2021 මාර්තු මස 06 වන සෙනසුරාදා
මාර්ගයේ ඇද තිබූ විදුලි රැහැනක වැදී අයෙක් මරුට
(අනීෂා මානගේ)
සිය කුඩා කැබ් රථයෙන් නිවෙසට යමින් සිටියදී මාර්ගයේ ඇද තිබූ විදුලි රැහැනක පැටලීමෙන් ව්‍යාපාරික දෙදරු පියකු ඊයේ(16) රාත්‍රීයේ මිය ගොස් ඇතැයි කටුවන පොලිසිය කියයි.
මෙලෙස මියගොස් ඇත්තේ කටුවන හිඟුරකන්ද ප්‍රදේශයේ පදිංචි අගම්පොඩිගේ විජේතුංග(35) නම් දෙදරු පියෙකු බව පොලිසිය කියයි.
එම පුද්ගලයා ව්‍යාපාරිකයකු වන අතර ඔහුට අයත් බව කියන කුඩා කැබ් රථයෙන් නිවෙසට යමින් සිටියදී නිවෙස ඉදිරිපස මාර්ගයේ වාහනය ලිස්සා ගොස් අසල තිබූ කානුවකට වැටී ඇත. ඔහු නැවත වාහනය පිටුපසට සහ ඉදිරියට ගැනීමේදී මාර්ගය හරහා ඇද තිබූ විදුලි රැහැන වාහනයේ පිටුපසින් සවි කර තිබූ බව කියන අමතර කොටසක පැටලී වයරය කැපී ඇතැයි පොලිසිය කියයි.
එහිදී ඔහු වාහනයෙන් බැස වාහනය කානුවෙන් ගොඩගැනීමට උත්සාහ කිරීමේදී විදුලි සැර වැදී ඇතැයි පොලිසිය කියයි.
ඔබේ අදහස් එවන්න.
ඔබේ අදහස් සිංහලෙන්, ඉංග්රීසියෙන් හෝ සිංහල ශබ්ද ඉංග්රීසි අකුරෙන් ලියා එවන්න.
