(ලුණුගල ප්‍රසන්න පත්මසිරි)

මාදුරුඔය ජාතික වන රක්ෂිතයේ වසර සිය ගණනක් පැරණි තේක්ක ගස් හොරට කපා ප්‍රවාහනය කරමින් සිටියදි තේක්ක කඳන් 72ක් සමග ලොරි රථයක් අද (04) අත් අඩංගුවට ගත් බව වන ජීවි නිලධාරිහු පැවසූහ.

වන රක්ෂිතයේ ගස් කපා ලොරියකට කඳන් 38ක් පටවාගෙන වනයේ සිට අරලගංවිල මාර්ගයට පැමිණෙමින්
සිටියදී වනජිවී නිලධාරින් වැටලීම සිදුකරන අවස්ථාවේ රියදුරු රථයෙන් බැස පලාගොස් තිබේ.

වනය තුළ සිදුකළ මෙහෙයුමකදී ප්‍රවාහනයට සූදානම් කරතිබූ තවත් තේක්ක දැව කඳන් 24ක්ද සොයාගත් බව එම වනජිවී නිලධාරිහු පැවසූහ.  
වනයේ අක්කර 10000ක පමණ වසර 50ත්-100ත් අතර පැරණි මැරීගිය තේක්ක ගස් විශාල වශයෙන් තිබෙන
බව දැව ජාවාරම් කරුවන් සති දෙක තුනක් තිස්සේ කුඩාරම් වල රැදෙමින් දැව ජාවාරම සිදු කර තිබෙන බවත් වනජීවී නිලධාරීහු සඳහන් කරති.

අත් අඩංගුවට ගත් තේක්ක දැව කඳන් අධිකරණයට ඉදිරිපත් කිරීමට නියමිතය.

මාදුරුඔය ජාතික වන උද්‍යානයේ වනජීවි උද්‍යාන භාරකරු බුද්ධික විදානගේ මහතාගේ උපදෙස් මත වනජීවි නිලධාරීන් විසින් මෙම වැටලීම සිදුකර තිබේ.