(ටී. එල්. ජව්ෆර්කාන්)

මඩකලපුව මුලස්ථාන පොලිස් බල ප්‍රදේශයේ මඩකලපුවේ පිහිටි ප්‍රසිද්ධ ස්වර්ණාභරණ ව්‍යාපාර ස්ථානයකින් කෝටි 10ක රන් භාණ්ඩ කොල්ල කෑ සිව්දෙනෙකු අද(14) අත්අඩංගුවට ගත් බවට පොලිසිය පවසයි.  

මෙසේ අත්අඩංගුවට ගෙන ඇත්තේ, එම ආයතනයේ සේවය කළ බදුල්ල ප්‍රාදේශයේ පදිංචිකරුවන් දෙදෙනෙකු, මඩකලපුවේ පදිංචි කාන්තාවක හා පිරිමි පුද්ගලයෙකි.

මඩකලපුව නගරයේ පිහිටි ප්‍රකට ස්වර්ණාභරණ අලෙවිකරන ස්ථානයකින් සැකකරුවන් පසුගිය දිනක රාත්‍රියේදී මෙම රන් භාණ්ඩ කොල්ල කා ඇතැයි අනාවරණය වී තිබේ.  මඩකලපුව මුලස්ථාන පොලිසිය කළ විමර්ශන අනුව එම පිරිස අත්අඩංගුවට ගෙන ඇත.

අත්අඩංගුවට පත් සිව්දෙනා මඩකලපුව මුලස්ථාන පොලිසියේ  රඳවා වැඩිදුර පරීක්ෂණ පවත්වයි. විමර්ශන අවසන්වු වහාම  මඩකලපුව මහෙස්ත්‍රාත් මහාධිකරණයට ඉදිරිපත් කිරීමට නියමිත බව මඩකලපුව මුලස්ථාන පොලිසිය පවසයි.