(බිමල් ශ්‍යාමන් ජයසිංහ)
දෙහිවල පොලිස් වසමට අයත් ප්‍රදේශ දෙකකදී අද(21) කළ වැටලීම් දෙකකින් මාවා මත්ද්‍රව්‍ය පැකට් 150ක් සමඟ පුද්ගලයින් පස්දෙනෙකු අත්අඩංගුවට ගත් බව ගල්කිස්ස කොට්ඨාස දූෂණ මර්දන අංශය කියයි.
එම මාවා මත්ද්‍රව්‍යවල වටිනාකම රුපියල් 30,000ක පමණ වන බව පොලිසිය කියයි.
අත්අඩංගුවට පත්වූවන් අතර මාවා පැකට් මිලදී ගැනීමට පැමිණි පුද්ගලයින් දෙදෙනෙකුද වන බව පොලිසිය පවසයි.
ගල්කිස්ස කොට්ඨාස දූෂණ මර්දන අංශයේ ස්ථානාධිපති පොලිස් පරීක්ෂකවරයා ලද තොරතුරකට අනුව දෙහිවල විජය කුමාරතුංග පිළිරුව පිටුපස තාවකාලිකව නගන ලද කූඩාරමක හා ඇල්බට් පෙදෙසේ වෙළඳසැලක වැටලීම කළ බව පොලිස් නිලධාරියෙක් පැවසීය.
අත්අඩංගුවට ගත් පුද්ගලයන් ගල්කිස්ස අධිකරණයට ඉදිරිපත් කිරීමට නියමිතය.
ඔබේ අදහස් එවන්න.
ඔබේ අදහස් සිංහලෙන්, ඉංග්‍රීසියෙන් හෝ සිංහල ශබ්ද ඉංග්‍රීසි අකුරෙන් ලියා එවන්න.
