(ඩබ්. ඒ. පියතිලක)
වියළි කාලගුණ තත්වය හමුවේ වැලිකන්ද, දිඹුලාගල සහ ලංකාපුර ප්රාදේශීය ලේකම් කොට්ඨාසවල පවුල් 3368 ක, පුද්ගලයින් 10601ක්, පාසල් 5ක දරුවන් 1088ක් පානීය ජල හිඟයකට මුහුණ දී ඇති බව පොළොන්නරුව සහකාර ආපදා කළමණාකර අධ්යක්ෂක උපුල් නානායක්කාර මහතා පවසයි.
උතුරුමැද පළාතට පවතින වියළි කාලගුණ තත්තවය හේතුවෙන් මේවනවිට බවුසර් මගින් ජලය බෙදා දීමේ කටයුතු ක්රියාත්මක වන බවද ඒ මහතා කියයි.
ඒ මහතා මෙසේද පැවසීය.
“වැලිකන්ද ප්රදේශීය ලේකම් කොට්ඨාසයේ ග්රාමසේවක වසම් 8ක පවුල් 2374ක්, පුද්ගලයින් 7791කු සහ පාසල් 04ක සිසුන් 928 දෙනෙකු පානීය ජල හිඟයට පත් වෙලා. අපි දිනකට බවුසර් දෙකක් යොදා ගෙන ඒ ජනතාව වෙනුවෙන් පානීය ජල ලීටර් 16,000ක් බෙදා හරිනවා.
දිඹුලාගල ප්රදේශීය ලේකම් කොට්ඨාසයේ පවුල් 919ක් ද පුද්ගලයින් 2510 දෙනෙකු සහ පාසලක ළමුන් 160 දෙනෙකු ආපදාවට ලක්ව තියෙනවා. ඒ අය සඳහාත් බවුසර් තුනක් යොදාගෙන දිනකට පානීය ජල ලීටර් 46,000ක් බෙදා දෙනවා.
ලංකාපුර එක් ග්රාමසේවක කොටසක පවුල් 75ක පුද්ගලයින් 300කටත් ජලය ලබා දෙනවා.
මෙම ප්රදේශීය ලේකම් කොට්ඨාශ තුළ පානීය ජල ටැංකි 23ක් ස්ථානගත කර හිඟයකින් තොරව පානීය ජලය ලබා දෙනවා. දිඹුලාගල සහ වැලිකන්ද ප්රදේශීය ලේකම් කොට්ඨාස දෙක සඳහා පානීය ජලය ලබා දීමට ආපදා කළමණාකරණ ඒකකය විසින් රුපියල් 584,974ක් ලබා දී තිබෙනවා.”
දිස්ත්රික්කය තුළ පානීය ජල හිඟයක් ඇත්නම් වහාම ග්රාම නිලධාරියා වෙත දැනුම් දෙන ලෙස පොළොන්නරුව සහකාර ආපදා කළමණාකර අධ්යක්ෂක උපුල් නානායක්කාර මහතා ජනතාවගෙන් ඉල්ලා සිටී.
ශ්රී ලංකා ඉන්ෂුවරන්ස් ලයිෆ් තම වාර්තාව අභිබවා යමින් මෙරට රක්ෂණ ඉතිහාසයේ දැවැන්තම බෝනස් දීමනාව වන රුපියල් බිලියන 12.5 ක ජීවිත රක්ෂණ බෝනස් දීමනාව 2024 වසර
ශ්රී ලංකාවේ වැදගත් පූජනීය බෞද්ධ ආගමික සිද්ධස්ථානයන් වන කතරගම කිරි වෙහෙර සහ රුහුණු කතරගම මහා දේවාලයේ 2025 ඇසළ උත්සවය, ශාකසාර සබන් සහ ශාකසාර පෞද්ගලික
එදා මෙදාතුර ශ්රී ලාංකීය දේපල වෙළදාම් ක්ෂේත්රයේ දැවැන්තම සහ අති සුඛෝපභෝගී නිවාස සංකීර්ණ ව්යාපෘතිය වන Pentara Residencies තුන්මුල්ල හංදිය ,The Address in Colombo එළි දැක්වීම
උතුරුමැද පවුල් 3368කට පානීය ජල ගැටලු
sunil perera Monday, 10 June 2019 11:04 AM
මහමාර්ග රට පුරා පිහිටුවා ඇති ලෙසටම නලජල පද්ධතියකින් දිස්ත්රික්ක සියල්ලම ආවරණය වන ලෙසට නිර්මාණයකර දිගුකාලින සැලැස්මකට අනුවක්රියාත්මක කලයුතුයි . සුර්ය බලය යොදමින්පොම්පාගාර පිහිටුවමින් අධිවේගී මාර්ග තනනවිටම ඒ හා සම්බන්ධ වැඩකටයුතු සිදුවන්නේනම් වැයපස අවමවෙයි. මැ ද කදුකර රටක් නිසා සතර අතට ජලවහනය පහසුවෙයි එසේ නොමැතිව මේ කරන දේ අනාගත ජනගහන ඝණත්වයට කිසි සෙත් ඔරොත්තු නොදේ. උතුරු ඇල මාර්ග කඩිනම් කරමින් ඒ හා සම්බන්ධ ජාල සැපයුම් ප්රයෝජනයට ගැනීමද තවත් හැකියාවකි.