( නාලක ජේ. හෙට්ටිආරච්චි සහ සම්පත් ප‍්‍රියනන්දන)
 
නිවසකට ඇතුළු වී රුපියල් එක්ලක්‍ෂ හතලිස් නවදහසක් වටිනා ස්වර්ණාභරණ සොරකම් කළ සැකකරුවෙකු මේ මස (08) වැනිදා දක්වා රක්ෂිත බන්ධනාගාර ගත කරන ලෙස බළන්ගොඩ මහේස්ත‍්‍රාත් ජයරුවන් දිසානායක මහතා අද (01) දා නියෝග කළේය.
 

මෙලෙස රක්ෂිත බන්ධනාගාර ගත කරන ලද්දේ බළන්ගොඩ පොලිස් බල ප‍්‍රදේශයට අයත් වෙලේ කුඹුර ප‍්‍රදේශයේ පදිංචි (32) හැවිරිදි පුද්ගලයෙකි.
 
ඉකුත් 26 බළන්ගොඩ වෙළේ කුඹුර ප‍්‍රාදේශයේ නිවසකට ජනේලයකින් රිංගා රුපියල් එක්ලක්‍ෂ හතලිස් නවදහසක් වටිනා ස්වර්ණාභරණ සොරකම් කරගෙන ගොස් ඇති බවට බළන්ගොඩ පොලිසීය වෙත පැමිණිල්ලක් ලැබී තිබුණි.
 
ඒ අනුව එම ප‍්‍රදේශයේ පරීක්ෂණයක් ආරම්භ කළ බළන්ගොඩ පොලීසියේ නිලධාරීන් විසින් සොරකම් කරන ලද ස්වර්ණාභරණ සමඟ  මෙම සැකකරු අද (31) අත්අඩංගුවට ගනු ලැබීය.
 
එහිදී එම සැකකරු බළන්ගොඩ මහේස්ත‍්‍රාත්වරයා හමුවට ඉදිරිපත් කිරීමෙන් අනතුරුව මෙලෙස රක්ෂිත බන්ධනාගාර ගත කෙරිණි.