2020 සැප්තැම්බර් මස 27 වන ඉරිදා
කින්නියා සහ පුත්තලම යන ප්‍රදේශයන්හිදී මත්ද්‍රව්‍ය ළඟ තබා ගත් පුද්ගලයින් තිදෙනෙකු අද (09) නාවික හමුදාව අත්අඩංගුවට ගෙන තිබේ.
පුත්තලම, මත්ද්‍රව්‍ය නාශක කාර්යාලය, නාවික හමුදාව සහ පොලීසිය එක්ව කළ මෙහෙයුමකදී මත්ද්‍රව්‍ය සමඟ මෙම සැකකරුවන් අත්අඩංගුවට ගෙන ඇත.
කින්නියා, සමච්චතිව් ප්‍රදේශයේදී සැකකටයුතු යතුරුපැදියක් පරීක්ෂා කිරීමේදී එහි ගමන් කළ පුද්ගලයා සතුව තිබී ගංජා කිලෝග්‍රෑම් 2ක ප්‍රමාණයක් සොයාගෙන ඇත. එම සැකකරු වයස අවුරුදු 26 ක් වන කින්නියා ප්‍රදේශයේ පදිංචිකරුවෙකි.
පුත්තලම ප්‍රදේශයේදී හෂිස් නැමැති මත්ද්‍රව්‍ය ග්‍රෑම් 100 ක් සමඟ පුද්ගලයින් දෙදෙනෙකු අත්අඩංගුවට ගැනීමට සමත්ව ඇත. මෙම සැකකරුවෝ අවුරුදු 21 සහ 29 වන වියෙහි පසුවන මාදම්පේ සහ පුත්තලම ප්‍රදේශයේ පදිංචිකරුවෝ වෙති.
මෙම මත්ද්‍රව්‍ය අලෙවි කිරීම සඳහා රැගෙන යමින් සිටියදී මෙලෙස අත් අඩංගුවට ගෙන ඇත.
එම පුද්ගලයින් සහ මත්ද්‍රව්‍ය ප්‍රමාණය ඉදිරි විමර්ශන කටයුතු සඳහා පුත්තලම, පොලීසිය වෙත භාර දීමට කටයුතු කරන ලදී.
(ඡායාරූප - නාවික හමුදා මාධ්‍ය අංශය)
ඔබේ අදහස් එවන්න.
ඔබේ අදහස් සිංහලෙන්, ඉංග්රීසියෙන් හෝ සිංහල ශබ්ද ඉංග්රීසි අකුරෙන් ලියා එවන්න.
