ලක්ෂයක් බව පොලිසිය කියයි.
 
ත්‍රිකුණාමලය, තිරුඥාන සම්බන්දර් වීදියේ පරණ යකඩ බඩු වෙළඳසැලකට මෙම හොර යකඩ තොගය විකුණන අවස්ථාවේ සැකකරු අත්අඩංගුවට ගෙන ඇත.
  
මිල ගණන් කැඳවා නියමිත ක්‍රමවේදයක් තුළ යකඩ තොග ඉවත්කරද්දී සැක නොසිතන ලෙසින් ඒවා ලොරියකින් පිටතට ගෙන ගොස් ඇතැයි පොලිසිය කියයි.
 
මේ සම්බන්ධයෙන් ප්‍රාදේශීය විදුලි ඉංජිනේරුවරයා විශේෂ අපරාධ විමර්ශන ඒකකය වෙත පැමිණිලි කර තිබේ.
 
සැකකරු අධිකරණයට ඉදිරිපත්කිරීමට නියමිතය.
 
ත්‍රිකුණාමලය මූලස්ථාන පොලිසිය වැඩිදුර පරීක්ෂණ පවත්වයි.