(රංජිත් රාජපක්ෂ)

තේ දලු නෙළමින් සිටි වතු කම්කරුවන් පිරිසකට අද(01) බඹරු ඇනීමෙන් කම්කරු කාන්තාවන් පස්දෙනෙකු තුවාල ලබා බගවන්තලාව ප්‍රාදේශීය රෝහල වෙත ඇතුළත් කර ඇති බව බගවන්තලාව පොලිසිය පවසයි.

බගවන්තලාව පොලිස් වසමට අයත් බගවන්තලාව වත්තේ ඉහළ කොටස් තේ දලු නෙලමින් සිටි වතු කම්කරුවන් පිරිසකට තේ පඳුර මත බැඳ තිබූ බඹර කූඩුවක් ඇවිස්සී බඹරු ඇන ඇති බව බගවන්තලාව පොලිසිය කියයි.

පසුගිය දිනවල මධ්‍යම කඳුකරයේ බටහිර බෑවුම් ප්‍රදේශවලට ඇදහැලුණු අධික වර්ෂාවත් සමඟ තේ වතු ආශ්‍රිත ගස්වල සහ තේ පඳුරු මත බඹරුන් විශාල වශයෙන් කූඩු බැඳ තිබූ බව රෝහල් ගතකර සිටින වතු කම්කරු කාන්තාවෝ පවසති.