2021 මාර්තු මස 04 වන බ්රහස්පතින්දා
බලන්ගොඩ නගර සභාව උණුසුම් වෙයි
(සම්පත් ප්‍රියනන්දන සහ නාලක ජේ. හෙට්ටිආරච්චි)
බලන්ගොඩ නගරසභාවේ සභාපතිවරයා ලෙස මුස්ලිම් මන්ත්‍රීවරයෙකු පත්කිරීම පිළිබඳව එම සභාවේ මන්ත්‍රීවරියක විසින් මුහුණ පොතේ උපහාසාත්මකව යමක් සඳහන් කිරීමේ සිදුවීමක් සම්බන්ධයෙන් අද (21) සභාවේ උණුසුම් තත්ත්වයක් ඇති විය.
සභාපති ධුරය දැරූ චමික විමලසේන මහතා විනය පරීක්ෂණයක් සඳහා මාස තුනකට තාවකාලිකව ඉවත් කර උප සභාපති ලෙස කටයුතු කළ මොහොමඩ් රූමි මහතා සභාපතිවරයා ලෙස ආණ්ඩුකාරවරයා විසින් විශේෂ ගැසට් පත්‍රයක් මගින් පත්කෙරිණි.
නව සභාපතිවරයා ශ්‍රී ලංකා නිදහස් පක්ෂයේ මුස්ලිම් ජාතිකයෙකු බැවින් එක්සත් ජාතික පක්ෂයේ සුනේත්‍රා වීරසිංහ මන්ත්‍රීවරිය විසින් සිය මුහුණපොතේ උපහාසාත්මක ප්‍රකාශයක් පළ කර ඇතැයි ශ්‍රී ලංකා පොදුජන පෙරමුණේ නදීශාන් වික්‍රමආච්චි මහතා විසින් සභාවේදී ප්‍රකාශ කරන ලදී.
මේ හේතුවෙන් මන්ත්‍රීවරුන් අතර වාග් ප්‍රහාරයක් ඇතිවී බලන්ගොඩ නගර සභාවේ උණුසුම් තත්වයක් ඇති විය.
ඔබේ අදහස් එවන්න.
ඔබේ අදහස් සිංහලෙන්, ඉංග්රීසියෙන් හෝ සිංහල ශබ්ද ඉංග්රීසි අකුරෙන් ලියා එවන්න.
