(පාලිත ආරියවංශ)
 
බදුල්ල කයිලගොඩ නිවසකට ඇතුළු වූ පුද්ගලයකු එහි කාන්තාවකට අද(28) පිහියකින් ඇන කපා කොටා ඝාතනය කර පලා ගොස් ඇතැයි පොලිසිය කියයි.

මියගොස් ඇත්තේ අංගප්පන් ගෞරි නැමති 46 හැවිරිදි දෙදරු මවකි.  සැමියා සහ පුතු සමග ඇය මෙම නිවසේ ජීවත් වුවත් සිද්ධිය වූ අවස්ථාවේ  සැමියා සිය ව්‍යාපාරික ස්ථානයටද පුත්‍රයා ඡාත්‍යන්තර පාසැලද ගොස් තිබු බව විමර්ශනවලදී අනාවරණය වූ බව පොලිසිය සඳහන් කරයි.

මුහුණ ආවරණය කරගත් තරුණයෙකු මෙම අපරාධය කර පලා යන අයුරු  අසල්වැසි කාන්තාවක දැක ඇතැයි පොලිසිය කියයි.

බරපතල කැපුම් තුවාල  කාන්තාව බදුල්ල මහරෝහලට  ඇතුලත්  කරන විටත් මියගොස්  සිටි බව බදුල්ල මහ රෝහලේ හදිසි ප්‍රතිකාර ඒකකයේ වෛද්‍ය පාලිත රාජපක්ෂ මහතා පැවසීය. ‍

සැකකරු අත්අඩංගුවට ගැනීම සඳහා බදුල්ල පොලිසිය වැඩිදුර පරීක්ෂණ පවත්වයි.