(මනෝජ් හර්ෂික)
 
මේ මොහොතේ දී කෝලාහල ඇති කර රට ගිනි තැබීමට කවුරුන් හෝ උත්සාහ කරයි නම් ඔවුන් ත්‍රස්ත්‍රවාදීන්ගේ ඒජන්තවරුන් බව නිවාස, ඉදිකිරීම් හා සංස්කෘතික කටයුතු අමාත්‍ය සජිත් ප්‍රේමදාස මහතා අද (06) පැවැසීය.
 
අමාත්‍යවරයා මේ ඉව පැවැසුවේ පාස්කු ඉරිදා බෝම්බ ප්‍රහාරයෙන් විනාශ වූ මීගමුව කටුවාපිටිය ශාන්ත සෙබස්තියන් දේවස්ථානයේ ප්‍රතිසංස්කරණ කටයුතුවල ප්‍රගතිය සොයා බැලීම සඳහා සහභාගී වෙමිණි.
 
ත්‍රස්ත්‍රවාදය පරාජය කර රට තුළ සාමය ඇති කිරීමට ත්‍රිවිධ හමුදාව හා පොලිසිය එක්ව කටයුතු කරන විට සාමකාමීව හැසිරී ආරක්ෂක අංශවලට සහයෝගය ලබා දීම පොදු ජනතාවගේ වගකීම බවද එහිදී අමාත්‍යවරයා සඳහන් කළේය.
 
කළකෝලහාල, වීදි සටන් සිදු කරමින් විවිධ කණ්ඩායම් කලහකාරීව හැසිරෙන විට සිදුවන්නේ සමූහ ඝාතන සිදු කළ ත්‍රස්ත්‍රවාදීන්ගේ න්‍යාය පත්‍රය ඉෂ්ඨවීම බවත් ත්‍රස්ත්‍රවාදීන්ගේ වුවමනාවන් ඉටුවන අයුරින් කටයුතු නොකරන ලෙස සමස්ත ජනතාවගෙන් ඉල්ලා සිටින බවත් අමාත්‍යවරයා වැඩිදුරටත් කීය.