(හිරාන් ප්‍රියංකර ජයසිංහ)

වසරකට ආසන්න කාලයක් නිසි ලෙස තම වගාවන් සදහා පොහොර සපයා ගැනිමේ දි පැවති ගැටළුව මේ වන විට උග්‍ර වි ඇති බව පුත්තලම දිස්ත්‍රික්කයේ එළවළු ඇතුළු සෙසු භෝග වගාකරුවෝ පවසති.

මෙම පොහොර හිගය තදින් මේ වන විට බලපා ඇත්තේ කල්පිටිය අර්ධද්විපයේ අක්කර 15000 කට ආසන්න වගාකර ඇති එළවළු හා පලතුරු වගා බිම් වෙත බව වගාකරුවන් පවසයි .

එසේම දිස්ත්‍රික්කයේ සෙසු එළවළු හා පළතුරු වගාකරුවන්ද තම වගාවට රසායනික පොහොර සපයා ගැනිමේදි බරපතලම ගැටලුවට මුහුණ දි ඇති බව කියයි.

ශ්‍රී ලංකාවේ එළවළු අවශ්‍යතාවයෙන් 30% වැඩි ප්‍රමාණයක් කල්පිටියේ වගා බිම් වලින් රට පුරා රැගෙන යාම දෛනිකව සිදුවන බව වගාකරුවන් පවසයි.

එසේ තිබියදී තම වගාවන්ට නිසි පොහොර නියමිත කාලය තුළදී නොලැබිම හේතුවෙන් වගා බිම් වල භෝගයන් නිසි ලෙස වර්ධනය නොවිම නිසාම වසරකට 30% වැඩි ප්‍රමාණයක අස්වැන්නක් අපතේ යන වගාකරුවෝ පවසති.

මේ පිලිබදව අදහස් දැක්වු දළුව කේ.එල් .පොඩි නිලමේ මහතා මෙසේ කීය.

“ කල්පිටිය කියන්නේ ලංකාවේ සුවිශේෂ වැදගත්කමක් ඇති කලාපයක් .මේ කලාපයේ එළවළ වගා කරන වගාකරුවන් 2000ක් විතර ඉන්නවා .ඒ සමගම අක්කර 10000 ක් විතර එළවළු හා පළතුරු වගා කරන පළාතක් ලෙස හදුන්වන්න පුළුවන් .
නමුත් අපිට දැනට වසරක ඉදලා නියමිත කාලයක පොහොර ටිකක් ලබා ගන්න බැරිව දුක් විදින තත්වයට මුහුන දිලා.
මේ නිසා වගාවන් වලට නියමිත වර් ධනය ලබා ගන්න බැරි තත්වයක් උදා වෙලා .කල්පිටියේ වැඩි පුරම පොහොර එකාධිකාරියක් මේ සදහා බලපාල තිබෙනවා .

නමුත් කිසිම වේලාවක ඒ සදහා රජය මැදිහත් විමක් වි නැහැ .දැනටත් එයමයි .අපි රජයට කියන්නේ නියමිත කාලයට මේ පොහොර ටික ලබා දෙන්න කියලා විතරයි.දළුව ඩබ්ලියු .එන්.එල් .ප්‍රනාන්දු මහතා මෙසේ කීය .

“ මේ වන විට කල්පිටියේ උග්‍ර පොහොර හිගයක් පවතිනවා .ඒ නිසාම අපිට උවමනා යුරියා පොහොර මිටියක් ලබා ගන්න පොහොර වෙළද සැලක ගිහාම අපේ වගාවට අනවශ්‍ය පොහොරත් අධික මිලක් දී ලබා ගන්න සිදු වෙලා . මේ ගැන කිසිම නිළධාරියකු කථා කරන්නේ නැහැ.