(බිඟුන් මේනක ගමගේ )

පාර්ලිමේන්තුවට පිවිසිය යුත්තේ ජනතාවගේ සිතුම් පැතුම් හඳුනන ජනතාව සමඟ සිටින දේශපාලන නායකයන් යැයි ද,  විද්වත්භාවය එක් සුදුසුකමක් පමණකැයි ද , ශ්‍රී ලංකා පොදුජන පෙරමුණේ පොළොන්නරුව දිස්ත්‍රික් සංවිධායක හා හිටපු ඇමැති සිරිපාල ගම්ලත් මහතා ‘ලංකාදීප’ යට අද(25) පැවැසීය. 

පාර්ලිමේන්තුවට පැමිණිය යුත්තේ විද්වතුන්ම පමණක් නම් ඒ සඳහා වෙනම සම්මුඛ පරීක්ෂණයක් පවත්වා පුද්ගලයන් තෝරාගත හැකි යැයි ගම්ලත් මහතා කීය.

මැතිවරණවලට අපේක්ෂකත්වය දීමට නාමයෝජනා දීමේදී මෙතෙක් කල් අනුගමනය කළ වැඩපිළිවෙලක් ඇතැයි ද සෑම මැතිවරණයකදීම ඊට අලුත් මුහුණු එකතුවන්නේ යැයි ද ඒ මහතා කීය.

ඒ අනුව වියත් මග වැනි සංවිධානවල පිරිස්වලට ද නාමයෝජනා ලැබෙනු ඇතැයි කී හෙතෙම අවසාන තීන්දුව ගනු ඇත්තේ ජනතාව විසින් යැයි ද කීවේය.


පොළොන්නරුව දිස්ත්‍රික්කයට ප්‍රධාන පක්ෂ දෙකෙන් පමණක් 16 දෙනකු තරග කළ ද පාර්ලිමේන්තුවට තේරීපත්වීමට අවස්ථාව ලැබෙන්නේ පස් දෙකනුට පමණකැයි ද ගම්ලත් මහතා සඳහන් කළේය.